කාගෙත් හදවත් දිනාගත් එඩ් ශීරන්ගේ Supermarket Flowers ගීතයේ සැඟවුණු කතන්දරය.

පසුගියදා එලිදැක්වුණු එඩ්ගේ ගීත 16කින් සමන්විත  Divide ගීත ඇල්බමය කා අතරත් කතාබහට ලක්වූවක් wවූ අතරම කාගෙත් ආදරය දිනාගත්තකි. වසරේ ගීතය ලෙස ජනාදරයට පත්වූ Shape of You ගීතය, Castle On The Hill, Galway Girl, Barcelona ආදී රසවත් පද රචනා හා තනු සහිත ගීත පසුකරගෙන ඇල්බමයේ 12 වන් ගීතයට පැමිණින අසන්නන් වෙනමම තැනක අතරමං  වන්නේ නිතැතිනි.  ඒ Supermarket Flowers ඇසීමෙන්. ගීත ඇල්බමයේ අඩංගු හැගීම්බරම ගීතය ලෙස එය හැදින්වීම නිරවද්‍ය වේ.

“Dad always told me don’t you cry when you’re down but Mum there’s a tear every time that I blink” මගේ පියා නිතරම පැවසුවේ මා මානසිකව දුර්වලව සිටින මොහොතක පවා කඳුලු නොසලන ලෙසයි. නමුත් මව පැවසුවේ මා ගසන සෑම ඇහිපිල්ලමක් පාහේම කඳුලක් ඇති බවයි. මෙවැනි පද නිසා ඔහු මේ ගීත්යෙන් කියන්නේ තම මව ගැන යැයි අයෙකුට අනුමාන කළ හැක. නමුත් ඔහු වැරදි වන්නටද ඉඩකඩ ඇත.

නමුත් ගීතය එඩ්ගේ ආච්චිඅම්මා ගැනයි. එයත් එඩ්ගේ මවගේ කෝණයෙන්;

Supermarket Flowers ගීතය නිර්මාණය වන සමයේදීඑඩ්ගේ ආච්චී අසනීපෙන් සිටි බවත් ගීතයේ වැඩ කටයුතු නිම කිරීමට පෙර ඇය මියගිය බවත් එඩ් ශීරන් මාධ්‍ය සාකච්ඡාවකදී කියා සිටියේය.

එඩ්ට අවශ්‍යව තිබී ඇත්තේ මෙම ගීතය රසිකයන් අතරට මුදා නොහැර තමා සතුව පමණක් තබා ගැනීමටයි. නමුත් ඔහු ඔහුගේ සීයාගේ ඇවෑමෙන් එය Supermarket Flowers ලෙස නම් කර මුදා හරින්නේ සිය ආච්චිඅම්මා ගැන  ඉතාම සුන්දර මතක සටහනක් ලෙසයි.

Supermarket Flowers ගීතය ඉතා හැඟීම්බර ගීතයක් ලෙස රසිකයන් අතරට පැමිණෙන්නේ එලෙසින්.