ඩෙන්මාර්කය මිලියන 15 ක් මුගටින් එක්වරම මරා දැම්මේ 200 ක් විතර පිරිසකට මුගටින්ගෙන් කොරෝනා වෛරසයේ ප්රභේදයක් ආසාදනය වීම නිසා.
කෝවිඩ්19 රෝගය වැළඳිලා මිය යන සිය ඥාතීන් ආදාහනය කරන්න එපා කියල ලංකාවේ මුස්ලිම් ජනතාව කරන ඉල්ලීමට විරෝධය පළ කරන බොහෝ දෙනා කොරෝනා රෝගීන් භූමදානය කිරීමෙන් අනතුරක් වෙනවා කියල පෙන්නන්න මේ සිදුවීමත් උපුටා දක්වනවා. කිහිප දෙනෙක්ම මටත් ඒ ගැන පුවත් එවල තිබුණ.
ඩෙන්මාර්කයේ බලධාරීන් එකවර මරා දමපු මිලියන 15 කට අධික මුගටින් සමහර තැන්වල සමූහ වශයෙන් වල දැම්මේ තට්ටු කිහිපයක් විදියට. සමහර මුගටින් අඩි හයත්, අටත් පමණ ගැඹුරු වලක වලදැම්ම. ඒත් සමහර වලක ගැඹුර මීටරයක් (අඩි තුනක්) විතර ඇති.
බටහිර ඩෙන්මාර්කයේ හමුදා කඳවුරු බහුලව තියෙන ප්රදේශයක එහෙම වල දාපු මුගටින්, වලෙන් ගොඩට මතුවෙලා තියෙන්නේ ඒ මළ සිරුරු දිරා යාමේදී සිරුරුවලින් පිටවුණ නයිට්රජන් සහ පොස්පරස් වායූන් පස තල්ලු කරගෙන උඩට ඒම නිසා. ඒ පළාතේ තියෙන්නේ වැලි අධික පසක්.
ඒ විදියට මුගටි සිරුරු උඩට මතුවුණ ස්ථාන දෙකක් දැඩි මතභේදයට ලක්වෙලා. එක ස්ථානයක් පිහිටල තියෙන්නේ ජනතාව නිතර ස්නානය කරන විලක් ළඟම. අනෙක ජල මූලාශ්රයකට ඉතා සමීපව පිහිටි තැනක්.
මේ තත්වය නිසා මහාචාර්ය මෙත්තිකා විතානගේ පෙන්වා දීල තිබුණ ආකාරයටම ‘භූගත ජලයට අපද්රව්ය එකතුවීමේ අවදානම’ ගැන ඩෙන්මාර්කයේ බරපතල ආන්දෝලනයක් මතුවුනා.
කොහොම වුණත් මුගටින්ගේ මළ සිරුරුවලින් භූගත ජලයට කොරෝනා වෛරසය එකතුවෙන්න පුලුවන්ද කියන එක ගැන ඩෙන්මාර්කයේ නම් මෙතෙක් කිසිම පරීක්ෂණයක් පවත්වපු බවක් වාර්තා වෙලා නැහැ. ඒ ගැන බලධාරීන් අවධානය පළ කළ බවකුත් දැනගන්න නැහැ.
එහෙම වලෙන් එලියට පැමිණ තිබුණ මුගටි මළ සිරුරු නිසා ‘භූගත ජලයට අපද්රව්ය එකතුවීමේ අවදානම’ සලකා බැලූ ඩෙන්මාර්ක ආණ්ඩුව, මිහිදන් කළ මුගටි මිලියන 15 න් මිලියන 4 ක් විතර ගොඩට ගෙන ආදාහනය කරන්න තීරණය කරලා. ඒක කරන්න නියමිත ලබන අවුරුද්දේ – 2021- මැයි මාසයේ.
එහෙම කරන්නේ මළ සිරුරුවලින් ගලන අපද්රව්ය (ඕජස්) නිසා ජලය අපවිත්ර වීම වැළැක්වීම සඳහා මිසක් මුගටි මළ සිරුවලින් ජලයට කොරෝනා වෛරසය පැතිරීම වැළැක්වීමට බවක් ඩෙන්මාර්ක බලධාරීන් කියල නැහැ.
ඩෙන්මාර්කයේ පොලිස් ප්රකාශක Thomas Kristensen ජාතික ගුවන් විදුලියට කියල තිබුන විදියට මුගටින්ගෙන් කොරෝනා වෛරසරය මිනිසුන්ට ආසාදනය වුණේ මුගටින් ප්රශ්වාස කළ වාතය මාර්ගයෙන්. ඒ නිසා disinfect කරලා වල දාපු, දිරා යන මුගටි සිරුරුවලින් මිනිසුන්ට කෝවිඩ් 19 බෝවීමේ අවදානම ඉතාමත් අඩු බව පොලිස් ප්රකාශකවරයා කියනවා.
කොහොම වුනත්, මරා දමපු මුගටින්ගේ ලොම්වල බැක්ටීරියා කුඩා ප්රමාණයක් තවමත් තියෙන්න පුළුවන් බවත් Thomas Kristensen කියල තිබුණ. ‘මැරිච්ච සතුන්ට ලංවෙන එක කවදාවත් සෞඛ්ය සම්පන්න නෑ.’
පසුගියදා මාධ්ය හමුවක් අමතමින් මහාචාර්ය මෙත්තිකා විතානගේ කිවුවේ, ‘ඒගොල්ලන් වහාම භූමදානය කරනු ලැබූ වෛරස් සහිත මුගටින් මිලියන 15 ම ආපහු ගොඩ අරගෙන ආදාහනයට ලක් කළා’ කියලා. මිලියන 15 ක් නෙමෙයි, මිලියන 4 ක් මුගටින්ගේ සිරුරු ආදාහනය කරන්න නියමිත තව මාස පහකින්.
ඩෙන්මාර්ක බලධාරීන් කියන්නේ, මුගටින්ගේ මළ සිරුරුවල තවදුරටත් කොරෝනා වෛරසය නොමැති බව තහවුරු වීම සඳහා ප්රමාණවත් කාලයක් ගතවුණාට පස්සේ, ලබන අවුරුද්දේ මැයි මාසයේ මළ සිරුරු මිලියන 4 ක් ගොඩ අරගෙන පුළුස්සා දමනව කියල. ඒ සඳහා ඩෙන්මාර්ක ආණ්ඩුව මේ වනවිට පාර්ලිමේන්තුවේ අනුමැතියත් ලබාගෙන තියෙනව.
– සරෝජ් පතිරණ
(ඡායාරූප: අන්තර්ජාලයෙන්)
මූලාශ්ර:
බීබීසී
බ්ලූම්බර්ග්
ගාඩියන්
ස්ටෝමි ඩැනියෙල් නමැති අසැබි චිත්රපටවලට රංගනයෙන් එක් වුණු නිළියක සහ ට්රම්ප් අතරේ සමීප සම්බන්ධයක් පැවැති…
මෙම ආයෝජනය මයික්රොසොෆ්ට් විසින් සිය දශක තුනක පමණ ඉතිහාසය තුළ අග්නිදිග ආසියාවේ සිදුවන විශාලතම ආයෝජනය…
ගලවා ගැනීමේ මෙහෙයුම් වෙනුවෙන් පුද්ගලයන් 500ක් යොදවයි.
යුක්රේනය පවසන්නේ, රුසියාව මෙම ප්රහාරය සිදුකිරීම සඳහා බැලිස්ටික් මිසයිලයක් සහ පොකුරු බෝම්බ යොදා ගෙන ඇති බවයි.
වාර්තාව තබන අතරතුර ඇය සෑම පැයකට වරක් මිනිත්තු 5ක විරාමයක් ලබාගෙන ඇති අතර, කෙටි නින්දකට,…
බන්ධනාගාර ගොඩනැඟිලිවලින් විශාල ප්රමාණයක් සහ එහි උස් තාප්පයේ කොටසක් කඩා වැටී ඇති අතර, සිරකරුවන් පලාගොස්…
ගිනිකන්ද පුපුරා යාමත් සමඟ සුන්බුන් මුහුදට වැටී සුනාමියක් ඇති ව තිබේ.
ඉන්දියාව පසුගිය වසරේ පස්වන විශාලතම ආර්ථිකය ලෙස එක්සත් රාජධානිය අභිබවා යන ලදී.
පලස්තීන ජනතාවගේ ඉතිහාසයේ විශාලතම ව්යසනය..
G7 කණ්ඩායමට කැනඩාව, ප්රංශය, ජර්මනිය, ඉතාලිය, ජපානය, බි්රතාන්ය සහ අමෙරිකාව යන රටවල් අයත් වන අතර මෙම…
දින 40ක සටන් විරාමයක් සම්බන්ධයෙන් ඊශ්රායලයේ පාර්ශවයෙන් සුභවාදී ප්රතිචාරයක් පළවීමත් සමඟ එම සැනසිලිදායක තත්ත්වය මොහොතකට…
ගාසා තීරයට මානුෂීය ආධාර වැඩි කිරීම, ප්රාණ ඇපකරුවන් නිදහස් කිරීම සම්බන්ධයෙන් ද එහිදී සාකච්ඡා වී…
මෙම මරණ දණ්ඩනය පැනවීම ජාත්යන්තර විරෝධතාවලට ද හේතු වී ඇති අතර මානවහිමිකම් කණ්ඩායම් මෙය මානව…
මේ මස මුලදී, කෙන්යාවේ කාලගුණ විද්යා දෙපාර්තමේන්තුව අනතුරු අඟවා තිබුණේ, මැයි මාසය දක්වා රටේ විවිධ…
සටහන - නිපුනි ලියනගේ අප්රේල් 29 , ලෝකය (අවුට්බවුන්ඩ් ටුඩේ): ශීත කළ පීසා වර්ග භාවිතයෙන්…