ශීත ඔලිම්පික් උළෙල පැවැත්වූ රුසියාවේ සොචී නගරයේදී පසුගියදා පැවැත්වුණු ප්‍රදර්ශනාත්මක අයිස් හොකී තරගාවලියකදී රුසියානු ජනාධිපතිවරයා වැඩිම ගෝල ගණනක් වාර්තා කළ ක්‍රීඩකයා බවට පත්වුණා. බොල්ෂෝයි අයිස් ඩෝමයේදී මේ තරගය පැවැත්වුණේ ජාතික හොකී ලීගයේ හිටපු ක්‍රීඩකයන් සමග. ඉතින් ඔවුන් ඉතාම පළපුරුදු ක්‍රීඩකයන් බව ඉතාම පැහැදිලියි.
පසුගිය සිකුරාදා රාත්‍රියේ පුටින් සුපුරුදු අංක 11 ටී ෂර්ටයත් ඇඳගෙන අයිස් හොකී තරග බිමට පැමිණියේ නායකයෙක් වශයෙන් සිය සම්ප්‍රදාය රකිමින්.
මේ තරගය පැවැත්වෙන අවස්ථාවේදී රොයිටර්ස් සහ ඇසෝසියේටඩ් ප්‍රෙස් (AP) කියන ලොව ප්‍රධාන පෙළේ පුවත් සේවාවන් දෙකේම වාර්තාකරුවන් සිටියා.
පුටින් වාර්තා කළ ගෝල සංඛ්‍යාව මේ පුවත් ඒජන්සි දෙක විසින්ම වාර්තා කළේ ගෝල 8 ක් ලෙසයි. නමුත් ක්‍රෙම්ලිනය පැවසුවේ පුටින් ගෝල 10 ක් වාර්තා කළ බවයි.
පුටින්ගේ ආරක්ෂක අමාත්‍යවරයා වන සර්ජි ෂොයිගි සිටියේත් පුටින්ගේම පිලේ. ඔහු ගෝල 3 ක් වාර්තා කළා.
අවසානයේ ගෝල 14-7 ක් ලෙස පුටින් සෙල්ලම් කළ පිල තරගයෙන් ජයග්‍රහණය කළා.
කොහොම වුණත් වයස අවුරුදු 66 ක් වන පුටින් මේ අන්දමින් ක්‍රීඩා දක්ෂතා ප්‍රකට කිරීම ජාත්‍යන්තර ශීර්ෂපාඨ මැව්වා.
ආර්ථිකය අඩපණ වීම ගැන පුටින්ට රට තුළින් කොපමණ චෝදනා එල්ල වුණත් පුටින් ක්‍රීඩා තරගවලදී නම් උපරිම ලකුණු දමා ගැනීමට අමතක කරන්නේ නැහැ. ඔහු විටින් විට මේ අන්දමින් රජයේ නිලධාරීන් සමග, ව්‍යාපාරිකයන් සමග සහ ජාතික හොකී පිලේ විශ්‍රාමලත් ක්‍රීඩකයන් සමග ප්‍රදර්ශනාත්මක ලෙස ක්‍රීඩා කරනවා. ඒ වගේම එම සෑම ක්‍රීඩා තරගයක්ම රුසියානු රාජ්‍ය රූපවාහිනියේත් නොමසුරුව විකාශය කරනවා.
මේ අතරේම ජාත්‍යන්තර විචාරකයන් මේ ආකාරයේ නිරීක්ෂණයක් ද කරනවා. ඒ, පුටින් ක්‍රීඩා කරන හැම විටම ප්‍රතිවිරුද්ධ පිලේ ක්‍රීඩකයන් අවම බලයක් යොදන බව! එනම් ඔවුන් පුටින්ට ගෝල වාර්තා කරන්නට හැකි උපරිම අවස්ථාවන් ලබා දෙනවා.
මේ තරගයේදී පුටින්ගේ ප්‍රතිවිරුද්ධ පිලේ ක්‍රීඩකයන් අතර පුටින්ගේ ළමා වියේ මිතුරෙක් වන ගෙනාඩි ටිම්ෂෙන්කෝ, කෝටිපති ව්‍යාපාරික ව්ලැදිමීර් පොටැනින් සහ රුසියානු ආණ්ඩුකාරවරුන් කිහිප දෙනෙක් සිටියා. මේ අයත් පුටින් ඉර පෙන්නා හඳ කිව්වොත්, ‘ඔව් ඒ හඳ තමයි‘ කියන වර්ගයේ අය.. 2011 වසරේ පටන් මේ දක්වා පුටින් මේ අයිස් හොකී ක්‍රීඩා තරගයකදී අවම වශයෙන් ගෝල 5 ක්වත් තනියම වාර්තා කරනවා.
ඉතින් අවසානයේදී හැම විටම සිදුවනවා වගේ, පුටින් ‘මෑන් ඔෆ් ද මැච්‘ බවට මේ වතාවේත් පත් වුණා.
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්‍රදේශයෙන් ඉවත් කර ඇති අතර…
එක්සත් ජනපදය ප්‍රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්‍රහාර එල්ල…
විරෝධතාකරුවන් පාගමන් හා වෙනත් ක්‍රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්‍යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්‍රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්‍ය වලින් නැවත නැවතත් ඉල්ලා තිබුණේ, ප්‍රචණ්ඩත්වයෙන් සහ…
විශේෂත්වය වන්නේ ඡන්දය ප්‍රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්‍ර කඳවුරු පිහිටුවීම චීනයේ…
ඊශ්‍රායල අගමැති බෙන්ජමින් නෙතන්යාහු ප්‍රතිචාර වශයෙන් දියත් කළ මිලිටරි ප්‍රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්‍යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්‍රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්‍රෑන්ඩ් දෝ සුල් ප්‍රාන්තයේ ඇති වූ ජල ගැලීම්…
කාන්තාවන්ගේ සෞඛ්‍යය නංවාලීම, ලිංගික හා ප්‍රජනන ගැටළු වැනි සෞඛ්‍ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!