ඉතාලියානු ශිෂ්ටාචාරයේ, කෘෂිකර්මාන්තයේ, සංචාරක ආකර්ෂණයේ ජීවනාලිය බඳු පෝ ගඟ සිඳෙමින් ඇත. පුද්ගල ක්රියාකාරකම් හි අනිසි ප්රති විපාක ලෙස වර්ෂාපතනය අඩු වීමත් අධික හිම ඝණ වීමත් හේතුවෙන් අසාමාන්ය ලෙස වියලි ශීත ඍතුව නිසා හිම දියවීම හිඟ ව ඇත. වසන්තයේ අපේක්ෂා කළ වර්ෂා වරින් වර පමණක් ඇති වූ අතර එය ඉතාලියේ උතුරු ප්රදේශවල වසර 70 කට වැඩි කාලයක් තුළ දරුණුතම නියඟයට හේතු වී ඇති බව පෝ ගඟේ ප්රාදේශීය නියෝජිතායතනයකු CNN වෙත ප්රකාශ කර තිබිණ. මීට අමතරව කොපර්නිකස් සෙන්ටිනල්-2 චන්ද්රිකා මෙහෙයුමේ සජීවිකරණයකින් 2020 ජුනි සහ 2022 ජූනි අතර ගංගාව “සැලකිය යුතු ලෙස හැකිලී” ඇති ආකාරය යුරෝපීය අභ්යවකාශ ඒජන්සිය විසින් ද අනාවරණය කර තිබේ.
පෝ මත යැපෙන මිලියන ගණනක් වූ ජනතාවට මෙය බලවත් තර්ජනයකි.
මේ වන විට භොග සඳහා ජලය භාවිතා කළ නොහැකි තත්වයක් උද්ගතව ඇත. එනම් ඇඩ්රියාටික් මුහුදේ ලවණ මිශ්රණය එහි මිරිදිය භෝග සඳහා භාවිත කළ නොහැකි විෂ බවට පත් කිරීමට පටන් ගෙන තිබේ. ඉතාලියේ පාරිසරික භූ විද්යා සංගමයේ දේශගුණික අවදානම් අංශයේ ප්රධානී Massimiliano Fazzini නිවේදනය කර ඇත්තේ ගංගා ද්රෝණියේ සමහර ප්රදේශවල ජල හිඟය 45% සිට 70% දක්වා ප්රමාණයක පවතින බවයි. සාමාන්යයෙන් හිම පතනය මීටර් 7.5 (අඩි 24.6) පමණ වේ. එය මෙම වසර තුළ මීටර් 2.5 (අඩි 8.2) දක්වා අඩුව ඇත. ”උෂ්ණත්වය ඉහළ යාමත් සමඟ නියඟ වර්ෂයකදී ප්රවේශ විය හැකි ජලාශ ධාරිතාවයෙන් යුක්ත නොවේ. තත්වය තීරණාත්මක වන අතර එය වඩාත් නරක අතට හැරිය හැක” ලෙසයි CNN වෙත නිවේදනය කර තිබුණේ.
ෆ්රීසියානු ගවපට්ටි පෝෂණය වන ගං ඉවුර අසල කිරි ගොවිපලවල් වල තත්වයද දරුණුය. ගව පට්ටි 300 පමණ පෝෂණය වේ නම් කිරි එළදෙනුන් දිනකට කිරි ලීටර් 30ක් (ගැලුම් 6.6ක්) නිපදවන බව ගොවියන් විසින් ප්රකාශ කර තිබේ. එළදෙනුන් දිනකට ජලය ලීටර් 100 ත් 150 ත් අතර (ගැලුම් 22 සිට 33 දක්වා) පානය නොකරන්නේ නම් හෝ අධික ලෙස රත් වුවහොත්, කිරි දැඩි ප්රමිතීන්ට නොගැලපෙන අතර චීස් වලට අනුමැතිය නොලැබේ. ඔවුන් සාමාන්යයෙන් වසරකට 52,000 වටකුරු චීස් නිෂ්පාදනය කරයි. කිරි වියළී ගියහොත් චීස් සෑදෙන්නේ නැත.
ඉතාලියේ මූල්ය කේන්ද්රස්ථානය වන මිලාන් නගරයේ සියලුම විසිතුරු උල්පත් අක්රිය කරන ලෙස නගරාධිපති නියෝග කර ඇති අතර පුද්ගලික වාහන සේදීම හෝ උද්යාන සහ තණකොළවලට ජලය දැමීම තහනම් කර ඇත. කුඩා නගරයක් වන කැස්ටෙනසෝහි, කොණ්ඩා මෝස්තරකරුවන්ට සහ බාබර්වරුන්ට ජල සැපයුම අඩු කර ඇති අතර ගනුදෙනුකරුවන්ගේ හිසකෙස් දෙවරක් සේදීම තහනම් කර ඇති බව වාර්තා වේ.
තව දුරටත් ගඟ සිඳී යන්නේ නම් හෝ වියලි කාලගුණය හේතුවෙන් නියඟ සහ ලැව්ගිනි අවධානම් දැඩිව ඉතාලියට බලපාමින් ඇත. එමෙන්ම අඛණ්ඩ කෘෂිකර්මාන්තය දුෂ්කර වනු ඇත. සංචාරක ව්යාපාරය බිඳ වැටෙනු ඇත. ඉතාලියේ තිරිඟු අපනයනයද ඇණ හිටිණු ඇති බව ජාත්යන්තර මාධ්ය අනාවරණය කර තිබේ.
ඡායාරූප : CNN
සශිකලා මධුෂාණී_
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…
කාන්තාවන්ගේ සෞඛ්යය නංවාලීම, ලිංගික හා ප්රජනන ගැටළු වැනි සෞඛ්ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්රම ව්යවස්ථාවේ නිදහස් භාෂණයට ඇති අයිතිය ප්රියජනක සංස්කෘතික පරමාදර්ශයක් වේ.
ස්ටෝමි ඩැනියෙල් නමැති අසැබි චිත්රපටවලට රංගනයෙන් එක් වුණු නිළියක සහ ට්රම්ප් අතරේ සමීප සම්බන්ධයක් පැවැති…
මෙම ආයෝජනය මයික්රොසොෆ්ට් විසින් සිය දශක තුනක පමණ ඉතිහාසය තුළ අග්නිදිග ආසියාවේ සිදුවන විශාලතම ආයෝජනය…
ගලවා ගැනීමේ මෙහෙයුම් වෙනුවෙන් පුද්ගලයන් 500ක් යොදවයි.
යුක්රේනය පවසන්නේ, රුසියාව මෙම ප්රහාරය සිදුකිරීම සඳහා බැලිස්ටික් මිසයිලයක් සහ පොකුරු බෝම්බ යොදා ගෙන ඇති බවයි.
වාර්තාව තබන අතරතුර ඇය සෑම පැයකට වරක් මිනිත්තු 5ක විරාමයක් ලබාගෙන ඇති අතර, කෙටි නින්දකට,…
බන්ධනාගාර ගොඩනැඟිලිවලින් විශාල ප්රමාණයක් සහ එහි උස් තාප්පයේ කොටසක් කඩා වැටී ඇති අතර, සිරකරුවන් පලාගොස්…
ගිනිකන්ද පුපුරා යාමත් සමඟ සුන්බුන් මුහුදට වැටී සුනාමියක් ඇති ව තිබේ.
ඉන්දියාව පසුගිය වසරේ පස්වන විශාලතම ආර්ථිකය ලෙස එක්සත් රාජධානිය අභිබවා යන ලදී.