‘මගේ ආදරණීය ජනපති‘ (My beloved President) යනුවෙන් ඇය ට්‍රම්ප් ගැන හඳුන්වන ආකාරය ද දැකගන්නට ලැබේ. තමන් හදවතින් ඇමරිකානුවෙක් බව ද ඇය පවසයි. කුඩා කාලයේ පටන්ම තම නිදන කාමරයේ ඇමරිකානු ධජයක් තිබූ බවත්, හැකි සෑම විටකම සිය මව සමග ඇමරිකාවට ගිය බවත් ඇය කියා තිබේ.
ඔසාමා බින් ලාඩන්ගේ අර්ධ සහෝදරයෙකුගේ දියණිය වන ඇය නූර් බින් ලාඩන් ඉපදී ඇත්තේ ද ජීවත් වන්නේ ද ස්විට්සර්ලන්තයේ ය.
‘බින් ලාඩන්‘ වෙනුවට ‘බින් ලාඩින්‘ යන වාසගම පාවිච්චි කරන නූර් බින් ලාඩින් ස්විට්සර්ලන්තයට පැමිණ තිබෙන්නේ සිය දෙමාපියන්ගේ විවාහයත් සමග ය. බින් ලාඩන්ගේ අර්ධ සහෝදරයා වූ යෙස්ලාම් බින් ලාඩින් විවාපත් වූයේ ස්විට්සර්ලන්ත ජාතික ලේඛිකාවක සමග ය. කාමන් ඩුෆූර් නමැති ඇය, 2004 වසරේදී ‘Inside the Kingdom: My Life in Saudi Arabia’ in 2004 යනුවෙන් බින් ලාඩන් පවුල තුළ සිය ජීවිතය ගැන පොතක් ද ලියා තිබේ.
නූර් බින් ලාඩින්ගේ පියා ඔසාමා බින් ලාඩන්ගේ අර්ධ සහෝදරයෙකි
‘‘මම 2015 ඉඳන්ම ට්‍රම්ප් ජනාධිපතිතුමාගේ රසිකයෙක්‘ යැයි ද ඇය කියන්නීය.
මේ වන විට මෙම පුවතට විශාල ප්‍රසිද්ධියක් ලැබෙමින් පවතින්නේ, ඇමරිකාවේ පදනම් සසල කළ සැප්තැම්බර් 11 ප්‍රහාරය (9/11 ප්‍රහාරය) සිදුකළ මහමොළය වූයේ, එනම් ඇගේ ආදරණීය ජනාධිපතිගේ රටට එදා මෙදාතුර බිහිසුණුම ත්‍රස්ත ප්‍රහාරය එල්ල කළේ ඇගේ බාප්පා විසින් වීම නිසා ය.
මෙයින් නොනැවතී නූර් බින් ලාඩන් මේ වන විට ආන්දෝලනාත්මක ප්‍රකාශ ගණනාවක්ම සිදුකරමින් සිටියි.
එයින් එකකට අනුව, ඇමරිකාවට තවත් මෙවැනි ප්‍රහාරයක් එල්ල වීම වලක්වා ගත හැක්කේ ඩොනල්ඩ් ට්‍රම්ප් හට පමණි.
33 හැවිරිදි නූර් බින් ලාඩන් තවදුරටත් පවසනන්නේ, මෙවර ට්‍රම්ප් වෙනුවට ජෝ බයිඩන් ජනාධිපති වුවහොත්, තවත් ත්‍රස්ත ප්‍රහාරයක් එල්ල විය හැකි බවයි! ඇමරිකා එක්සත් ජනපදයේ වාමාංශිකයන්, වර්ගවාදීන් සමග එක්ව සිටින බවටත් ඇය චෝදනා කරන්නීය.
ඒ අනුව ඇය තරයේ කියා සිටින්නේ ට්‍රම්ප් නැවත ජනාධිපති වශයෙන් තේරී පත්විය යුතු බව ය.
ඇය ත්‍රස්තවාදය සම්බන්ධයෙන් චෝදනා කරන්නේ ඔබාමා/ලාඩන් පරිපාලනයට ය. ඒ යටතේ ISIS සංවිධානය බලවත් වූ බවත්, එය වැළැක්විය හැකි එකම ජනපති ට්‍රම්ප් බවත් ඇය කියා තිබේ. ඔසාමා බින් ලාඩන් ඇමරිකානු නේවි සීල් භටයන් විසින් පාකිස්ථානයේදී මරා දැමුවේ ද ඔබාමා පාලන සමයේදී ය.
‘‘ට්‍රම්ප් නැවත පත්විය යුතුයි… එය ඇමරිකාවේ පමණක් නොවෙයි, බටහිර ශිෂ්ටාචාරයේම අනාගතයට වැදගත්..‘‘ යැයි හැකි සෑම ආකාරයකින් ම ඇය ට්‍රම්ප් ව පසසන්නීය.
‘‘යුරෝපයේ ගතවූ වසර 19 තුළ සිදුවූ ත්‍රස්ත ප්‍රහාර සලකා බැලුවොත්, ඒවා අපිව කම්පනයට පත් කළා. රැඩිකල් ඉස්ලාමය අපේ සමාජය තුළටම කාන්දු වෙලා..‘‘
කෙසේ වෙතත් 2018 Gallup මත විමසුමට අනුව ඩොනල්ඩ් ට්‍රම්ප් ජනාධිපතිවරයා ගැන ප්‍රසාදයෙන් කතා කරන්නේ ස්විට්සර්ලන්ත වැසියන්ගෙන් 18%ක් පමණි.
නූර් බින් ලාඩින් ස්විට්සර්ලන්තයේ ග්‍රොසරි හිමිකාරියක වන අතර, ඇය එහි රැකියාවේ යෙදෙන්නේ ද මාගා තලප්පාව පැළඳගෙන ය. විටින් විට එයට ස්විට්සර්ලන්ත වැසියන්ගෙන් විරෝධය එල්ල වී තිබෙන බව පවසන ඇය, එනමුත් ඇමරිකාවේදී නම් ඇයට කිසිම වෙනස්කමක් සිදුනොවූ බව ද පවසයි. ඇමරිකාව ජාතිවාදී රටක් නොවන බවත් ඇය පවසයි.
මේ දක්වා අප්‍රකට චරිතයක් ලෙස සිටි නූර් බින් ලාඩින් මේ වන විට ජිනීවා සරසවියේ ව්‍යාපාර පරිපාලනය ගැන උපාධියක් ද, යුනිවසිටි ඔෆ් ලන්ඩන් වෙතින් වාණිජ නීතිය ගැන දර්ශනපති උපාධියක් ද හදාරන බව වාර්තා වේ.
ඔසාමා බින් ලාඩන් විසින් 2001 සැප්තැම්බර් 11 ප්‍රහාරය සිදුකරන විට ඇගේ වයස අවුරුදු 14 ක් පමණි. ‘
‘අවුරුදු තුනේ ඉඳන් මම අම්මත් එක්ක අවුරුද්දට කීප සැරයක් ඇමරිකාවට යනවා. ඇමරිකාව කියන්නෙ මගෙ දෙවැනි ගෙදර..‘‘
තමන්ට සැප්තැම්බර් 11 ප්‍රහාරයේ අනුස්මරණ ස්මාරකය වෙතට යාමට තවම නොහැකි වූ බවත්, එය අනිවාර්යයෙන්ම කළ යුතු දෙයක් යැයි සිතන බවත් නූර් පවසා තිබේ.
මේ වන විට ඇමරිකාවේ පවතින්නේ අතිශය වර්ගවාදී – ජාතිවාදී වාතාවරණයකි. ඇමරිකානු ජනපති ඩොනල්ඩ් ට්‍රම්ප් සුදු ජාතික සම්භවයක් නොමැති අයට සලකන ආකාරය ලොවට රහසක් නොවේ. ඔහුගේ න්‍යාය පත්‍රයේ ඉහළින්ම කවදත් තිබුණේ ත්‍රස්තවාදයයි. ඇතැම්විට ඔසාමා බින් ලාඩන්ගේ ඥාති දියණියගේ මේ කල එළි බැසීම ඔහුට ‘ඉබ්බා දියට දැමීමක්‘ වනු ඇත.
ඒ නිසා ඉදිරියේදී ට්‍රම්ප් සහ නූර් බින් ලාඩින් එකම මැතිවරණ වේදිකාවක සිටියත් පුදුම නොවන්න!
විරෝධතාකරුවන් පාගමන් හා වෙනත් ක්‍රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්‍යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්‍රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්‍ය වලින් නැවත නැවතත් ඉල්ලා තිබුණේ, ප්‍රචණ්ඩත්වයෙන් සහ…
විශේෂත්වය වන්නේ ඡන්දය ප්‍රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්‍ර කඳවුරු පිහිටුවීම චීනයේ…
ඊශ්‍රායල අගමැති බෙන්ජමින් නෙතන්යාහු ප්‍රතිචාර වශයෙන් දියත් කළ මිලිටරි ප්‍රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්‍යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්‍රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්‍රෑන්ඩ් දෝ සුල් ප්‍රාන්තයේ ඇති වූ ජල ගැලීම්…
කාන්තාවන්ගේ සෞඛ්‍යය නංවාලීම, ලිංගික හා ප්‍රජනන ගැටළු වැනි සෞඛ්‍ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්‍රම ව්‍යවස්ථාවේ නිදහස් භාෂණයට ඇති අයිතිය ප්‍රියජනක සංස්කෘතික පරමාදර්ශයක් වේ.
ස්ටෝමි ඩැනියෙල් නමැති අසැබි චිත්‍රපටවලට රංගනයෙන් එක් වුණු නිළියක සහ ට්‍රම්ප් අතරේ සමීප සම්බන්ධයක් පැවැති…