හුආවෙයි (Huawei) ජංගම දුරකථන සමාගමට ඇමරිකාවෙන් අපරාධ නඩු
ඇමරිකා එක්සත් ජනපදය හුආවෙයි සමාගමට එරෙහිව අපරාධ නඩු දෙකක් පවරා ඇත.
ඒ, ලෝ ප්‍රකට චීන ජංගම දුරකථන සමාගමෙහි මූල්‍ය ප්‍රධානී සහ හුආවෙයි නිර්මාතෘවරයාගේ දියණිය වූ මෙන්ග් වැන්ෂු (Meng Wanzhou) පසුගිය දෙසැම්බරයේ කැනඩාවේදී අත්අඩංගුවට ගැනීමත් සමග හටගත් අර්බුදය තවදුරටත් උත්සන්න කරමිනි.
මෙම අපරාධ නඩු දෙකකින් එක් නඩුවක චෝදනාව ලෙස සඳහන් කර තිබෙන්නේ හුආවෙයි සමාගම විසින් T-Mobile (TMUS) ජංගම දුරකථන සමාගමේ වාණිජ රහස් සොරකම් කිරීමට උත්සාහ කළ බව සහ, තරගකාරී ආයතනවලින් විශ්වාසනීය තොරතුරු සොරකම් කරන සේවකයන් වෙත බෝනස් මුදල් ලබාදීමට පොරොන්දු වී තිබීමයි.
දෙවන අපරාධ නඩුවේ චෝදනාව වන්නේ හුආවෙයි සමාගම විසින් ඉරානයට එරෙහිව ඇමරිකාව පනවා තිබූ සම්බාධක සමග වංචනික ලෙස කටයුතු කළ බවයි.
මේ වන විට අත්අඩංගුවේ පසුවන මෙන්ග් වැන්ෂු ව ඇමරිකාවෙන් උදර්පණය කිරීම සඳහා ද නීතිමය පසුබිම සකස් වෙමින් තිබේ.
ඇමරිකාව පවසන්නේ හුආවෙයි සමාගම ‘අපරාධ දුසිම් දෙකක්‘ පමණ සිදුකර ඇතැයි සැලකෙන බවයි. අගරු කටයුතු ලෙස ව්‍යාපාරයේ නිරත වූ බව සහ, ඇමරිකාවේ ආර්ථික ප්‍රතිපත්තිවලට පටහැණි ව ක්‍රියාකිරීම මෙම චෝදනාවල පොදු පදනම බවට පත්ව තිබේ.
‘‘චීනය එහි පුරවැසියන් සහ චීන සමාගම්, නීතියට අනුගත වීම සම්බන්ධයෙන් වගකිව යුතුයි‘ යැයි ඇමරිකා එක්සත් ජනපදයේ වැඩබලන නීතිපති මැතිව් විටේකර් (Matthew Whitaker) ප්‍රකාශයක් නිකුත් කරමින් කියා සිටියි.
මෙයට ප්‍රතිචාර දක්වමින් චීන පාලනය ඇමරිකාවට ප්‍රති ප්‍රහාර එල්ල කරමින් සිටියි. ඔවුන් පවසන්නේ ඇමරිකාව විසින් සිය රාජ්‍ය බලය අයුතු ලෙස යොදවා චීන සමාගම් විනාශ කිරීමට උත්සාහ කරන බවයි.
වොෂින්ටන් අධිකරණයේ ගොනු කර ඇති චෝදනා 10කින් යුතු චෝදනා පත්‍රයක දැක්වෙන්නේ හුආවෙයි සමාගම වසර ගණනක් මුළුල්ලේ T-Mobile සමාගමේ ‘ටැපි‘ නමින් ප්‍රකට තාක්ෂණය සොරකම් කළ බව ය. හුආවෙයි සමාගම විසින් ටී මොබයිල් සමාගම වෙත ජංගම දුරකථන සැපයීමේ යෙදී ඒ හරහා අදාළ තොරතුරු සොරකම් කර තිබේ. හුඅවෙයි සමාගම විසින් නිරන්තරයෙන්ම සිය සේවකයන්ව දිරිමත් කර තිබෙන්නේ ටී මොබයිල් හි තාක්ෂණය පිළිබඳ හැකි සෑම තොරතුරක්ම ලබාගන්නා ලෙස ය. නමුත් සමාගම සමග පැවති ඔවුන්ගේ ගිවිසුම තුළ එ් බව ටී මොබයිල් සමාගමට දැනුම් දී නැත. ඒ අනුව එය සාපරාධී විශ්වාසය කඩ කිරීමක් ද වේ.
පසුව හුආවෙයි සමාගම මෙම ක්‍රියාව සාධාරණීකරණය කර තිබුණේ එසේ සිදුකළ සේවකයන්ට චෝදනා කරමින් ඔවුන් පිට වරද පටවන වාර්තාවක් ප්‍රසිද්ධ කරමිනි.
එසේම ‘දුරකථන පරීක්ෂා කරන රොබෝ යන්ත්‍රයක්‘ ද හුආවෙයි සමාගම විසින් නිපදවා තිබිණි.
හුආවෙයි හි මෙම සදාචාර විරෝධී ව්‍යාපාර පරිචයන් හේතුවෙන් එංගලන්තය, ඔස්ට්‍රේලියාව, නවසීලන්තය වැනි රටවල් ගණනාවක් විසින් එම උපාංග භාවිතය තහනම් කර ඇති අතර, ඔවුන්ගේ දුරකථන ජාල ද තහනම් කර තිබිණි. පසුගිය දිනවල වාර්තා වූයේ සුප්‍රසිද්ධ වොඩෆෝන් (Vodafone) සමාගම ද සිය ප්‍රධාන දුරකථන ජාල සඳහා හුආවෙයි උපකරණ යොදාගැනීම අත්හිටවූ බවයි. ජර්මනිය ප්‍රමුඛ යුරෝපා රටවල් 5G networks සඳහා හුආවෙයි උපකරණ යොදාගැනීමේ විශාල ව්‍යාපෘතියක් ද වහාම ක්‍රියාත්මක වන පරිදි නතර කළේය.
ඇමරිකාව හුආවෙයි සමාගමේ වාණිජ පරිචයන් පිළිබඳ නීතිමය ගැටළු මතුකරමින් සිටියේ 2007 වසරේ මැද භාගයේ පටන් ය.
මේ සියලු තත්වයන් හමුවේ පසුගිය වසර තුළ හුආවෙයි සමාගමේ ස්මාට්ෆෝන් අලෙවිය ලොව පුරා 30%කින් පහළ බැස තිබේ. කෙසේ නමුත් සමාගම පසුගියදා පවසා තිබුණේ වසර 2020 වන විට තමන් සැම්සුන් සමාගම මිලදී ගැනීමට සැලසුම් කරන බවයි.
මේ අතර හුආවෙයි සමාගම විසින් විවාදාත්මක ගණුදෙනු ගණනාවක නිරත වී තිබෙන්නේ HSBC බැංකුව හරහා බව ද හෙළි වේ.
කැනඩාව විසින් හුආවෙයි සමාගමේ මූල්‍ය ප්‍රධානියා අත්අඩංගුවට ගනු ලබන්නේ ට්‍රම්ප් විසින් චීනයට එරෙහිව වාණිජ යුද්ධයක් ප්‍රකාශයට පත් කර තිබියදී ය. එනම් 2019 මාර්තු 1 වැනිදාට පෙර ය. එතැන් පටන් ඇමරිකාව විසින් චීන නිපැයුම් මත පනවන ඩොලර් බිලියන 200 ක බද්ද 10% සිට 25% දක්වා ඉහළ යාමට නියමිත ය.
මේ සිදුවීමත් සමග ට්‍රම්ප් සහ චීනය අතර පවතින ආරෝව උත්සන්න වූ නමුත් පසුගිය දිනවල දැකගත හැකි වූයේ එහි තත්වය වෙනස් වෙමින් පවතින බව ය. මේ අනුව හුආවෙයි සමාගමේ ප්‍රධානියා ට්‍රම්ප්ගේ වාණිජ ප්‍රතිපත්තියට ප්‍රශංසා කර තිබූ අතර, ඉන් පසුව ට්‍රම්ප් කියා තිබුණේ වෙළඳ යුද්ධය විසඳා ගැනීමට උදව්වක් වේ නම්, මෙන්ග්ගේ සිද්ධියට මැදිහත් වීමට තමන් ලැහැස්ති බව ය.
ඉන්පසුව ඇමරිකාවේ නීතිපති දෙපාර්තමේන්තුව, හුආවෙයි සමාගමට සහ එහි මූල්‍ය ප්‍රධානියාට විරුද්ධව වහාම අපරාධ නඩු ගොනු කර තිබේ!
පෙර ලිපිය – පාස්පෝට් 7 ක් පාවිච්චි කළ Huawei ප්‍රධානියා!
