නව ප්රභේදය තුල පවා ඇත්තේ වෛරසයේ හුලෙහි (spike) පිහිටා ඇති ප්රෝටීන සංයුතියේ සියයට එකක පමණ වෙනස් වීමක් බව පෙන්වා දෙන ඔහු යම් විදියකින් අවශ්ය වුවහොත් දැනට පවතින එන්නත නව තත්වයට මුහුණ දිය හැකි පරිදි සති හයක් පමණ කාලය ඇතුලත වර්ධනය කළ හැකි බව සඳහන් කළා. කෙසේ වුවත් ඒ සඳහා නව තත්වය සම්බන්දයෙන් යම් පර්යේෂණයක් කළ යුතු බව සඳහන් කරන ඔහු ඒ සඳහා සති කිහිපයක් ඉල්ලා තිබෙනවා. කෙසේ වූවද විද්යාත්මකව ගත්කළ දැන් පවතින එන්නතට මෙම ඉස්මතු වෙමින් පවතින නව වෛරස් ප්රභේදය මර්ධනය කිරීමට ඇති හැකියාව ඉතාම ඉහළ බව ඔහුගේ අදහසයි.
‘අපේ එන්නත පැති ගණනාවකින් මෙම වෛරසයට පහර දෙනවා. ඒ නිසා අප සිතන්නේ නැහැ මෙම නව ප්රභේදය එතරම් බරපතළ වනු ඇති කියා’. ඒ සහින්ගේ විශ්වසනීය හඬ. ‘නමුත් වැක්සීනය අළුත් එකක් බවට පත් වුණොත් ඒ සඳහා අප මෙතෙක් මෙම වැක්සීනය සඳහා ගතකළ කාලයම ගතවනු ඇති’. එයින් ඔහු අදහස් කරන්නේ එන්නතක් සමාජය වෙත මුදාහැරීම සඳහා ගතකළ යුතු සාමාන්ය කාල රාමුව ගැන.
ජර්මනියේ පළවන Deutsche Welle (DW) වෙබ් අඩවිය සමඟ සම්මුඛ සාකච්චාවකට එක් වෙමින් මේ දිනවල වැඩිපුර කතා බහට ලක්වී ඇති බයෝඑන්ටෙක් අධිපති වෛද්ය සහින් පෙන්වා දෙන්නේ එසේ වර්ධනය කළ එන්නතක් ඔවුන් නුදුරේ දී හඳුන්වා දෙනු ලැබුවහොත් එයද නැවත අනුමැතිය සඳහා බලධාරීන් වෙත යොමුකළ යුතු බවයි.
සමස්ත යුරෝපීය සංගමයේ සියළු රටවල් ආවරණය වන පරිදි යුරෝපීය සංගමය ලබා දුන් පාර්ශවිය අනුමැතිය (partial approval) වෙනුවෙන් ස්තුති කළ ඔහු ස්විට්සර්ලන්තය තුළ මෙම එන්නත පාවිච්චි කිරීම සඳහා එරට ලබාදුන් අනුමැතිය ගැනද ස්තුති පුර්වක වුණා.
ලබන වසරේ මුල් කාර්තුව අවසන් වනවිට වැඩිහිටි ජනතාවට සහ ඉදිරිපෙළ කාර්ය සාධන පුරවැසියන් සඳහා මෙම වැක්සීනය ලබාදී ඔවුන් ආවරණය කළාට පසු ලෝක ජනගහනය වෙත යම් ඉසිඹුවක් බලාපොරොත්තු වන ඔහු මෙම වැක්සීනය සමඟ මිනිසුන්ට තම ප්රතිශක්තිය ගැන විශ්වාසය තහවුරු වූවාට පසු සාමාන්ය පරිදි කටයුතු කිරීමට ලබන වසරේ මැද භාගය පමණ වන විට හැකි වනු ඇතැයි පුරෝකතනය කරනවා. රටක සමස්ත ජනගහනයෙන් සියයට හැටක් හැත්තෑවක් පමණ ආවරණය වූ පසු සාමාන්ය ජීවිතයක් ගැන සිතීම අපහසු නොවනු ඇතැයිද ඔහු මත පළ කරනවා. කෙසේ වුවත් ඒ සඳහා සහින්ගේ කාල රාමුව වන්නේ ලබන ශීත සෘතුවේ ආරම්භයයි.
මෙම එන්නත අධික ලෙස පහළ උෂ්ණත්වයක (ultra low temperature) ගබඩා කිරීම සහ ප්රවාහනය ගැන සඳහන් කරන ඔහු ප්රකාශ කරන්නේ එසේ බෙහෙත් ද්රව්ය අධික පහල උෂ්ණත්වයක තබාගැනීම කිසිදු රටකට අළුත් දෙයක් නොවන බවයි. ‘වියළි අයිස් කුට්ටි තුල ලෝකය බෙහෙත් ගබඩා කරන්නේ දැන් වසර පණහක පමණ කාලයක ඉඳල. වියළි අයිස් (dry ice) තුල බෙහෙත් වර්ග ප්රවාහනය කරන ඒජන්තයින් විශාල පිරිසක් ලෝකයේ ඉන්නවා. වෛද්ය සේවකයන්ට පුළුවන් සාමාන්ය විදියට මෙම එන්නත අපගේ ඇසුරුම් වලින් එළියට අරගෙන පාවිච්චි කරන්න. ඔයාල ඒක රූපවාහිනී තුල දැන් හැමදාම වගේ දකිනවා නේ’. ඔහු සිනහා මුසු මුහුණින් පවසනවා.
තුන්වන ලෝකයේ රටවල් වලට අපි දැන් සෑහෙන කාලයක ඉඳල බෙහෙත් වර්ග අපනයනය කරනවා. ලතින් ඇමෙරිකාව, මෙක්සිකෝව වගේ රටවල් අපෙන් බෙහෙත් ගෙන්වා ගන්නවා. දැනුත් එයාල මේ එන්නත ලබාගන්න සුදානම්. කාර්මිකකරණය වෙමින් පවතින අනෙක් රටවල් පවා දැන් සුදානම් වෙලා ඉන්නවා අපේ එන්නත ලබාගැනීම සඳහා.
‘මේ එන්නත සුපිරි සොයා ගැනීමක් ද’ යනුවෙන් මාධ්යවේදියා අසන ප්රශ්නයට ඔහු මෙහෙම කියනවා. ‘ඔව්, අපි දිහාවට ලෝකයේම අවධානය යොමුවෙලා. අපි ඒක දන්නවා. නමුත් මේක පුද්ගලික දෙයක් නෙවෙයි. ආයතන ගණනාවක් අපිත් එක්ක වැඩ කළා. ලොකු කණ්ඩායමක් අපිත් එක්ක ඉන්නවා. ලෝක පරිමාණයේ විද්යාඥයින් සහ ආයතන අපිත් එක්ක ඉන්නවා. ඒ ස්තුතිය හැමෝටම යන්න ඕනි. හැමෝම උදව් කළා. මේක විද්යාවේ සහ පර්යේෂණ ක්ෂේත්රයේ සමස්ත ජයග්රහණයක්. අපි මෙතෙක් කරගෙන ආව විද්යාව සහ පර්යේෂණ කියන දේ වැදගත් කියන එක තමයි මෙයින් ඔප්පු උනේ. ඒ නිසා සුපිරි වීරයා වෙන්නේ විද්යාව. මුළු ලෝකයේම ඉන්න විද්යාඥයින් ඔක්කොම (scientific community) ඒ නිසා වීරයින් වෙනවා. විද්යාව වෙනුවෙන් කරන ආයෝජනය අපතේ යන්නේ නැහැ කිසි විටෙක’.
‘ඇයි ඔබ තාම මේ එන්නත ලබා ගත්තේ නැත්තේ?’ ඒ මාධ්යවේදියාගේ අවසන් ප්රශ්නය.
‘ඔව්, මම තවම මේක ගත්තේ නැහැ. මොකද මම මගේ වාරය එනකල් ඉන්න ඕනි අපේ රටේ නීතියට අනුව. අනික මට වඩා වැදගත් වෙන්නේ මගේ සහායකයින් මේ එන්නත ලබා ගන්න එක. එයාල තමයි දවසේ පැය විසි හතරම ගොඩක් අනතුරුදායක විදියට මේ වැඩේ නියැලිලා ඉන්නේ. ඊට පස්සේ මම මේක ගහගන්නම්’.
එහෙම කියල වෛද්ය සහින් තම සාකච්චාව අවසන් කළා.
අන්තිමට තරඟයේ වීරයා උනේ විද්යාව.
– මහේෂ් හපුගොඩ විසින් තැබූ ෆේස්බුක් සටහනකි.
මුල් පුවත සඳහා පිවිසෙන්න:
සටහන - නිපුනි ලියනගේ අප්රේල් 29 , ලෝකය (අවුට්බවුන්ඩ් ටුඩේ): වයස නිකන්ම නිකන් ඉලක්කමක් විතරයි…
අහමදාබාද් නියෝජ්ය පොලිස්පතිවරයා ඉන්දීය මාධ්යට පවසා ඇත්තේ, මෙවැනි මත්ද්රව්ය තොගයක් අත්අඩංගුවට ගැනීම සම්බන්ධයෙන් සතුටට පත්වන…
ඊශ්රායල අමාත්ය මණ්ඩලය අනතුරු අඟවා ඇත්තේ, සටන් විරාමයකට එකඟ වුවහොත් අගමැති බෙන්ජමින් නෙතන්යාහුගේ රජය බිඳ…
වෙළඳපොලේ ඇති සුඛෝපභෝගී පුද්ගලික ජෙට් එකක් කුලියට ගැනීම සඳහා බදු ගෙවන්නන්ගේ වියදමින් පවුම් ලක්ෂ ගණන්…
සිද්ධිය සම්බන්ධයෙන් පුළුල් විමර්ශනයක් ක්රියාත්මකයි.
දැනට ලෝකය දැවැන්ත විපර්යාසයකට මුහුණ දෙමින් සිටින අතර ජාත්යන්තර තත්ත්වය ද ඉතා සංකීර්ණ වන අතාර,…
නැගෙනහිර බෑග්ඩෑඩ්හි පිහිටි ඇගේ නිවස ආසන්නයේදී වෙඩි තබා ඇයව මෙලෙස ඝාතනය කර ඇති බව විදෙස්…
1994 වසරේදී පළමු මැතිවරණයෙන් කලින් තහනම් කරන ලද අප්රිකානු ජාතික කොන්ග්රසය (ANC) පක්ෂය අතිමහත් ලෙස…
මේ අතර ඊශ්රායලය හා හමාස් සංවිධානය අතර සටන් විරාමයක් ක්රියාත්මක කිරීම සම්බන්ධයෙන් පැවැත්වෙන සාකච්ඡා සඳහා…
ගෝලීය ආර්ථිකයට ඉහළම දායකයින් පස්දෙනා අතර චීනය, ජර්මනිය (2.77%), රුසියාව (2.71%) සහ බ්රසීලය (2.19%) ඇතුළත්…
මෙම ඛේදජනක අනතුර සිදුවී වසර 112කට පසුවත් ඒ වෙනුවෙන් ඇති ඉල්ලුම සුළුපටු නොවේ.
මෙම පිපිරිම හේතුවෙන් ගොඩනැගිලි හතරක් හමුදා වාහන කිහිපයකට හානි සිදුවී ඇති අතර ගම්වාසීන්ගේ නිවාස 25ක්…
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.
කෙසේවෙතත් තුවාලකරුවන් හෝ මරණ සම්බන්ධයෙන් මෙතෙක් වාර්තා වී නොමැති අතර ප්රහාරය පිළිබඳ පරීක්ෂණ පවත්වන බව…
තායිවාන බලධාරීන් සඳහන් කර ඇත්තේ, භූකම්පනය තායිපේ අගනුවරට ද දැනී ඇති බව සඳහන් වන අතර…