නොදිරන ද්රව්යය භාවිතයේ දුර්දාන්තමය පක්ෂය දැඩි කතාබහකට ලක්වන අන්දමේ ඡායාරූපයක් ඕස්ට්රේලියා ජාතික ඡායාරූප ශිල්පී ඇන්ඩි කෝබේ, ජන මාධ්යයේ පළ කරන්නට කටයුතු කර තිබිණ. මේ කියන ඡායාරූපයෙන් දැක්වෙන්නේ පොලිතින් බෑගයක් කකුල් දෙකෙහි නිය අග (නඛර අග) පැටලීම නිසා හරියාකාරව ඉගිලෙන්නට හැටියක් නැතිව වධ විඳින මුහුදු ලිහිණියෙකි. පොලිතින් බෑගය ගලවා ගැනීමට මූදු ලිහිණිය දැඩි උත්සාහයක් ගන්නා ආකාරයත් කෝබේ දැක තිබේ. පොලිතින් බෑගය ගලවා ගැනීමට අසමත් වුණු මූදු ලිහිණියා අවසානයේදී බෑගයත් නඛර අතර රුවාගෙනම ඉගිලෙන්නට පටන්ගෙන ඇත. අවාසනාවකට, ඌට වායු කඳ කපාගෙන ඉහළ අහසට පිවිසෙන්නට කොහෙත්ම බැරි වී තිබේ.
මූදු ලිහිණියා ඉගිල යන්නට පළමුව, උපායන් යොදමින් ඌට සමීප වන්නට කෝබේ උත්සාහ ගෙන තිබේ. ඔහුගේ අරමුණ වී තිබී ඇත්තේ පක්ෂියාට උගේ පාද පොලිතින් බෑගයෙන් නිදහස් කර දීමයි. පැය දෙකක් පුරා දිග හැරුණු කෝබේගේ උත්සාහයන්ට මූදු ලිහිණියා හසු වී නැත. ඌ අන්තිමට ඉගිල ගොස් තිබේ. එය සෑහෙන තරෙම් සුළං සහිත කාලගුණ තත්ත්වය පැවැති දිනයක් වූ බැවින් මූදු ලිහිණියාට ඉගිලී යෑම බෙහෙවින්ම දුෂ්කර වූ බැව් කෝබේ පවසයි. ඒ වනවිට මූදු ලිහිණියා දැඩි ආතතියකින් සහ අන්තරාකාරී තත්ත්වයක පසු වුණු බැව් කොබේට දක්නට ලැබී ඇත. කෑම සොයා ගැනීමේ ගැටලුවකට මුහුණ දී නිසැකයෙන්ම ඌ ඉතා ඉක්මනින් මිය යන්නට ඇතැයි කියා ඔහු වැඩිදුරටත් පවසයි. කෝබේ මේ අවාසනාවන්ත සිද්ධිය දැක තිබෙන්නේ ස්කොට්ලන්තයේ මුහුදුබඩ පෙදෙසකදී ය. !!
නොදිරන අපද්රව්යය ගැටලුව තුන් වන ලෝකයේ රටවලට බලපාන බරපතල ගැටළුවක් බව බොහෝදෙනා කියති.
ප්ලාස්ටික් අපද්රව්යය මුහුදට එකතු වීම ලොව කවර කලාපයකට වුව අද බරපතල ගැටළුවක් වී ඇත. එහි බරපතලකම කෙතෙක්දැයි කියා කිවහොත් පැසිපික් සාගරයේ මහා අණ්ඩය හෙවත් “මහා කසළ පැච් එක” නමින් නොදිරන අපද්රව්යය සහිත කසළ පැච් එකකුත් නිර්මාණය වී තිබේ. එය මෙතෙක් අප සිතාගෙන සිටියාට වඩා දහසය ගුණයකින් විශාල බව විද්යාඥයෝ පසුගිය දා පෙන්වා දුන්හ. නොදිරන කැළි කසළ හෙවත් ප්ලාස්ටික් සහ පොලිතින් සහිත මේ කසළගොඩ තිබෙන්නේ ඇමෙරිකා එක්සත් ජනපදයේ කැලිෆෝර්නියාහි සිට හවායි දූපත් දක්වා වූ මුහුදු ප්රදේශවලයි. එම කසළගොඩ වර්ග කිලෝමීටර මිලියන 1.6ක සරියක් පුරා පැතිර ඇති බවටත් අඩුම තරමින් එහි ප්ලාස්ටික් කසළ ටොන් 80,000ක් ඇති බවටත් විද්යාඥයෝ අනුමාන කරති. එම කසළ ස්කන්ධය සමාන වන්නේ ජම්බෝ වර්ගයේ ජෙට් යානා 500ක බරටය. මුහුදෙහි පවත්නා නොදිරන මේ කසළ මූදු ජීවීන් ආහාරයට ගන්නවාට කිසිදු සැකයක් නැත. ආහාරයට ගත් පොලිතින් ජීර්ණය නොවීම නිසා මරණයට පත් දැවැන්ත මසුන්ගේ දේහ වෙරළ තීරවලට ගොඩගසා ඇති සැටි මාධ්ය වාර්තාවලින් කියවන්නට ලැබෙන්නේ එවැනි තත්ත්ව හේතුවෙනි.
මහා මුහුදට කැළි කසල එකතු කිරීමේ ඛේදවාචකයට ශ්රී ලංකාවේ අපත් වැඩි අවධානයක් යොමු කළ යුතුව ඇත. ඒ අනෙකක් නිසා නොව, ප්ලාස්ටික් අපද්රව්ය වැඩිම ප්රමාණයක් වාර්ෂිකව, මුහුදට එකතු කරන පළමු රටවල් පහ අතර ශ්රී ලංකාවේ නම පස්වන තැනට සඳහන්ව ඇති බැවිනි. ඒ ලැයිස්තුවේ ශ්රී ලංකාවට පළමුව සඳහන් වන්නේ පිළිවෙලින් චීනය, ඉන්දුනීසියාව, පිලිපීනය සහ වියට්නාමය යන රටවල නම්ය. ප්ලාස්ටික් සහ පොලිතින් පරිහරණයේදී ඔබ අනුගමනය කරන වැරදි පුරුදු සාගරයේ ගොඩ ගැහෙන කුණුගොඩ වර්ධනය කරන්නට හේතුවක් වන බව මේ නිසා අමතක නොකරන්න. එයින් අහිංසක සතුන් දුකට පත්වීමේ ඛේදය කෝබේගේ ඡායාරූපයෙන් මොනවාට පිළිබිඹු වේ.
ඡායාරූප සබැඳුම
සිද්ධිය සම්බන්ධයෙන් පුළුල් විමර්ශනයක් ක්රියාත්මකයි.
දැනට ලෝකය දැවැන්ත විපර්යාසයකට මුහුණ දෙමින් සිටින අතර ජාත්යන්තර තත්ත්වය ද ඉතා සංකීර්ණ වන අතාර,…
නැගෙනහිර බෑග්ඩෑඩ්හි පිහිටි ඇගේ නිවස ආසන්නයේදී වෙඩි තබා ඇයව මෙලෙස ඝාතනය කර ඇති බව විදෙස්…
1994 වසරේදී පළමු මැතිවරණයෙන් කලින් තහනම් කරන ලද අප්රිකානු ජාතික කොන්ග්රසය (ANC) පක්ෂය අතිමහත් ලෙස…
මේ අතර ඊශ්රායලය හා හමාස් සංවිධානය අතර සටන් විරාමයක් ක්රියාත්මක කිරීම සම්බන්ධයෙන් පැවැත්වෙන සාකච්ඡා සඳහා…
ගෝලීය ආර්ථිකයට ඉහළම දායකයින් පස්දෙනා අතර චීනය, ජර්මනිය (2.77%), රුසියාව (2.71%) සහ බ්රසීලය (2.19%) ඇතුළත්…
මෙම ඛේදජනක අනතුර සිදුවී වසර 112කට පසුවත් ඒ වෙනුවෙන් ඇති ඉල්ලුම සුළුපටු නොවේ.
මෙම පිපිරිම හේතුවෙන් ගොඩනැගිලි හතරක් හමුදා වාහන කිහිපයකට හානි සිදුවී ඇති අතර ගම්වාසීන්ගේ නිවාස 25ක්…
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.
කෙසේවෙතත් තුවාලකරුවන් හෝ මරණ සම්බන්ධයෙන් මෙතෙක් වාර්තා වී නොමැති අතර ප්රහාරය පිළිබඳ පරීක්ෂණ පවත්වන බව…
තායිවාන බලධාරීන් සඳහන් කර ඇත්තේ, භූකම්පනය තායිපේ අගනුවරට ද දැනී ඇති බව සඳහන් වන අතර…
ගාසා තීරයේ ඛාන් යූනිස්, රෆා හා නුසෙයිරාට් සරණාගත කඳවුරට මෙම ප්රහාර එල්ල වී ඇත.
එල්නිනෝ කාලගුණ රටාවත් සමඟ ගංවතුර තත්වයන්ද උග්ර වී තිබේ.
අනෙකුත් රටවල අභ්යන්තර කටයුතුවලට මැදිහත් නොවීම පිළිබඳ මූලධර්මය මත පදනම්ව, බීජිං එක්සත් ජනපද මැතිවරනවලට මැදිහත්…
සටහන - නිපුනි ලියනගේ අප්රේල් 26 , ලෝකය (අවුට්බවුන්ඩ් ටුඩේ): අප්රේල් 27 වැනිදා ආරම්භ වන…