හිජාබයෙන් මිදුනු පාසල් සිසුවියන් ඉරාන ආණ්ඩුවට මැදැඟිල්ල ඔසවයි.

පසුගියදා ඉරානයේ සිය හිස් වැස්ම නිසි ලෙස නොපැළඳීමේ චෝදනාව මත සදාචාර පොලිස් අත්අඩංගුවේ සිටියදී මිය ගිය 22 හැවිරිදි මහ්සා අමීනිගේ ඛේදනීය මරණයත් සමඟ, ඉරානයේ කාන්තාවන් ඊට එරෙහිව මර්දනය නොතකා වීදි බැසින ලදි. පසුගිය දින කිහිපය පුරා ව්‍යප්ත වූ ආඥාදායකයා එළවීමට ගනු ලැබූ අරගලයට මේ වන විට පාසල් සිසුවියන්ද එක්ව තම හිස් වැසුම් ගුවනේ ඔසවමින් පූජක බලධාරීන්ට එරෙහිව හඬ නඟමින් රට පුරා පැතිර යන විරෝධතාවලට පෙර නොවූ විරූ සහයෝගයක් පෙන්වමින් සිටින බව වාර්තා වේ.

ඔවුන් විසින් පාසල් මිදුල තුළ සහ නගර කිහිපයක වීදිවල පෙළපාලි සංවිධානය කළ අතර කරජ් ප්‍රදේශයේ ගැහැනු ළමයින් අධ්‍යාපන නිලධාරියෙකුට තම පාසලෙන් බලහත්කාරයෙන් ඉවත් කළ බව ද වාර්තා වේ.

සමාජ මාධ්‍යවල සංසරණය වන වීඩියෝපට වල ඔවුන් ලැජ්ජයි යැයි කෑගසමින් අපි එක්සත් නොවන්නේ නම්, ඔවුන් අපව එකින් එක මරා දමයි. යනුවෙන් ප්‍රකාශ කරනු දක්නට ලැබේ. තවත් වීඩියෝ පටයක දකුනු ශිරාස් නගරයේ, පාසල් සිසුවියන් විශාල ප්‍රමාණයක් ප්‍රධාන මාර්ගයක ගමනාගමනය අවහිර කරමින් තම හිස් වැසුම් ගුවනේ ඔසවමින් ඒකාධිපතියාට මරණය යනුවෙන් සිය විරෝධතාවයේ නිරත විය. මීඨ අමතරව , අඟහරුවාදා Karaj, Tehran සහ Saqez සහ Sanandaj යන වයඹදිග නගරවල පාසල් සිසුවියන්ද විරෝධතා දක්වා ඇත.

සාමාජ මාධ්‍යවල සංසරණය වන වීඩියෝපට වල අයතුල්ලා කමේනිගේ සහ ඉස්ලාමීය ජනරජයේ නිර්මාතෘ අයතුල්ලා රුහොල්ලා කොමේනිගේ පින්තූර දෙසට ඔවුන්ගේ මැද ඇඟිලි ඔසවමින් සිය විරෝධය පල කර තිබේ. ඒ අනුව සති තුනකට ආසන්න විරෝධතාවලින් පසුව ඉරානයේ නායකත්වය බරපතල අභියෝගයකට මුහුණ දෙමින් සිටින බව පැහැදිළි වේ.
ඉරානයේ උත්තරීතර නායකයාගේ ඡායාරූප ගිනි තැබීමට බිය නොවන පාසල් සිසුවියන් මේ වන විට සිටින අතර අයතුල්ලා අලි කමේනිගේ අනතුරු ඇඟවීම නොතකා සිය විරෝධතා දිගටම පැවත්වමින් සිටියි.

නව යොවුන් තරුණියන්ට දේශපාලනය නොතේරෙනවා විය හැක. නමුත් ඔවුනට සාමාන්‍ය ජීවිතයක් අවශ්‍යයි. ඔවුන්ට අවශ්‍ය පරිදි තම ජීවිතය ගත කිරීමට නිදහසක් නොමැති බව ඔවුන් මේ වන විට තේරුම් ගකිමින් සිටියි.

කෙසේ නමුත් ඉරාන මානව හිමිකම් කණ්ඩායමක් අඟහරුවාදා වාර්තා කළේ අවම වශයෙන් පුද්ගලයින් 154 දෙනෙකු මේ වන විට ආරක්ෂක හමුදා විසින් මරා දමා ඇති බවයි.

සශිකලා මධුෂාණී_

සබැඳි පිලි :