එක්සත් ජනපදයේ රෝ වී. වේඩ් ශ්රේෂ්ඨාධිකරණය විසින් එරට කාන්තාවන් ඇතුළු බහුතරයක් දෙනා දශක පහක පමණ කාලයක් භුක්ති විඳි ගබ්සා කිරීමේ අයිතිය අහෝසි කරමින් නියෝගයක් නිකුත් කළේ ඉකුත් ජූනි මාසයේදී ය.
මෙම නියෝගය බොහෝ දෙනෙකුගේ බරපතල විවේචනයට තුඩුදුන් අතර, එය කාන්තාවකට තම සිරුරේ අයිතිය අහිමිකරන මානව විරෝධී නියෝගයක් බවයි ඔවුන් පෙන්වා දුන්නේ. මීට සමඟාමීව, ගබ්සා කිරීමේ අයිතිය අහිමි වීමේ බලපෑම එල්ලවන කාන්තාවන්, විවිධ ලිංගික අනන්යතා දරන ප්රජාවන්, ලිංගික හා ප්රජනන සෞඛ්ය හා හිමිකම් ක්රියාධරයන් ඇතුළු බොහෝ පුද්ගලයන් ශ්රේෂ්ඨාධිකරණය ඉදිරිපිට අවස්ථා ගණනාවකම විරෝධතා ව්යාපාර ද සංවිධානය කර තිබිණි.
කාන්තාවන්ගේ සිරුරේ අයිතිය අහිමි කිරීම පිළිබඳව අලුත්ම උණ ගසා ඇත්තේ එක්සත් ජනපදයේ ඇරිසෝනා ප්රාන්තයටයි. ඒ, එම ප්රාන්තය තුළ 1901 වර්ෂයේදී නිකුත් කරන ලද සියලු ගබ්සා තහනම් කරන [එහෙත් 1973 වර්ෂයේ යළි අවහිර කරන ලද] නීතියක් යළි බලාත්මක කිරීමට එම ප්රාන්තයේ පිමා කවුන්ටියේ ඉහළ අධිකරණ විනිසුරු කෙලී ජොන්සන් විසින් ලබා දුන් නියෝගයක් අනුවයි.
මෙම නියෝගය නිකුත් කර තිබෙන්නේ ඇරිසෝනා ප්රාන්තයේ රිපබ්ලිකන් ගැති නීතිපතිවරයා විසින් යොමුකරන ලද ඉල්ලීමකට අනුව වන අතර, එම ඉල්ලීමේ දැක්වෙන්නේ, ඇරිසෝනා ප්රාන්තයේ ගබ්සා තහනම අවහිර කරමින් පනවා ඇති වාරණ නියෝගය ඉවත් කරමින් ගබ්සා තහනම යළි බලාත්මක කරන ලෙසයි.
කෙලී ජොන්සන් ඉහළ අධිකරණ විනිසුරුගේ නියෝගය අනුව, ඇරිසෝනා ප්රාන්තය තුළ මවකගේ ජීවිතය අවදානමේ පවතින විට බේරා ගැනීමේ අරමුණ හැරනු විට අනෙකුත් සියලු අවස්ථාවල ගබ්සා සිදුකිරීම තහනම් වනු ඇති.
ඇරිසෝනා ප්රාන්තය වෙත නිකුත් කෙරුනු මෙම නියෝගය හරහා එම ප්රාන්තය යළි වසර 150 ක අතීතයකට ඇදගෙන යන බවයි ගබ්සා හිමිකම් ඇතුළු ලිංගික හා ප්රජනන සෞඛ්ය හිමිකම් ක්රියාධරයන් පෙන්වා දෙන්නේ.
ගබ්සා නීති සංශෝධනය පිළිබඳව එක්සත් ජනපදයේ ජනපති ජෝ බයිඩන් ද සිය දැඩි කළකිරීම ප්රකාශයට පත්කර ඇති අතර, මෙම තත්ත්වය නැවතීමට තමා සතු බලයෙන් හැකි උපරිම දේ කරන බව ද පවසා ඇත. එමෙන්ම, හණමිටි අදහස්වලට මුල්තැන දෙන රිපබ්ලිකන් පිටුබලය හිමි ඇතැම් ආයතන මීළඟට අර අදිනු ඇත්තේ සමරිසි විවාහය එක්සත් ජනපදයෙන් තුරන් කිරීමට විය හැකි බව ද ඇමරිකානු ජනපතිවරයා අනතුරු අඟවා තිබේ.
ගබ්සා තහනම හුදෙක් ලිංගික හා ප්රජනන සෞඛ්ය හා අයිතිවාසිකම් සංවාදයට සීමා නොවී එරට ඩිමොක්රටික් – රිපබ්ලිකන් ගැටුම දක්වා දිවගොස් තිබේ. ලිංගික හා ප්රජනන සෞඛ්ය හා අයිතිවාසිකම් වලට සෘජුව තම සහයෝගය ප්රකාශ කරන කොංග්රසයේ ඩිමොක්රටික් නියෝජිතයන් මෙම නීති සංශෝධනයට සිය දැඩි විරෝධය පළ කර තිබේ.
එහෙත් ගතානුගතික සහ දක්ෂිණාංශික මතධාරී රිපබ්ලිකන් පාර්ශවය මෙම තහනම බොහෝසෙයින් අගය කරනු ලබයි.
ඇරිසෝනා ප්රාන්තයට අමතරව, එක්සත් ජනපදය පුරා හරි අඩකට ආසන්න ප්රාන්ත සංඛ්යාවක් එරට ශ්රේෂ්ඨාධිකරණ නියෝගයෙන් අනතුරුව ගබ්සා තහනම බලාත්මක කිරීමේ බලාපොරොත්තුවෙන් පසුවේ. මෙමඟින් ඩිමොක්රටික් පක්ෂයට හිමි බලය පිළිබඳ යම් තක්සේරුවක් ලබා ගත හැකි බව ඇතැම්හු විශ්වාස කරති.
ඡායාරූප: azcourthelp.org
සබැඳි ලිපි:
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්රදේශයෙන් ඉවත් කර ඇති අතර…
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…
කාන්තාවන්ගේ සෞඛ්යය නංවාලීම, ලිංගික හා ප්රජනන ගැටළු වැනි සෞඛ්ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!