ජාත්‍යන්තර කාන්තා දිනය සමරණ දිනය අදයි.

සටහන: සශිකලා මධුෂාණි, මාර්තු 08,
ලෝකය(අවුට්බවුන්ඩ් ටුඩේ) : කාන්තාවන් සඳහා ආයෝජනය කරන්න: ප්‍රගතිය වේගවත් කරන්න යන තේමාව යටතේ ස්ත්‍රී පුරුෂ සමානාත්මතා පියවරවල වැදගත්කම ඉස්මතු කිරමින් 2024 වර්ෂයේ ආරම්භ වන ජාත්‍යන්තර කාන්තා දිනය (IWD) අද(08) දිනට යේදී තිබේ.

කම්කරු ව්‍යාපාරත් සමඟ 1908 දී කාන්තාවන් 15,000 ක් කෙටි වැඩ කරන කාලය, වඩා හොඳ වැටුප් සහ ඡන්ද අයිතිය ඉල්ලා නිව්යෝර්ක් නගරය හරහා පෙළපාලි යාම ජාත්‍යන්තර කාන්තා දිනයේ ආරම්භක අවස්ථාව වේ. මෙම සිදුවීමෙන් වසරකට පසුව, ඇමරිකාවේ සමාජවාදී පක්ෂය පළමු ජාතික කාන්තා දිනය ප්‍රකාශයට පත් කරන ලදී.

කොමියුනිස්ට් ක්‍රියාකාරිනියක සහ කාන්තා අයිතිවාසිකම් වෙනුවෙන් පෙනී සිටින ක්ලාරා සෙට්කින් විසින් මෙම සිදුවීම ජාත්‍යන්තර සිදුවීමක් බවට පත් කිරීමේ අදහස ගෙන එන ලදී. ඉන් අනතුරුව 1910 දී ඇය එය කෝපන්හේගන්හි වැඩ කරන කාන්තාවන්ගේ ජාත්‍යන්තර සමුළුවේදී මතු කිරීමත් සමඟ සමුළුවට සහභාගී වූ රටවල් 17 ක කාන්තාවන් 100 දෙනා විසින් ඇයගේ යෝජනාවට ඒකමතිකව සහාය දක්වන ලදී.

පළමු ජාත්‍යන්තර කාන්තා දිනය 1911 දී ඔස්ට්‍රියාව, ඩෙන්මාර්කය, ජර්මනිය සහ ස්විට්සර්ලන්තය යන රටවල සමරනු ලැබු අතර අනතුරුව එක්සත් ජාතීන් (1996 දී) විසින් සම්මත කරන ලද පළමු තේමාව වූයේ “අතීතය සැමරීම, අනාගතය සඳහා සැලසුම් කිරීම” යන්නයි.

මාර්තු 8 ජාත්‍යන්තර කාන්තා දිනය බොහෝ රටවල ජාතික නිවාඩු දිනයක් වන අතර පෙළපාලි, සාකච්ඡා, ප්‍රසංග, ප්‍රදර්ශන සහ විවාද ඇතුළුව ගෝලීය වශයෙන් සිදුවීම් දහස් ගණනක් සිදු වේ.

ජාත්‍යන්තර කාන්තා දින වෙබ් අඩවියට අනුව දම්, කොළ සහ සුදු IWD හි වර්ණ වේ. දම් යුක්තිය සහ අභිමානය සංකේතවත් කරන අතර කොළ පාට බලාපොරොත්තුව සංකේතවත් කරයි. සුදු පැහැය මතභේදාත්මක සංකල්පයක් වුවද පාරිශුද්ධත්වය නියෝජනය කරයි.

ජාත්‍යන්තර කාන්තා දිනය ලොව පුරා කාන්තා අයිතීන් ඛාදනය වීම මෙන්ම ස්ත්‍රී පුරුෂ සමාජභාවය ප්‍රචණ්ඩත්වය සහ අපයෝජනයන්හි බලපෑම් ඉස්මතු කිරීමට ද යොදා ගනු ලබන අතර පසුගිය මාස 12 තුළ, මැදපෙරදිග, ඇෆ්ගනිස්ථානය, ඉරානය සහ යුක්රේනය යන රටවල කාන්තාවන් යුද්ධය සහ ප්‍රචණ්ඩත්වය මධ්‍යයේ ඔවුන්ගේ අයිතිවාසිකම් වෙනුවෙන් සටන් කර ඇත.
ඇෆ්ගනිස්ථානයේ ද කාන්තාවන්ට සමාන අධ්‍යාපනයට ඇති ප්‍රවේශයට බාධා කරමින්, රැකියාවක් කිරීමට ඇති අයිතිය උල්ලංගනය කර ඇති අතර පසුගිය වසරේ ඔක්තෝබර් 7 හමාස් ප්‍රහාරයේදී ඊශ්‍රායල කාන්තාවන් දූෂණය කිරීම, ලිංගික ප්‍රචණ්ඩත්වය සහ විකෘති කිරීම් පිළිබඳ සාක්ෂි ද ඊශ්‍රායල හමුදා විසින් සිදු කරන ලද ස්ත්‍රී දූෂණ ඇතුළු ගාසා තීරයේ කාන්තාවන්ට සහ ගැහැණු ළමයින්ට එරෙහිව මානව හිමිකම් උල්ලංඝනය කිරීම් වාර්තා වී ඇත.

සුඩානයේ ද කාන්තාවන් සහ ගැහැණු ළමයින් පැහැරගෙන ගොස් දූෂණය කරනු ලබන බවට තොරතුරු වාර්තා වන අතර ලෝක ආර්ථික සංසදය විසින් සෑම වසරකම ප්‍රකාශයට පත් කරන ලද 2023 ගෝලීය ස්ත්‍රී පුරුෂ පරතරය දර්ශකයට අනුව, කිසිදු රටක් තවමත් පූර්ණ ස්ත්‍රී පුරුෂ සමානාත්මතාවය හෝ සමානාත්මතාවය ලබා ගෙන නොමැති අතර එය ළඟා වීමට සියවසකට වැඩි කාලයක් ගතවනු ඇතැයි ද අනතුරු අඟවා ද තිබේ.