අප්‍රිකානු තුඩුවේ අතිශය ශීතල දකුණු දිග මුහුදු තීරයේ ක්‍රෙයිග් ෆොස්ටර් උඩු කය නිරුවතින් පිහිනමින් සිටියේය. මේ මුහුදු තීරය හැඳින්වෙන්නේ ‘කුණාටු තුඩුව‘ යනුවෙනි. ඔහු ඇය දුටුවේ එවිට ය. ඇය, සිප්පි සහ ගල් කැබලි ගොඩකින් සිරුර ඔතාගෙන සිටියාය.
එයින් වශීකෘත වූ ඔහු මේ අතිශයින්ම ලැජ්ජාශීලී සත්වයා දෙස ළඟා වූයේ ඒ විලෝපිකයෙකු නොවන බව තහවුරු කර ගැනීමට ය. එවිට ඇය පළා ගොස් සැඟවුණාය. සති ගණනක් ඔහු මගහැර සිටියාය. පැහැය වෙනස් කරමින් සිය බිළයේ ලැජ්ජාශීලී ලෙස සැඟවී සිටියාය. එසේත් නැතිනම් තරලමය සිරුර තල්ලු කරමින් අසල වූ ගල් පරයක් වෙත පළා ගියාය.
කෙසේ වෙතත්, කුමන හෝ හේතුවක් නිසා ක්‍රෙයිග් තීරණය කළේ දිනපතාම ඇය බලන්නට යන්නට ය.
දින 26කට පසුව, ඇබ්බැහියකින් මෙන් තමන් පසුපස එන මේ මිනිසා වෙත ඈ ළං වූවාය. ඔහුව ස්පර්ශ කළාය.
මිනිස් අත වටා බූවලු බාහු එතී ගියේය.
My Octopus Teacher නමැති අලුත්ම Netflix වාර්තා චිත්‍රපටය ඔහුගේත් ඇගේත් කතාන්දරයයි. Jackson Wild Media Award සම්මාන උළෙලේදී නාමයෝජනා 8 ක් දිනාගත් එය EarthxFilm Festival හිදී හොඳම විශේෂාංග චිත්‍රපටය ලෙස සම්මානයට පාත්‍ර විය.
මෙය 2010 වසරේදී රූගත කළ එකකි. ක්‍රෙයිග් ෆොස්ටර් නමැති සාගරයට පෙම්බැඳි මිනිසා, සාගරයෙන් පෙම්වතියක සොයාගත් වසර එයයි.
‘‘එය මිනිසුන් සමග මගේ සම්බන්ධතාවය පවා වෙනස් කළා..‘‘ යැයි ඔහු කියයි.
‘‘මා ඇය බලන්නට එන අමුත්තෙකු නොව, ඇගේම කෙටසක් බව ඇය මට දැනෙන්නට සැලැස්සුවා..‘‘
ඉතිරිව තිබූ ඇගේ කෙටි ජීවිතයේ වසරක සුළු කාලය තුළ දිනපතාම ඔහු ඇය බලන්නට ගියේය.
‘‘මා ඇය ව විශ්වාස කරන බව මාස කිහිපයක් තිස්සේ දුටු විට ඇය මා ඇගේ රහස් ලෝකය වෙත කැඳවාගෙන ගියා..‘‘ යැයි ක්‍රෙයිග් ෆොස්ටර් කියයි.
මෝරෙකු විසින් ඇගේ බාහුවක් ඩැහැගන්නා අයුරු ද එම කෙටි කාලය තුළ ඔහු දුටුවේය. එය නැවත තිබූ පරිදි ම වැඩෙන අයුරු ද ඔහු සියැසින් දුටුවේය. වරක් ඇය දඩයමේ යන විට ද ඔහු ව කැඳවා ගෙන ගියාය. ඇය එතරම් ඔහුව විශ්වාස කළාය.
අවසානයේ බිත්තර ලෑමෙන් පසු, ඒවාට දිවා රෑ නිරාහාරව පවන් සැලීමෙන් ද පසු සොබාදහමේ නියම පරිදි ඇය ජීවිතයෙන් සමුගෙන ගියාය.
ක්‍රෙයිග් සාගරයට අමුත්තෙකු නොවේ. වසර ගණනාවක සිට ඔහු දිනපතා සයුරේ කිමිදෙයි. මුහුදු බල්ලන්, තල්මසුන්, දැල්ලන් සහ මෝරුන් පවා ඔහු ස්පර්ශ කර තිබේ. ‘‘ඔවුන් මා වෙත ඇවිත් විශ්වාසයේ සහ උවදුරු සහගත බවේ නිමේෂයක් ගත කළා..‘‘ යැයි ඔහු කියයි.
නමුත් ඒ බූවල්ලා සමග ඇති කර ගත් බැඳීම තරම් ඒ කිසිදු බැඳීමක් ජීවිත කාලය පුරාම අමතක කළ නොහැකි තරම් ප්‍රබල නොවුණු බව ද ඔහු කියයි.
පුද්ගලයන් 21 දෙනෙකු අතුරුදන්ව ඇති බවත්, රියෝ ග්‍රෑන්ඩ් දෝ සුල් ප්‍රාන්තයේ ඇති වූ ජල ගැලීම්…
කාන්තාවන්ගේ සෞඛ්‍යය නංවාලීම, ලිංගික හා ප්‍රජනන ගැටළු වැනි සෞඛ්‍ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්‍රම ව්‍යවස්ථාවේ නිදහස් භාෂණයට ඇති අයිතිය ප්‍රියජනක සංස්කෘතික පරමාදර්ශයක් වේ.
ස්ටෝමි ඩැනියෙල් නමැති අසැබි චිත්‍රපටවලට රංගනයෙන් එක් වුණු නිළියක සහ ට්‍රම්ප් අතරේ සමීප සම්බන්ධයක් පැවැති…
මෙම ආයෝජනය මයික්‍රොසොෆ්ට් විසින් සිය දශක තුනක පමණ ඉතිහාසය තුළ අග්නිදිග ආසියාවේ සිදුවන විශාලතම ආයෝජනය…
ගලවා ගැනීමේ මෙහෙයුම් වෙනුවෙන් පුද්ගලයන් 500ක් යොදවයි.
යුක්‍රේනය පවසන්නේ, රුසියාව මෙම ප්‍රහාරය සිදුකිරීම සඳහා බැලිස්ටික් මිසයිලයක් සහ පොකුරු බෝම්බ යොදා ගෙන ඇති බවයි.
වාර්තාව තබන අතරතුර ඇය සෑම පැයකට වරක් මිනිත්තු 5ක විරාමයක් ලබාගෙන ඇති අතර, කෙටි නින්දකට,…
බන්ධනාගාර ගොඩනැඟිලිවලින් විශාල ප්‍රමාණයක් සහ එහි උස් තාප්පයේ කොටසක් කඩා වැටී ඇති අතර, සිරකරුවන් පලාගොස්…
ගිනිකන්ද පුපුරා යාමත් සමඟ සුන්බුන් මුහුදට වැටී සුනාමියක් ඇති ව තිබේ.
ඉන්දියාව පසුගිය වසරේ පස්වන විශාලතම ආර්ථිකය ලෙස එක්සත් රාජධානිය අභිබවා යන ලදී.
G7 කණ්ඩායමට කැනඩාව, ප්‍රංශය, ජර්මනිය, ඉතාලිය, ජපානය, බි්‍රතාන්‍ය සහ අමෙරිකාව යන රටවල් අයත් වන අතර මෙම…
දින 40ක සටන් විරාමයක් සම්බන්ධයෙන් ඊශ්‍රායලයේ පාර්ශවයෙන් සුභවාදී ප්‍රතිචාරයක් පළවීමත් සමඟ එම සැනසිලිදායක තත්ත්වය මොහොතකට…