මේ බව හෙළි කරන්නේ නිව්යෝක් ටයිම්ස් පුවත්පතයි.
එම වාර්තාවට අනුව, ඇස් මානයේ පෙනෙන පරාජය හමුවේ ට්රම්ප් ධවල මන්දිරයේ සිටින්නේ මහත් කලබලකාරී බවකිනි. ඒ අතරම සිය මීළඟ පියවර සැලසුම් කිරීමක් ලෙස ඔහු මෙම රැළිය සලකා බලමින් සිටියි.
නමුත් අවසන් ඡන්ද ප්රතිඵලය නිකුත් වන තෙක් එය කළ යුතුද යන ගැටළුව හමුවේ ට්රම්ප්ගේ උපදේශකයන් ද බෙදුණු මතයක් දරන බව වැඩිදුරටත් එහි දැක්වේ.
මේ අතර, ඔහුගේ පුතුන් දෙදෙනා වන ඩොනල්ඩ් ට්රම්ප් ජුනියර් සහ එරික් ද උමතුවෙන් මෙන් රිපබ්ලිකන් පාක්ෂිකයන්ගේ සහයෝගය ට්රම්ප් වෙත ලබාගැනීමට උත්සාහ කරන බව ඊයේ දිනයේ අපි වාර්තා කළෙමු.
කියවන්න – ජෝර්ජියා ජනපදයේත් බයිඩන් ඉදිරියට – ට්රම්ප් දෙපුතුන් අවි අමෝරති
2024 ඇමරිකානු මැතිවරණයේ රිපබ්ලිකන් අපේක්ෂකයා බවට පත් වේ යැයි මතයක් තිබෙන එරික් ට්රම්ප් ට්විටර් පණිවුඩයක් නිකුත් කරමින් කියන්නේ මෙසේ ය.
‘‘අපි රිපබ්ලිකානුවෝ.. කොන්දක් තියාගන්න. මේ වංචාවට එරෙහිව සටන්වදින්න. බයගුල්ලො වගේ හිටියොත් අපේ ඡන්ද දායකයන් ඒක කවදාවත් අමතක කරන එකක් නෑ..‘‘
මේ අතර, කිසිදු සාක්ෂියක් නොමැතිව විනිවිදභාවයෙන් තොරව බවක් ගැන කතා කළ ට්රම්ප් මේ වන විට ‘වීඩියෝ සාක්ෂි‘‘ යන වචනය අල්ලාගෙන තිබේ. ඔහු පවසන්නේ සාධාරණව පැරදීම එක දෙයක්. නමුත් තියෙන වීඩියෝ සාක්ෂිවල හැටියට.. රිපබ්ලිකන් පාක්ෂිකයන් තමන්ගේ ඇත්ත පාට පෙන්විය යුතුයි..‘‘
ට්රම්ප් මෙසේ මහජනතාව කුපිත කරමින් සිටියත්, මේ අවස්ථාවේදී බයිඩන් හැසිරෙන්නේ එයට ප්රතිවිරුද්ධ ලෙස ය. ඔහු, තමන් පදිංචි වී සිටින ඩෙලවෙයා හි විල්මයිටන් වේදිකාවට දෙවරක් ගොඩ වී කතා කළ අතර, එහිදී නවතම තත්වය ගැන යාවත්කාලීන කිරීමක් කර, ජයගන්නා බව විශ්වාස නමුත් සන්සුන් වන ලෙස ජනතාවගෙන් ඉල්ලා සිටියේය.
මේ අතර විස්කොන්සින්, ජෝර්ජියා ආදී ජනපදවල බයිඩන් කුඩා ඡන්ද ප්රමාණයකින් ඉදිරියට පැමිණීමත් සමග ට්රම්ප් දැන් සැරසෙන්නේ එම ඡන්ද නැවත ගණන් කිරීමක් ලබාගැනීමට ය.
ජනපද තුනක ප්රතිඵල වලට විරුද්ධව ද ට්රම්ප් මේ වන විට නඩු පවරා තිබේ.
ජෝර්ජියා ජනපදයේ ඡන්ද නැවත ගණන් කළ යුතු බව කියමින් නීති සහාය පැතීමට ට්රම්ප් ඊයේ කටයුතු කළ නමුත්, පැයකටත් අඩු කාලයකදී අධිකරණය එය ඉවත දැමුවේය.
මේ අතර මිචිගන් ජනපදයේ ඡන්ද ගණන් කිරීම නතර කරන ලෙස ට්රම්ප් පාර්ශවයෙන් ඉදිරිපත් වූ ඉල්ලීම ද ඊයේ විනිසුරුවරයා ඉවත දැමුවේය.
ඇමරිකානු ඉතිහාසයේ ඡන්ද ප්රතිඵල ලැබීම ඇතැම්විට මාසයකින් පමණ ප්රමාද වූ අවස්ථාවන් ද තිබේ.
2000 වසරේදී ජෝර්ජ් ඩබ්ලිව් බුෂ්, විස්කොන්සින් ජනපදය ජයග්රහණය කළ විට එය අභියෝගයට ලක් වූ අතර, එහි ප්රතිඵලය වූයේ එම ප්රතිඵලය ශ්රේෂ්ඨාධිකරණ තීන්දුවක් මගින් සනාථ කර ගැනීමට සිදුවීමයි. ඒ සඳහා මසක කාලයක් ගත විය.
දැන් තිබෙන ප්රශ්නය, මැතිවරණ ප්රතිඵල කෙසේ හෝ ප්රමාද කිරීමට, අත්හිටුවීමට හෝ ඡන්ද ගණන් කිරීම අත්හිටුවීමට ට්රම්ප් දිගින්දිගටම ගන්නා උත්සාහයන් එකක් හෝ සාර්ථක වී, එහි අවසන් ප්රතිඵලය නිකුත් වීමට තවත් දින ගණනාවක් ගතවුවහොත්, ඔහු විසින් ඇමරිකාව පුරා වපුරන වෛරයේත්, ක්රෝධයේත් ව්යාපාරය කෝටියක් කෝවිඩ් ආසාදිතයන් සිටින රට කොතැනකට ගෙනයාවිද යන්නයි.
පෙර ලිපිය
ඇමරිකානු මැතිවරණය 2020 : ප්රතිඵල නිකුත් කිරීමට තවත් කාලය අවශ්යයි
ඇමරිකානු මැතිවරණය 2020 පිළිබඳ පළ වූ සියලු ලිපි මෙතැනින් කියවන්න..
#uselection2020
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…
කාන්තාවන්ගේ සෞඛ්යය නංවාලීම, ලිංගික හා ප්රජනන ගැටළු වැනි සෞඛ්ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්රම ව්යවස්ථාවේ නිදහස් භාෂණයට ඇති අයිතිය ප්රියජනක සංස්කෘතික පරමාදර්ශයක් වේ.
ස්ටෝමි ඩැනියෙල් නමැති අසැබි චිත්රපටවලට රංගනයෙන් එක් වුණු නිළියක සහ ට්රම්ප් අතරේ සමීප සම්බන්ධයක් පැවැති…
මෙම ආයෝජනය මයික්රොසොෆ්ට් විසින් සිය දශක තුනක පමණ ඉතිහාසය තුළ අග්නිදිග ආසියාවේ සිදුවන විශාලතම ආයෝජනය…
ගලවා ගැනීමේ මෙහෙයුම් වෙනුවෙන් පුද්ගලයන් 500ක් යොදවයි.
යුක්රේනය පවසන්නේ, රුසියාව මෙම ප්රහාරය සිදුකිරීම සඳහා බැලිස්ටික් මිසයිලයක් සහ පොකුරු බෝම්බ යොදා ගෙන ඇති බවයි.
වාර්තාව තබන අතරතුර ඇය සෑම පැයකට වරක් මිනිත්තු 5ක විරාමයක් ලබාගෙන ඇති අතර, කෙටි නින්දකට,…
බන්ධනාගාර ගොඩනැඟිලිවලින් විශාල ප්රමාණයක් සහ එහි උස් තාප්පයේ කොටසක් කඩා වැටී ඇති අතර, සිරකරුවන් පලාගොස්…
ගිනිකන්ද පුපුරා යාමත් සමඟ සුන්බුන් මුහුදට වැටී සුනාමියක් ඇති ව තිබේ.
ඉන්දියාව පසුගිය වසරේ පස්වන විශාලතම ආර්ථිකය ලෙස එක්සත් රාජධානිය අභිබවා යන ලදී.