කටාරයේ නිදහස් දින සැමරුම අදයි
මෙවර නිදහස් දින සැමරුම මඟින් ජාතික අනන්‍යතාවය පිළිබඳ හැඟීමක් වර්ධනය කිරීම මෙමඟින් අපේක්ෂා කෙරේ.
1971 සැප්තැම්බර් 3 වැනි දින කටාරය බ්‍රිතාන්යෙන් සිය නිදහස ප්‍රකාශයට පත් කළ අතර 2007 ජූනි 21 දින එවකට ඔටුන්න හිමි කුමරු සහ උරුමක්කාරයා වූ ෂෙයික් තමීම් බින් හමාඩ් අල් තානිගේ නියෝගයක් මඟින් කටාරය එක්සත් කිරීමේ ජාතික සැමරුම් උත්සවය දෙසැම්බර් 18 වන දිනට යොදන ලදී.
ක්‍රිස්තු වර්ෂ 628 දී, මුහම්මද් තුමා විසින් නැගෙනහිර අරාබියේ සසනිද් ආණ්ඩුකාරවරයා වූ මුන්සීර් ඉබ්න් සාවා වෙත දූතයෙකු යැවීමෙන් පසුව, කටාර්හි ජනගහනයට ස්ලාම් ආගම හඳුන්වා වෙන ලදී. 8 වැනි සියවස වන විට එය මුතු වෙළෙඳ මධ්‍යස්ථානයක් බවට පත් විය.
අනතුරුව කාලාන්තරයක් විවිධ පුද්ගලයන් යටතේ පාලනය වූ කටාරය 1916 දී කටාරය බ්‍රිතාන්‍ය ආරක්‍ෂක රාජ්‍යයක් බවට පත් වූ අතර අබ්දුල්ලා අල් තානි ගිවිසුමකට අත්සන් තැබුවේ ඔහුට මුහුදු මාර්ගයෙන් එල්ල වන සියලු ආක්‍රමණවලින් ආරක්ෂාව සහ ගොඩබිම් ප්‍රහාරයකදී සහය ලබා දීම සඳහා බ්‍රිතාන්‍යයන්ට පමණක් භූමි ප්‍රදේශ පැවරිය හැකි බවයි. කටාරය 1934 බ්‍රිතාන්‍ය සමඟ ඇතිකරගත් ගිවිසුමක් මගින් වඩාත් පුළුල් ආරක්ෂාවක් ලබා ගන්නා ලද අතර 1940 පමණ වන විට උසස් තත්ත්වයේ තෙල් සොයා ගන්නා ලදී.
1950 සහ 1960 ගණන් වලදී තෙල් ආදායම වැඩි කිරීම සමෘද්ධිය, වේගවත් සංක්‍රමණ, සැලකිය යුතු සමාජ ප්‍රගතියක් සහ රටේ නූතන ඉතිහාසයේ ආරම්භය ගෙන ආවේය.
1968 දී බ්‍රිතාන්‍යය පර්සියානු ගල්ෆ් ෂෙයික්ඩම් සමඟ ගිවිසුම් සබඳතා අවසන් කිරීමේ ප්‍රතිපත්තියක් ප්‍රකාශයට පත් කිරීමෙන් පසුව, කටාරය අරාබි එමීර් රාජ්‍යයන්ගේ සම්මේලනයක් පිහිටුවීමේ සැලැස්මක් තුළ එවකට බ්‍රිතාන්‍ය ආරක්ෂාව යටතේ සිටි අනෙකුත් ප්‍රාන්ත අට සමඟ එක් විය. ඒ අනුව යමින් 1971 සැප්තැම්බර් 3 වැනි දින නිදහස ලැබුණු ලැබිණි.
මෙවර නිදහස් දින සැමරුම් සතිය තුළ ක්‍රියාකාරකම් කිහිපයක් සංවිධානය කර ඇති අතර මෙවර එය ජාතික දින සැමරුම් කටාර්හි සංවර්ධන සහ සෞභාග්‍යයේ ගමන සංකේතවත් කරයි.මේ වන විට කටාරයේ සංස්කෘතික උත්සව සහ උරුමයන් තේමා කරගත් සිදුවීම් 20කට අධික ප්‍රමාණයක් පැවැත් වෙන අතර ජාතික දින පෙළපාළි, ගිනිකෙළි සංදර්ශන, ඇතුලත් වන අතර ජාතික අනන්‍යතාවය පිළිබඳ හැඟීමක් වර්ධනය කිරීම මෙමඟින් අපේක්ෂා කෙරේ.
සශිකල මධුෂාණි
