මිනිස් ජාවාරම් සම්බන්ධයෙන් සැකපිට ඉන්දීය පුරවැසියන් 303 දෙනෙකු සමඟ බාල වයස්කරුවන් 11 දෙනෙකු ඇතුළුව මගී ගුවන් යානයක් ප්‍රංශය විසින් ගොඩ බස්සවා ඇති බව පැරීසියේ පැරිස් නීතිපති කාර්යාලය තහවුරු කර තිබේ.
රුමේනියාවේ පිහිටි Legend Airlines සමාගමට අයත් මෙම ගුවන් යානය එක්සත් අරාබි එමීර් රාජ්‍යයේ සිට නිකරගුවාව දක්වා ගමන් කරමින් තිබූ අතර පැරිසියේ සිට කිලෝමීටර් 150ක් පමණ නැගෙනහිරින් පිහිටි Vatry ගුවන් තොටුපලක් වෙත මෙලෙස ගොඩ බස්සවා ඇත.
සමාජ මාධ්‍ය ඔස්සේ නිවේදනයක් නිකුත් කරමින් පැරිස්හි ඉන්දීය තානාපති කාර්යාලය සඳහන් කර තිබුණේ, අපි තත්ත්වය පිළිබඳව විමර්ශනය කරමින් සිටින අතර මගීන්ගේ යහපැවැත්ම සහතික කරන බවයි.
යානයේ සිටි බාලවයස්කරුවන් රැකවරණය සඳහා සුදුසු රාජ්‍ය ආයතන වෙත මේවන විට මාරු කර යවා ඇති අතර සියලුම වැඩිහිටි මගීන්ගෙන් ප්‍රශ්න කිරීම පැරිස් නඩු පවරන්නන්ගේ කාර්යාලයේ උප ශාඛාවක් වන සංවිධානාත්මක අපරාධවලට එරෙහි ප්‍රංශයේ ජාතික අධිකරණ බලය (JUNALCO) විසින් අධීක්‍ෂණය කරනු ලැබේ.
සශිකලා මධුෂාණි
