BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

වත්මන් පොප් සංගීත කර්මාන්තය ගීත රචකයන් රවටනු ලබනවා – ABBA ගීත කණ්ඩායමේ බියෝර්න්ගෙන් චෝදනාවක්!

"යුරොවිෂන් සෝනග් කොන්ටෙස්ට් තරඟාවලියට ඉදිරිපත් වීමට ආරාධනා ලැබුණු විට එම තරඟාවලියට ඉදිරිපත් කිරීමට හොඳම ගීතයක් අප සතුව තිබුණා. මෙම ගීතයේ නම Hasta Mañana. එය බැලඩ් වර්ගයේ ගීතයක්, එය ඉතාම අලංකාරයි, එය යුරොවිෂන් සෝන්ග් කොන්ටෙස්ට් වැනි තරඟාවලියකට සුදුසුම අන්දමේ ගීතයක් විය හැකිව තිබුණා. එම නිසාම අපි එම ගීතය ඉදිරිපත් කළේ නැහැ."

70 දශකයේ ගීත අමන්දානන්දය ABBA දශක ගණනාවක් පුරා බාල මහලු කා අතරත් එක සේ ජනාදරය දිනූ පොප් කණ්ඩායමකි. ABBA ගීත කණ්ඩායම සංගීත ක්ෂේත්‍රයේ සක්‍රීයව කටයුතු කරනු ලැබුවේ 1972 – 1982 යන දශකය තුළ පමණක් වූව ද ඔවුන් ඉතිරි කර ගිය ඒ ගීත එකතුව දශක ගණනාවක් පුරා සංගීත කලාවෙන් ද ඔබ්බට වේදිකා නාට්‍ය සහ සිනමාව දක්වා මුල් බැස ගෙන තිබිණි.

ABBA යනු ඉංග්‍රීසි බස කතා නොකරන රාජ්‍යයක (ස්වීඩනය) සිට පැමිණ බිල්බෝර්ඩ් ගීත දර්ශකය ඇතුළු ඉංග්‍රීසි සංගීත ක්ෂේත්‍රය ආක්‍රමණය කළ ලොව පළමු ගීත කණ්ඩායමයි. ඉහළ පරාසයේ ඇසුවන් වසඟයට පත්කරන ඇග්නේතා ෆෝල්ස්කොග් ගේ කඩහඬ, පහළ පරාසයේ ගායන ශ්‍රේෂ්ඨත්වය විදහා පාන ඇනිෆ්‍රිඩ් ලින්ස්ටඩ් ගේ කඩහඬ ද සමඟ මුසුව බියෝර්න් උල්වේයස් ගේ මනරම් ගිටාර් වාදනයද, බෙනී ඇන්ඩර්සන් ගේ අසමසම කීබෝඩ් වාදනය ද සමඟ ඉදිරිපත් වන්නේ සංශුද්ධ ABBA සංගීතය බව ABBA සංගීතය අධ්‍යයනය කළ ඕනෑම ප්‍රේක්ෂකයකු සොඳින් දනී.

Björn Ulvaeus

ABBA ගීත කණ්ඩායමේ බියෝර්න් උල්වේයස් නැතහොත් ප්‍රධාන ගිටාර් වාදක ද ගාඩියන් පුවත්පත හා පැවති සම්මුඛ සාකච්ඡාවකදී බරපතල හෙළිදරව්වක් කර තිබේ.

ඔහු ප්‍රකාශ කර සිටියේ වත්මන් පොප් සංගීත ක්ෂේත්‍රය ගීත රචකයන් රවටනු ලබන බවත්, නූතන ඩිජිටල් තාක්ෂණය හරහා ගායක ගායිකාවන් ලබා ගන්නා ලද ජනප්‍රියත්වය හරහා ගීත රචකයන් හට ලැබී තිබුණ රාජකීය වටිනාකම ගිලිහෙමින් පවතින බවත් ය.

ABBA ගොලීය ජනාදරයට පාත්‍රවන්නේ 1974 වර්ෂයේ ගැයූ Waterloo නම් ගීතය යුරොවිෂන් සොන්ග් කොන්ටෙස්ට් නම් තරඟාවලියේදී ජයග්‍රහණය කිරීමත් සමඟය. ඒ ස්වීඩනය යුරොවිෂන් සෝන්ග් කොන්ටෙස්ට් නම් තරඟාවලිය ජයග්‍රහණය කළ ඉතිහාසයේ පළමු අවස්ථාවයි.

මෙම ඓතිහාසික සිදුවීම උදාහරණයට ගනිමින් බියෝන් ඉහත සම්මුඛ සාකච්ඡාවේදී නූතන පොප් සංගීත ක්ෂේත්‍රයට එල්ල කළ චෝදනාව පැහැදිලි කළේ මෙසේය.

“යුරොවිෂන් සෝනග් කොන්ටෙස්ට් තරඟාවලියට ඉදිරිපත් වීමට ආරාධනා ලැබුණු විට එම තරඟාවලියට ඉදිරිපත් කිරීමට හොඳම ගීතයක් අප සතුව තිබුණා. මෙම ගීතයේ නම Hasta Mañana. එය බැලඩ් වර්ගයේ ගීතයක්, එය ඉතාම අලංකාරයි, එය යුරොවිෂන් සෝන්ග් කොන්ටෙස්ට් වැනි තරඟාවලියකට සුදුසුම අන්දමේ ගීතයක් විය හැකිව තිබුණා. එම නිසාම අපි එම ගීතය ඉදිරිපත් කළේ නැහැ. අප ඒ වෙනුවට ඉදිරිපත් කළේ  Waterloo නම් ගීතයයි. ඊට හේතුව අපට අවශ්‍ය වූවා යුරොවිෂන් සෝන්ග් කොන්ටෙස්ට් තරඟාවලිය පුරාවට කිසිදු දිනක අසා නොමැති අන්දමේ ගීතයක් ඉදිරිපත් කිරීමට.”

Waterloo නම් ගීතය පාදක වන්නේ Waterloo නගරයේ නෙපෝලියන් ආදිපාදවරයා යුධ වැදුණු සිදුවීම ඇසුරිණි. මෙම ගීතය 1974 වර්ෂයේ දී සිටි ජනතාවට අමුතුම අන්දමේ ගීතයක් වූ අතර, එම හේතුව නිසාම එය යුරොවිෂන් තරඟාවලිය ජයග්‍රහණය කළේය.

මෙමඟින් බියෝන් අදහස් කරනු ලැබුවේ ජනප්‍රියත්වය ලැබෙන්නේ හුදෙක් ගීතයක සංගීතමය සුන්දරත්වය ට වඩා එහි පවතින අසමසමභාවය මත බව සහ ජනතාව ආදරය කරනු ලබන සංගීත නාදය මත බවයි. ඒ අනුව, ගීත රචකයා සතු වටිනාකම කියා නිම කළ නොහැකි බවද ඔහු අවධාරණය කරයි.

“අපට අවශ්‍ය වූයේ ස්වීඩනයෙන් ද පිට, ලෝකයේ වෙනත් රට වල ABBA සන්නාමය කිසිදු දිනක අසා නොමැති පුද්ගලයන් අතර පවා ජනප්‍රිය වන ගීතයක් ඉදිරිපත් කිරීමටයි. මෙම ගීතය ඉදිරිපත් කිරීම මඟින් අප විශාල අවදානමක් ගනු ලැබුවා. නමුත් එහි ප්‍රතිඵල අප භුක්ති විඳිනු ලැබුවා.”

නමුත් වත්මන් සංගීත ක්ෂේත්‍රය තුළ ගීත රචකයකු විසින් එවන් අවදානමක් ගැනීමට ශක්තියක් තිබෙනවා ද යන්න ප්‍රශ්ණ සහගත බව බියෝර්න් පෙන්වා දෙයි. ගීත රචනය කිරීමේ කලාව බෙහෙවින් වෙනස්ව ඇති බව පෙන්වා දෙන බියෝර්න් අවධාරණය කරනු ලැබුවේ වත්මන් සංගීත ක්ෂේත්‍රය තුළ ගීතයට අදාළ ගායකයා හෝ ගායිකාව ඇගයීමට ලක්වීම වැඩි බවත්, ගීතය රචනා කළ පුද්ගලයා හට ලබා දෙන පිළිගැනීම ගිලිහෙමින් පවතින බවත් ය.

“සංස්කෘතික, නිර්මාණාත්මක හා වාණිජමය වශයෙන් ගීත රචකයා වර්තමාන සංගීත ව්‍යාපාරයට ගැලපෙන්නේ කෙසේද යන්න පිළිබඳ සාක්ෂි පදනම් කරගත් දළ විශ්ලේෂණයක් සැපයීම සඳහා මම MIDiA Researchනම් ආයතනය සමඟ වාර්තාවක් පළ කරනු ලැබුවා. මා හට කාටවත් ඇඟිලි දිගු කිරීමට අවශ්‍ය නැහැ. මට අවශ්‍ය වූයේ සංගීත ක්ෂේත්‍රය සහ ලෝලීන් යන දෙපාර්ශවයම කියවන සුළු අර්ථාන්විත වාර්තාවක් ඉදිරිපත් කිරීමට,”

බියෝර්න් ද ගාඩියන් පුවත්පත ට පැවසීය.

මෙම පර්යේෂණය හරහා හෙලිදරව් වී තිබෙන්නේ වත්මන් ඩිජිටල් තාක්ෂණය තුළ ස්පොටිෆයි වැනි ජාල හරහා පුද්ගලයින් ගීත වලට සවන් දෙන විට අදාළ ගීතයේ නිර්මාණකරුවන් හට වඩා ගීතයට පමණක් ප්‍රමුඛතාවය ලබාදීමට රසිකයින් පෙළඹ ඇති බවයි.

“ගීත ආර්ථිකය යළි සමතුලිත කිරීමේදී ගීතය සෑම දෙයක් සඳහාම තීරණාත්මක සාධකය වී ඇති යුගයක අප ජීවත් වන බව පෙනී යනවා. මීට ඉහත මෙම ස්ථානය හිමිව තිබුණේ ගීත ඇල්බම සඳහා. නමුත් මෙම ප්‍රවාහයේ ප්‍රමුඛතම මුදල් ඒකකය බවට පත්ව තිබෙන්නේ තනි ගීතයි. දත්ත මගින් පෙන්නුම් කරන්නේ මිනිසුන් ස්පොටිෆයි වැනි වේදිකාවක් භාවිතා කරන විට, ඔවුන් කලාකරුවන්ට වඩා ගීත සඳහා අවධානය යොමු කර ඇති බවයි. එනම්, ගීත රචකයාගේ භූමිකාව අන් කවරදාටත් වඩා දැන් වැදගත්ව තිබෙනවා. නමුත්, ඔබ ගීත රචකයෙක් නම්, මෙම පද්ධතිය අක්‍රියයි.” 

ඒ අනුව, සංගීත ක්ෂේත්‍රයේ පැවැත්ම තිබෙන්නේ ඔබ ගායකයකු නම් පමණක් විය හැකි බවද හෙතෙම පෙන්වා දෙයි. රසිකයින් හුදෙක් ගීතයට අවධානය යොමුකිරීම මත එහි ආර්ථික වාසිය ලැබෙන්නේ අදාළ ගීතය ගායනා කළ පුද්ගලයාට වන සන්දර්භයක ගීත රචකයා හට පැවතී රාජකීය වටිනාකම ගිලිහෙමින් පවතින බව බියෝර්න් ගේ අදහසයි.

ගීත රචකයකු හට ගායකයකු මෙන් තම සන්නාමය ප්‍රවර්ධනය කර ගැනීමට වෙළඳ භාණ්ඩ, සංගීත සංදර්ශණ, තම සන්නාමය රැගත් ඇඳුම් පැළඳුම් නොමැති බවත්, ඔවුන්ගේ ආදායම නිර්මාණය වන්නේ හුදෙක් ගීතය නිර්මාණය කිරීමෙන් බවත් පෙන්වා දෙන ABBA කණ්ඩායමේ හිටපු ගිටාර් වාදක බියෝර්න් අවධාරණය කරන්නේ මෙම තත්ත්වය තුළ පොප් සංගීත ක්ෂේත්‍රයේ ගායක ගායිකාවන් විසින් ගීත රචකයින් හට යම් අසාධාරණයක් සිදුකරන බවයි. මුදල් ගෙවා ගීත ශ්‍රවණය කරන්නේ ඩිජිටල් වේදිකාව මත වීමත්, එම මුදල් ගලා යන්නේ අදාළ ගීතයේ ගායකයා හෝ ගායිකාව ට වීමත් මත මෙම තත්ත්වය තවත් උත්සන්න වී ඇති බව බියෝර්න් ද ගාඩියන් වෙත වැඩිදුරටත් පෙන්වා දුන්නේය.

“ABBA කණ්ඩායම්ගත වීමට පෙර බෙනී සහ මම ගීත රචනය පිළිබඳ ආධුනික පුහුණුවක් දැරුවා, ස්වීඩනය තුළ දශකයකට ආසන්න කාලයක් එකට එක්ව සහ තනි තනිව ගීත රචනය කළා. ඒ තුළින් අපගේ හැකියාව වර්ධනය කර ගත්තා. ගීත රචනයේ රාජකීයත්වය නොමැතිව ඔබට එම කාලය වෙන්කර ගත නොහැකියි. ඒ නිර්මාණාත්මක නිදහස භුක්ති විඳිය නොහැකියි. ඔබට ඔබ වෙනුවෙන්ම උපයා ගන්නා මුදල ප්‍රමාණවත් නොමැති නම්, ඒ සඳහා වෙනත් රැකියාවක් කිරීමට සිදුවනවා, එයින් අදහස් වන්නේ ඔබ නියැලී සිටින හෝ ඔබ ආශා කරන දෙයට නිසි පරිදි අවධානය යොමුකිරීමට නොහැකි වනවා,”

තම සංගීත අතීතය ආවර්ජනය කරමින් බියෝර්න් පැවසීය.


චීන කෝවිඩ් එන්නතට ලෝක සෞඛ්‍ය සංවිධානයේ හදිසි අනුමැතිය

එවරස්ට් කඳු නගින්නන් අතර කොරෝනා ඔඩුදුවයි

එකම විසඳුම එන්නත ලු! දිවි අහිමි වූ බෝවන රෝග වෙදදුරුට කොරෝනාව කළ සමච්චලය!

නවසීලන්ත බර ඉසිලීමේ ක්‍රීඩක ලෝරල් හබාර්ඩ් – ඔලිම්පික් ක්‍රීඩා උළෙලට සුදුසුකම් ලද පළමු සංක්‍රාන්ති ලිංගික මලල ක්‍රීඩකයා

ඇෆ්ගනිස්ථානයට සමාන බංග්ලාදේශයේ තලේබාන් රාජ්‍යයක්

කංගනාගේ ට්විටර් ගිණුම අත් හිටුවයි

මෝදි මහත්තයෝ, කරුණාකරල පැත්තකට වෙලා ඉන්න – අරුන්දතී රෝයි

බටහිර බෙංගාලය මෝදිට අත තැබිය නොහැකි තැනක් බව සනාථ වෙද්දී මමතා බැනර්ජි නැවතත් මහ ඇමතිනිය බවට

error: Content is protected !!
error: Content is protected !!