නෙදර්ලන්තයේ ඇම්ස්ටර්ඩෑම් අගනුවර ළමා වියේ තරබාරුකම හෙවත් ළමා ස්ථූලතාවය අඩු කිරීමට සාර්ථක ලෙස සමත් වී තිබේ.
ඇම්ස්ටර්ඩෑම් නගරයේ බොහෝ පාසල්වල දරුවන්ට පළතුරු යුෂ සහ කේක් ලබාදීම තහනම් ය.
ඒ වෙනුවට ඔවුන්ට සෞඛ්යමත් ආහාර සහ ජලය පමණක් ලබා දෙයි.
ඇතැම් පාසල් විසින්, දෙමාපියන් ඉල්ලීම් නොකරන්නේ නම්, දරුවන්ට ක්ෂණික කෑම (ෆාස්ට් ෆුඩ්ස්) ලබා නොදෙන ලෙස ද අවන්හල්වලින් ඉල්ලීම් කර තිබේ.
මෙයට අමතරව අඩු ආදායම්ලාභී පවුල්වලට ක්රීඩා සඳහා ආධාර ලබාදීම ද සිදු කරනුයේ එමගින් දරුවන්ගේ ස්ථූලතාවය මර්දනය වීමට පිටිවහලක් වන බැවිනි.
මේ අතර, ගෙයින් ගෙට ගොස්, දරුවන්ට හොඳ ආහාර පුරුදු කියා දෙන ස්වෙච්ඡා කණ්ඩායම් ද නගරයේ වෙති.
කළ යුත්තේ කුමක්ද කියා දරුවන්ට කියනු වෙනුවට ඔවුන්, නොකළ යුත්තේ කුමක්ද කියා දරුවන්ගෙන්ම ඇසීම සිදු කරයි.
ඇම්ස්ටර්ඩෑම් නගරයේ සුපිරි වෙළඳ සැල් ද මේ වන විට සෞඛ්යමත් ආහාර පමණක් සිය රාක්කවල තැබීමට උත්සුක වෙමින් සිටිති.
මේ සියල්ලේ ප්රතිඵලයක් ලෙස 2012 වසරේ පටන් 2015 වසර දක්වා කාලය තුළ නගරයේ දරුවන් අතර අධික තරබාරුව 12%කින් අඩු කර ගැනීමට හැකියාව ලැබී ඇත.
දරුවන්ගේ තරබාරුකම පිටු දැකීම කෙරෙහි අවධානය යොමු කර ඇති ලෝකයේ එකම නගරය ඇම්ස්ටර්ඩෑම් නොවේ.
එංගලන්තයේ ලීඩ්ස් නගරය ද මේ වෙනුවෙන් වෙනත් වැඩපිළිවෙළක් ක්රියාවට නංවයි.
ඔවුන් ඒ සඳහා දෙමාපියන් දිරිමත් කිරීමට පියවර ගෙන තිබේ.
දරුවන් සමග උද්යානවලට ගොස් ඔවුන් සමග ක්රියාකාරකම්වල නියැළීමට ද මෙමගින් දිරි ගැන්වේ.
හොඳ දේ කරන දරුවන් සඳහා ‘තෑගි‘ ලෙස ආහාරමය නොවන දේ ලබාදීමට ද ඔවුන්ට උගන්වනු ලබයි.
මෙහි ප්රතිඵලයක් ලෙසට 2016 සිට 2017 දක්වා වසරක කාලය තුළ වයස අවුරුදු 4-5 අතර ස්ථූල දරුවන් ගේ සංඛ්යාව 625 කින් අඩු කර ගැනීමට ලීඩ්ස් නගරය සමත් වී ඇත.
නමුත් තවමත් ලීඩ්ස් නගරය ගිය මගෙහි කිසිදු එංගලන්ත නගරයක් යාමට සමත් වී නැත.
එංගලන්තයේ වයස 2-15 අතර දරුවන්ගෙන් 28%ක් අධික තරබාරුවෙන් හෝ බර වැඩි කමෙන් පීඩා විඳිති.
අධික තරබාරුව සහ බර වැඩිකමෙහි ප්රතිඵල ලෙස බඩවැලේ පිළිකා හෝ වැඩිහිටි වියේදී ආඝාතය (මොළයේ රුධිර කැටි සිරවීම) නිසා අංශභාගය වැනි රෝගී තත්ව හටගැනීමට ඉඩ ඇත. හෘදයාබාධ, අධි රුධිර පීඩනය යනාදී රෝග ගණනාවක ද අවදානම මේ නිසා අධික වේ.
වාර්තාවලට අනුව වයස අවුරුදු 5 දී තරබාරු බවෙන් පෙළෙන දරුවන්, තරබාරු වැඩිහිටියන් බවට පත්වීමේ ඉඩකඩ 5 ගුණයකි.
මේ නිසා ළමා වියේදීම ස්ථූලතාවය අඩු කර ගැනීමට කටයුතු කිරීම ඉතා වැදගත් ය.
නෙදර්ලන්තය, එංගලන්තය වැනි රටවල් ඒ සඳහා දැනටමත් වැඩ ආරම්භ කර තිබියදී රටක් වශයෙන් අප සිටින්නේ කොතැනද?
Cover Photo: BBC
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…
කාන්තාවන්ගේ සෞඛ්යය නංවාලීම, ලිංගික හා ප්රජනන ගැටළු වැනි සෞඛ්ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්රම ව්යවස්ථාවේ නිදහස් භාෂණයට ඇති අයිතිය ප්රියජනක සංස්කෘතික පරමාදර්ශයක් වේ.