මේ නව සත්ව විශේෂය නම් කර තිබෙන්නේ ඩොනල්ඩ් ට්රම්ප්ගේ නම ද සහිතව ඩර්මොෆීස් ඩොනල්ඩ්ට්රම්පි (Dermophis donaldtrumpi) යනුවෙනි. සත්ව විද්යාව අනුව මේ අනුව මේ අන්ධ පණුවාගේ ගණ නාමය ඩම්මොෆීස් වන අතර, විශේෂ නාමය ‘ඩොනල්ඩ්ට්රම්පි‘ ය.
නම තෝරාගෙන තිබෙන්නේ එන්වයෝබිල්ඩ් නමැති සමාගමක් විසින්, ඩොලර් 25,000 ක් ගෙවීමෙනි. එනම් නවතම උභය ජීවියාට නම් තැබීම සඳහා සුදුසුම නම තෝරාගැනීමට ඔවුන් විසින් වෙන්දේසියක් ද සුදානම් කර තිබිණි.
මේ පණුවාට පාද නැත. ජීවත් වන්නේ පැනමාවේ ය. සෙන්ටිමීටර 10 ක් පමණ දිගින් වැඩේ. උගේ සම දිලිසෙන සුලු ය. ගැඩවිලෙකු වැනි ය. නමුත් උගේ ජීවන රටාව ඊටත් වඩා සුවිශේෂී ය. ඌ වැල්ලේ ජීවත් වෙමින්, කිසියම් අනතුරක් හැඟුණු විට වැල්ලේ හිස හංගා ගනියි. එවිට ආවරණය වන්නේ හිස පමණක් බවත්, අනෙක් සර්වාංගය තිබෙන්නේ එළියේ බවත් ඌ නොදනියි. මෙය, ට්රම්ප්ගේ ආරක්ෂණවාදී අන්තවාදය සමග කදිමට ගැළපෙන උපමේයකි.
ලැව්ගිනි සිට ගංවතුර දක්වා සෑම ආකාරයේම දේශගුණික විපර්යාස නිසා හටගන්නා උවදුරුවලට මේ වන විට ඇමරිකාවේ ජනතාව ලක් වෙමින් තිබේ. ඇමරිකාව පසුගිය නොවැම්බරයේ පළ කළ වාර්තාවකින් කියැවුණේ මේ අවදානම ක්රමයෙන් වැඩිවෙමින් පවතින බව ය. නමුත් මේ වාර්තාව ‘විශ්වාස කළ නොහැකි‘ යැයි ට්රම්ප් කීවේය. එසේම ඇමරිකාව දැනටමත් කියා තිබෙන්නේ එදා මෙදාතුර ලෝකයේ පරිසරය රැක ගැනීම සඳහා ඉදිරිපත් වූ විශාලතම විශ්ව සම්මුතිය වන පැරිස් ගිවිසුමෙන් ඇමරිකාව ඉවත් කර ගන්නා බව ය.
එනිසා, අන්ධ පණුවෙකුට ඩොනල්ඩ් ට්රම්ප්ගේ නම ‘වචනයේ පරිසමාප්ත අර්ථයෙන්ම ගැළපෙන බව‘ (‘පර්ෆෙක්ට්‘ බව) නම තෝරාගත් විද්යාඥයෝ එක හඬින් කියති. ඩර්මෝපීස් ඩෝනල්ඩ් ට්රම්පිගේ හිස මත පස් ඇති විට ඔහුගේ මුහුණ හා ට්රම්ප්ගේ මුහුණ බොහෝ සෙයින් සමාන බව ද මේ ඡායාරූපවලින් පෙනේ.
මේ නම තෝරාගැනීම සඳහා පැවැත්වූ ලංසු තැබීමෙන් ලද ආදායම, දිනකට අක්කර 70,000 කට ආසන්න ප්රමාණයක් බැගින් විනාශ වෙමින් යන වැසි වනාන්තර රැක ගැනීම සඳහා වූ අරමුදලකට යෙදවීමට නියමිත ය.
මීට පෙර ඩොනල්ඩ් ට්රම්ප්ගේ අති විශේෂ කේශ විලාසිතාව ද නව සත්ව විශේෂවලට නම් තබන සත්ව විද්යාඥයන්ගේ අවධානයට ලක්ව තිබිණි. වරක් විෂ සහිත ලොම් ඇති දළඹුවෙකුට ද ට්රම්ප් සමාන කර තිබිණි. මේ අතර, 2017 වසරේදී කහපාට ශීර්ෂයක් සහිත සබලයෙක් (yellow-crowned moth) හට ද ‘නියොපාලා ඩොනල්ඩ්ට්රම්පි‘ (Neopalpa donaldtrumpi) යනුවෙන් නම් තැබිණි.
මේ නම් තැබීම විසින් අපට කියාදෙන තවත් පාඩමක් තිබේ. ඒ, දියුණු මිනිස් සමාජයක් විසින් ඉලක්කගත පුද්ගලයෙකුට අපහාසය වෙනුවට උපහාසයෙන් යුතුව පාඩමක් උගැන්විය යුත්තේ කෙසේද යන්නයි. තුන්වන ලෝකයේ රටවල බොහෝ විට සිදුවනවාක් මෙන්, ඒ පුද්ගලයාට පාරේ බැස යා නොහැකි තරමට නම කැත කිරීම වෙනුවට හෙවත් අපහාසය වෙනුවට, නිර්මාණශීලී උපහාසය විසින් නැවත වරක් ඉතිහාසගත කර තිබෙන්නේ මේ ආකාරයෙනි.
මූලාශ්රය – Blind creature that buries head in sand named after Donald Trump
වෙළඳපොලේ ඇති සුඛෝපභෝගී පුද්ගලික ජෙට් එකක් කුලියට ගැනීම සඳහා බදු ගෙවන්නන්ගේ වියදමින් පවුම් ලක්ෂ ගණන්…
සිද්ධිය සම්බන්ධයෙන් පුළුල් විමර්ශනයක් ක්රියාත්මකයි.
දැනට ලෝකය දැවැන්ත විපර්යාසයකට මුහුණ දෙමින් සිටින අතර ජාත්යන්තර තත්ත්වය ද ඉතා සංකීර්ණ වන අතාර,…
නැගෙනහිර බෑග්ඩෑඩ්හි පිහිටි ඇගේ නිවස ආසන්නයේදී වෙඩි තබා ඇයව මෙලෙස ඝාතනය කර ඇති බව විදෙස්…
1994 වසරේදී පළමු මැතිවරණයෙන් කලින් තහනම් කරන ලද අප්රිකානු ජාතික කොන්ග්රසය (ANC) පක්ෂය අතිමහත් ලෙස…
මේ අතර ඊශ්රායලය හා හමාස් සංවිධානය අතර සටන් විරාමයක් ක්රියාත්මක කිරීම සම්බන්ධයෙන් පැවැත්වෙන සාකච්ඡා සඳහා…
ගෝලීය ආර්ථිකයට ඉහළම දායකයින් පස්දෙනා අතර චීනය, ජර්මනිය (2.77%), රුසියාව (2.71%) සහ බ්රසීලය (2.19%) ඇතුළත්…
මෙම ඛේදජනක අනතුර සිදුවී වසර 112කට පසුවත් ඒ වෙනුවෙන් ඇති ඉල්ලුම සුළුපටු නොවේ.
මෙම පිපිරිම හේතුවෙන් ගොඩනැගිලි හතරක් හමුදා වාහන කිහිපයකට හානි සිදුවී ඇති අතර ගම්වාසීන්ගේ නිවාස 25ක්…
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.
කෙසේවෙතත් තුවාලකරුවන් හෝ මරණ සම්බන්ධයෙන් මෙතෙක් වාර්තා වී නොමැති අතර ප්රහාරය පිළිබඳ පරීක්ෂණ පවත්වන බව…
තායිවාන බලධාරීන් සඳහන් කර ඇත්තේ, භූකම්පනය තායිපේ අගනුවරට ද දැනී ඇති බව සඳහන් වන අතර…
ගාසා තීරයේ ඛාන් යූනිස්, රෆා හා නුසෙයිරාට් සරණාගත කඳවුරට මෙම ප්රහාර එල්ල වී ඇත.
එල්නිනෝ කාලගුණ රටාවත් සමඟ ගංවතුර තත්වයන්ද උග්ර වී තිබේ.
අනෙකුත් රටවල අභ්යන්තර කටයුතුවලට මැදිහත් නොවීම පිළිබඳ මූලධර්මය මත පදනම්ව, බීජිං එක්සත් ජනපද මැතිවරනවලට මැදිහත්…