එම සියුම් දුඹුලු, කළලවල වර්ධනයට බාධාක් බැව් පවසන්නේ බ්රිතාන්යයේ ක්වීන් මේරි විශ්වවිද්යාලයේ පර්යේෂකයන් පිරිසකි. ගැබිණි මවක් දීර්ඝ කාලයක් එවැනි අංශු සහිත පරිසරයක සිටියහොත් ඇගේ කුස තුළ වැඩෙන දරුවාට මරණය පවා සිදුවන්නට පුළුවන් බව පැවසේ. සමහර අවස්ථාවලදී දරුවා උපත ලබනු ඇත්තේ අඩු බර සහිතවයැයි කියාද පර්යේෂකයෝ පෙන්වා දෙති. එවැනි තත්ත්වයන් මතුවන්නේ ඇදුම ආදී ශ්වසන රෝගවලට දරුවා බිලිවන නිසයි.
සියුම් දුඹුලුවලට නිරන්තරයෙන්ම නිරාවරණය වන මව්රුන්ගේ වැදෑමහෙහි එකී අංශු තැන්පත්ව තිබෙන බව පර්යේෂකයන්ට දැනගන්නට ලැබී ඇත. මේ අන්දමටම විෂ සහිත සියුම් අංශුවලටත් කළලය වෙත ළඟාවීමට හැකියාවක් පවතින බව පර්යේෂකයෝ පෙන්වා දෙති.
” වායු ගෝලීය දූෂණය කළලවල වර්ධනයට අයහපත් බලපෑම් එල්ල කරන බව අපට දැනගන්න ලැබිලා තිබුණා. කළලවලට ඒ අන්දමට ඇතිවන අයහපත් බලපෑම් දරුවාගේ ජීවිත කාලය තුළම පවතිනවා ද කියන කාරණය ගැනත් සොයා බලා තිබෙනවා. කළලවලට මේ අන්දමේ බලපෑමක් ඇති වන්නේ දූෂ්ය අංශු මවගේ පෙනහළු හරහා කළල බන්ධනය දක්වා ගමන් කිරීමෙන්දැයි කියාත් අනාවරණය කරගැනීමටත් අපි උත්සුක වුණා. …” කියා පර්යේෂක ආචාර්ය ලීසා මියෂිටා පවසන්නීය.
ලන්ඩනයේ ජීවත් වන ගැබිණි මව්වරු පස්දෙනෙකුට රාජකීය ලන්ඩන් රෝහලේදී සිදු කෙරුණු සිසේරියන් සැත්කම්වලට සහභාගී වන්නට පර්යේෂකයන්ට අවස්ථාව ලැබී තිබේ. මේ මව්වරු පස්දෙනාම දුම්පානයෙහි නොයෙදුණු අය වූහ. එසේම ඔවුන් සංකූලතා සහිත ගර්භනී අවස්ථාවල පසු නොවූ බවත් කියැවේ. මේ ගැබිණි මවවරුන්ගේ සිසේරියන් සැත්කම් අවසන් වූ පසු ඔවුන්ගේ කළල බන්ධවල ඇති සෛල පරික්ෂා කර බලන්නට පර්යේෂකයන් යොමු වී ඇත. පර්යේෂකයන්ගේ අවධානය වැඩිපුරම යොමු වී තිබෙන්නේ “ප්ලැසෙන්ටල් මැක්රෝෆාජස්” (placental macrophages) නමින් හැඳින්වෙන සෛල වෙතය. එකී සෛලවල කෘත්ය, කුස තුළ වැඩෙන දරුවා බැක්ටීරියා සහ දූෂ්ය අංශුවලින් ආරක්ෂා කිරීමයි. “ප්ලැසෙන්ටල් මැක්රෝෆාජස්” නමැති සෛල එම ආරක්ෂාව ලබා දෙන්නේ බැක්ටීරියා සහ දූෂ්ය අංශු ගිල දමමිනි.
පර්යේෂකයන්, “ප්ලැසෙන්ටල් මැක්රෝෆාජස්” සෛල 3500කට අධික සංඛ්යාවක් අධි බලැති අන්වීක්ෂ භාවිතයෙන් නිරීක්ෂණය කර ඇත. සෛල 60ක් අතර කළු පැහැති කුඩා ප්රදේශ 72ක් පවතින බව පර්යේෂකයන්ට වරක් පෙනී ගොස් ඇත. එම කළු පැහැ ප්රදේශවල අඩංගු ද්රව්ය මොනවාදැයි කියා ඉලෙක්ට්රෝන අන්වීක්ෂ භාවිතයෙන් විවරණය කරගන්නට ඔවුන් නැඹුරු වී තිබේ. කාබන් අංශු එම කළු පැහැ ප්රදේශවල අඩංගු බව අනාවරණය වී ඇත. සෑම කළල බන්ධයකම වර්ග මයික්රෝමීටර 5ක පමණ ප්රදේශයක් පුරා මෙවැනි අංශු පැවැති බව පර්යේෂකයෝ සඳහන් කරති.
පර්යේෂක ආචාර්ය නොරිසී ලියු ඒ ගැන පවසන්නේ මෙවැන්නකි.
“… මවට ආඝ්රාණය වන දූෂ්ය අංශු ඇගේ පෙනහලුවලින් රුධිර සංසරණ පද්ධතියට ළඟා වන බව අපට තහවුරු වුණා. රුධිර සංසරණයත් සමඟ ඒවා කළල බන්ධය තුළටත් එනවා. …” යනුවෙනි.
මේ අනුව ගැබිණි මව්වරුන්ට වායු ගෝලීය දූෂණයෙන් ආරක්ෂා වී සිටින්නටත් දැන් සිදුව ඇත.
ඉරාන රජය මීට පෙර ප්රකාශ කළේ මෙම හෙලිකොප්ටරය අසර්බයිජාන් දේශසීමාව අසල ගමන් කරමින් තිබූ රථ…
පරීක්ෂා කිරීමට සහ සාක්ෂි රැස් කිරීමට නීතිය ක්රියාත්මක කරන බලධාරීන්ට ඇති බලතල පුළුල් කරමින් චීනය…
රෆා නුවර සිදු කරන ප්රහාර නවත්වන ලෙස ඊශ්රායලයට නියෝග කරන්නැයි දකුණු අප්රිකාව කළ ඉල්ලීම ජාත්යන්තර…
මෙම නඩුව ඉවත් කරන ලෙස ඉල්ලීම් මානව හිමිකම් කණ්ඩායම් සහ සමහර මාධ්ය ආයතනවල සිට ඕස්ට්රේලියානු…
ඉබු යනු ඉන්දුනීසියාවේ වඩාත්ම සක්රීය ගිනිකඳු වලින් එකක් වන අතර එය පසුගිය වසරේ 21,000 වාරයකට…
ෆිකෝගේ ආධාරකරුවන් පවසන්නේ දේශපාලන ආතතීන් අවුලුවාලීම සඳහා විපක්ෂය අර්ධ වශයෙන් වගකිව යුතු බවයි.
යුද්ධයේ දිශානතිය සම්බන්ධයෙන් වැඩෙන දේශපාලන විරසකය පැමිණෙන්නේ ගාසා නගරයේ ඓතිහාසික සරණාගත කඳවුරක් වන ජබාලියා වෙත…
එක්සත් ජාතීන්ගේ සංඛ්යාලේඛන පෙන්වා දෙන්නේ පසුගිය වසරේ ඉතාලියේ වෙරළට ගොඩ බැස ඇති සංක්රමණිකයන් 12,000ක්වත් ටියුනීසියාවෙන්…
පක්ෂයේ මධ්යම කාරක සභාව සඳහන් කර තිබුණේ, සියලුම ඉහළ නායකත්වයන් එක්සත්ව, ආදර්ශමත්ව, මුළු හදින් සහ…
ඇෆ්ගනිස්ථානය ස්වභාවික විපත්වලට ගොදුරු වන අතර එක්සත් ජාතීන්ගේ සංවිධානය එය දේශගුණික විපර්යාසවලට වඩාත්ම අවදානමට ලක්විය…
ඇකඩමි සම්මානයක්, ප්රයිම් ටයිම් එමී සම්මානයක්, ග්රැමී සම්මාන 18ක්, හිමිකරගෙන ඇත.
ප්රහාරයේ වගකීම මෙතෙක් කිසිවෙකු භාරගෙන නැත.
කෙන්ටකි හි ලුයිස්විල් හි පැවති PGA ශූරතාවලියෙන් පිටතදී ඔහුව අත්අඩංගුවට ගෙන තිබේ.
සටහන - නිපුනි ලියනගේ මැයි 17 , ලෝකය (අවුට්බවුන්ඩ් ටුඩේ): Cryptosporidium යනු මිනිසුන්ට සහ සමහර…