අසබඩ ජනපද වන පන්ජාබයෙන්, හර්යානාවෙන් සහ උත්තර් ප්රදේශ් සිට පසු ගිය සතියේ සිට ගොවියෝ ට්රැක්ටර්වලින් සහ පා ගමනින් නව දිල්ලිය වෙත පැමිණෙමින් සිටියහ. විරෝධතාකරුවෝ පාරවල් හරස් කරමින් තාවකාලික කූඩාරම්වල රැය පහන් කළහ. ඇතැමෙක් පාරේ සහ තමන් ගේ ට්රැක්ටර්වල නිදා ගත් අතර, ඇතැම් ආගමික ස්ථානයක් ඔවුනට ආහාරපාන ලබා දුන්නේ ය.
පොලීසිය විරෝධතාකරුවන්ට නගරයට ඇතුළු වීමට ඉඩ නොදුන්නහ. ඔවුන් බ්රහස්පතින්දා සහ සිකුරාදා කදුළු ගෑස් සහ ජල ප්රහාර ගොවීන් වෙත එල්ල කළ අතර, විරෝධතාකරුවෝ ගල්මුල්වලින් පොලීසියට සංග්රහ කළේ පොදු දේපලවලට ද හානි කරමින් බව හර්යානා හි ජේෂ්ඨ පොලිස් නිලධාරියකු වන මනෝජ් යාදව් කීවේ ය.
© Biplov Bhuyan/Hindustan Times/Shutterstock
මේ ගොවියන් විරෝධය එල්ල කරන්නේ පසුගිය සැප්තැම්බර් මාසයේ බලාත්මක කරන ලද නීතීන්වලට එරෙහි ව ය. ඉන්දීය අගමැති නරේන්ද්ර සිං මෝදිට අනුව මෙය ගොවීන්ට තමන් ගේ ම මිලකට තම නිෂ්පාදන කෙළින් ම පෞද්ගලික ව්යාපාරවලට විකිණීමට හැකි වන ස්වාධිකාරයක් ලැබේ.
එහෙත් මෙම පියවර ඉන්දීය ගොවීන් ගේ දැඩි කෝපයට හේතු වී තිබේ. ඉන්දියාවේ නවතම සංඛ්යාලේඛනවලට අනුව එහි මිලියන 480කින් යුතු ශ්රම බලකායෙන් අඩකට වඩා සමන්විත වන කෘෂිකර්ම සේවකයන් විශාල ව්යාපාරවලින් දැඩි ලෙස සූරා කෑමට ලක්වන්නට මෙය හේතුවනු ඇතැයි ඔවුන් කියති.
ගොවි සංවිධාන 200කට වඩා නියෝජනය කරන All India Kisan Sangharsh Committee හි මාධ්ය සම්බන්ධීකාරක වන අශුතෝශ් මිශ්රාට අනුව, දස දහස් ගණනින් විරෝධතාකරුවන් නවදිල්ලියේ මායිම් තුන වටා රැස් ව සිටිති – එක් මායිමක සිටින විරෝධතාකරුවන් කිලෝමීටර් 30ක දුරට රැස්වී සිටින බව ද ඔහු පවසයි.
විරෝධතාකරුවන් නගරය තුළට පැමිණීම වළක්වන්නට පොලීසිය මාර්ග බාධක දමා ඇති නමුත්, ඉදිරි දවස් කීපය තුළ තවත් ගොවීන් තමා සමග එකතු වනු ඇතැයි මිශ්රා විශ්වාසය පළ කරයි.
© Mayank Makhija/NurPhoto/Getty Images
මෙය මෙසේ වන්නේ නව දිල්ලිය කොවිඩ් 19 රෝගයට අධි අවදානම් කලාපයක් ලෙස සැලැකෙන, මේ වන විටත් මිලියන 9.4ක ආසාදිතයන් සොයා ගෙන ඇති පසුබිමක ය.
“කොවිඩ් සම්බන්ධයෙන් ආරක්ෂාකාරී වන්නට අප උත්සහ දැරුවත් අපට වෙනත් ප්රතිකර්මයක් නැහැ – මෙය ජීවිතයත් මරණයත් අතර ප්රශ්නයක්,” උත්තර් ප්රදේශ්හි ගොවි සංවිධානයක සභාපති වන මුකුත් සිං කියයි. ඔහු උත්තර් ප්රදේශ්හි විරෝධතා මෙහෙයවන අතර මේ සතියේ අග භාගයේ දිල්ලි විරෝධතාකරුවන් සමග එක්වන බව කියයි.
“මුළු රට ම ලොක්ඩවුන් තත්ත්වයේ සිටියදී රටට ආහාර, කිරි, සහ එළවළු ලබා දුන්නේ අප යි. ඒ වන විටත් අප පොළොව සමග පොර බදමින් සිටියා,” ඔහු කියයි. “කොවිඩ් අතරතුර මේ නීති ගෙනවිත් අප අනතුරේ හෙළන්නේ ආණ්ඩුව යි.”
වසර ගණනක් මුළුල්ලේ, ඉන්දිය රජය ඇතැම් භෝගවලට ඉන්දිය ගොවින් වෙත සහතික මිලක් ලබා දුන් අතර, එය ඉන්පසු භෝග චක්රවලට ද ආයෝජන කරන්නට හැකි වන පරිදි දීර්ඝ කාලින් නිශ්චිත බවක් ඔවුන්ට සැපයුවේ ය.
පෙරදී පැවැති නීතිවලට අනුව, ගොවීන්ට ඔවුන් ගේ නිෂ්පාදන, ප්රාන්තයේ කෘෂිකර්ම නිෂ්පාදන වෙළදසැල් කමිටුවේ දී වෙන්දේසි කිරීමට හැකියාව තිබූ අතර, මෙමගින් ඔවුන්ට අඩුම වශයෙන් රජයේ සහතික මිල හෝ ලැබේ. වෙන්දේසියේ මිලදී ගත හැක්කේ කාට ද යන්න පිළිබද රීති වූ අතර, අතවශ්ය භාණ්ඩවල මිල පාලනයක් ද වුවේ ය.
මෝදි ගේ නව නීති මේ කමිටු ක්රමය ඉවත ලන්නේ ගොවීන්ට තමා කැමැති මිලකට කැමැති අයකුට තම නිෂ්පාදන විකිණීමට හැකියාව අත්කර දෙමිනි. අනෙක් ප්රාන්තවලට විකිණීම, ඍජුව ම මිල දී ගන්නන්ට විකිණීම වැනි දේ කිරීමට ගොවීන්ට මින් හැකියාව ලැබේ.
වැඩිවන වෙළදපොළ තරගය යහපත් දෙයක් ලෙස දකින මෝදි, ගොවීන්ට වැඩි ආදායමක් ලබන්නට ද, ඔවුන්ට නව අයිතිවාසිකම් සහ අවස්ථා ලබා ගන්නට ද එය හේතුවක් වනු ඇතැයි සිතයි.
“ගොවීන්, ඉන්දියාව ගෝලීය වෙළදපොළට විවෘත කරන විශාල සහ පුළුල් වෙළදපොළක වාසිය ලබා ගත යුතු යි” මෝදි පසුගිය සතියේ කියා සිටියේ ය. එය කෘෂිකර්ම ක්ෂේත්රයේ පෞද්ගලික ආයෝජකයන් ආකර්ෂණය කරගනු ඇති බව ද ඔහු සිතයි.
එහෙත් මේ නව නීති විශාල සමාගම් තම නිෂ්පාදනවලට ඉතා පහත් මිලක් ලබා දෙන්නට හේතුවනු ඇතැයි ගොවීහු තර්ක කරති. ඉල්ලුම ඇති කළ වැඩි මිලකට භාණ්ඩ විකිණිය හැකි වුවත්, ඉල්ලුමක් නොමැති භාණ්ඩ අතිරික්තයක් තිබෙන විට සහතික මිලටත් පහත මිලකට භාණ්ඩ විකිණීමට සිදුවනු ඇතැයි ඔවුහු කියති.
උත්තර් ප්රදේශ්හි ගොවියකු වන සිංට අනුව, සහතික මිල ඉවත් කිරීම ගොවීන් ගේ ජීවිත අපහසු කරනු ඇත.
“ගොවීන් අතර දැඩි කෝපයක් පවතිනවා,” ඔහු කීවේ ය. “අපට සහතික මිලවත් ලැබෙන්නේ නැහැ. ආරක්ෂක උපක්රම ඉවත් කර සමාගම්වලට ඊට ඇතුළුවන්නට ඉඩ හැරීමෙන් අප සම්පූර්ණයෙන් ම විකිණී යනවා.”
උද්ඝෝෂකයන් සඳහා කෑම පිසිමින් © Biplov Bhuyan/Hindustan Times/Shutterstock
ඉන්දියාවේ බිලියන 1.3ක් වන ජනගහණයෙන් 58%ක ජීවිකාව කෘෂිකර්මාන්තය යි. මෙහි අදහස වන්නේ එරට විශාලතම ඡන්ද දායකයන් කණ්ඩායම ගොවියන් වන බවයි.
වසර ගණනක් මුළුල්ලේ ගොවීන් තම සහතික මිල ඉහළ දමන්නට ඉල්ලා සිටින අතර ඔවුන් එරට විශාලතම ඡන්ද දායකයන් විම ගොවිතැන ප්රධාන දේශපාලන ගැටලුවක් බවට පත් කර ඇත.
ගොවීන් දිනා ගනු පිණිස මොදි ගේ භාරතීය ජනතා පක්ෂය එහි 2014 වසරේ ප්රතිපත්ති ප්රකාශයේ කියා සිටියේ සියලු බෝග මිල ඒවායේ නිෂ්පාදන මිලට වඩා 50%කට වඩා වැඩි විය යුතු බවයි. 2016 වසරේ දී එරට කෘෂිකර්ම ක්ෂේත්රය නගා සිටුවා, 2022 වන විට ගොවීන් ගේ ආදායම දෙගුණ කරන බවට මෝදි පොරොන්දු වූයේ ය.
මෝදි සහ ඔහුගේ රජය ගොවීන්ට සහය දක්වන බව දිගින් දිගටම කියා සිටිති.
“අගමැති මෝදි ගේ නායකත්වය යටතේ ඉන්දිය රජය ගොවීන් ගේ ප්රශ්න විසදීමට කැප වී සිටිනවා” යැයි කෘෂිකර්ම සහ ගොවි සුබසාධන ඇමැති නරේන්ද්ර සිං තොමර් කියයි.
තොමර් ගොවීන්ට ඔවුන් ගේ විරෝධතා අතැර දමා රජය සමග සාකච්ඡා කරන්නට උනන්දු කරවූවත් අගමැති මෝදි ගොවීන්ගේ ඉල්ලීම්වලට ඉඩ දීමේ කිසිදු සලකුණක් පෙන්වා නැත.
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්රදේශයෙන් ඉවත් කර ඇති අතර…
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…
කාන්තාවන්ගේ සෞඛ්යය නංවාලීම, ලිංගික හා ප්රජනන ගැටළු වැනි සෞඛ්ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!