බ්‍රිතාන්‍ය මාධ්‍යවේදීන්ට ඉරාන ආරක්ෂක අංශ විසින් තර්ජනය කළේ යැයි නැඟෙන චෝදනාවලට අදාළව බ්‍රිතාන්‍ය රජය දැඩි ක්‍රියාමාර්ගයකට එළඹ ඇති බව වාර්තා වේ.
ඒ අනුව, මේ සම්බන්ධයෙන් කරුණු විමසීමට ඉරානයේ ජ්‍යෙෂ්ඨතම රාජ්‍ය තාන්ත්‍රික නිලධාරියා කැඳවීමට කටයුතුකළ බව බ්‍රිතාන්‍ය විදේශ ලේකම් ජේම්ස් ක්ලිවර්ලි සිකුරාදා (11) දින නිවේදනයක් නිකුත් කරමින් පවසා සිටියි.
බ්‍රිතාන්‍යයේ ජීවත්වන මාධ්‍යවේදීන් අරඹයා සිදුකරන මෙවන් ජීවිත තර්ජන හෝ බියවැද්දීම් බ්‍රිතාන්‍ය රජය කිසිසේත්ම අනුමත නොකරන බවට අවධාරණය කළ බ්‍රිතාන්‍ය විදේශ ලේකම්වරයා, මාධ්‍යවේදීන් පමණක් නොව සාමාන්‍ය පුරවැසියන්ට පවා එල්ලකරන මෙවන් බලපෑම් අනුමත නොකරන බව ද පැවසීය.
ඉකුත් දින හිජාබය නිවැරදිව පැළඳ නොසිටීමේ චෝදනාව මත ඉරාන සදාචාර පොලීසිය (Morality Police) විසින් අත්අඩංගුවට ගනු ලැබ එම පොලීසියේ රැඳවුම්භාරයේ සිටියදී අභිරහස් ලෙස මිය ගිය 22 හැවිරිදි මාහ්සා අමීනි වෙනුවෙන් ජනතාව පෙළගැසීම හමුවේ විශාල ආණ්ඩු විරෝධී ජන අරගල ඉරානයේ හටගනිමින් තිබෙන අතර, මෙම ජන අරගල මර්දනය කිරීම සඳහා ඉරාන රජය විසින් දැඩි ක්‍රියාමාර්ග ගෙන තිබේ.
එමෙන්ම, භාෂණයේ නිදහස මර්දනය කිරීමට ද ඉරාන රජය විසින් දැඩි පිළිවෙතක් අනුගමනය කරමින් සිටියි. ඒ අනුව, ඉරානයේ ක්‍රියාත්මක වන මාධ්‍ය ආයතන රැසක් ඉරාන රජය විසින් ඉලක්කකර ඇති අතර, මේ වන විට මාධ්‍යවේදීන් 40 කට අධික පිරිසක් අත්අඩංගුවට ගෙන රැඳවුම්භාරයේ සිටින බව ද බ්‍රිතාන්‍ය විදේශ කාර්යාලය නිවේදනය කරයි.
මාහ්සා අමීනි ගේ මරණයත් සමඟ ඉරානයේ ජ්‍යෙෂ්ඨ ආරක්ෂක නිලධාරීන්ට සහ සදාචාර පොලීසියට සම්බාධක පැනවීමට බ්‍රිතාන්‍ය රජය කටයුතු කළ අතර, ඉරානයේ කාන්තාවන් හැඳිය යුත්තේ කුමක්ද යන්න හෝ ඔවුන් පොදු ස්ථානවල හැසිරිය යුත්තේ කෙසේද යන්න තීරණය කිරීමට පාලකයන්ට අයිතියක් නැති බව පෙන්වා දී තිබේ.
ඉරාන කාන්තාවන්ට එරෙහිව රාජ්‍ය අනුග්‍රහය ඇතුව ක්‍රියාත්මකවන ප්‍රචණ්ඩත්වයට එරෙහිව සහ එරට මතුව ඇති ජන අරගලවලට සහාය ලබාදීමක් ලෙස මෙසේ සම්බාධක පැනවීමට බ්‍රිතාන්‍යය කටයුතු කර තිබේ.
ඡායාරූප: feweek.co.uk
පුද්ගලයන් 21 දෙනෙකු අතුරුදන්ව ඇති බවත්, රියෝ ග්‍රෑන්ඩ් දෝ සුල් ප්‍රාන්තයේ ඇති වූ ජල ගැලීම්…
කාන්තාවන්ගේ සෞඛ්‍යය නංවාලීම, ලිංගික හා ප්‍රජනන ගැටළු වැනි සෞඛ්‍ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්‍රම ව්‍යවස්ථාවේ නිදහස් භාෂණයට ඇති අයිතිය ප්‍රියජනක සංස්කෘතික පරමාදර්ශයක් වේ.
ස්ටෝමි ඩැනියෙල් නමැති අසැබි චිත්‍රපටවලට රංගනයෙන් එක් වුණු නිළියක සහ ට්‍රම්ප් අතරේ සමීප සම්බන්ධයක් පැවැති…
මෙම ආයෝජනය මයික්‍රොසොෆ්ට් විසින් සිය දශක තුනක පමණ ඉතිහාසය තුළ අග්නිදිග ආසියාවේ සිදුවන විශාලතම ආයෝජනය…
ගලවා ගැනීමේ මෙහෙයුම් වෙනුවෙන් පුද්ගලයන් 500ක් යොදවයි.
යුක්‍රේනය පවසන්නේ, රුසියාව මෙම ප්‍රහාරය සිදුකිරීම සඳහා බැලිස්ටික් මිසයිලයක් සහ පොකුරු බෝම්බ යොදා ගෙන ඇති බවයි.
වාර්තාව තබන අතරතුර ඇය සෑම පැයකට වරක් මිනිත්තු 5ක විරාමයක් ලබාගෙන ඇති අතර, කෙටි නින්දකට,…
බන්ධනාගාර ගොඩනැඟිලිවලින් විශාල ප්‍රමාණයක් සහ එහි උස් තාප්පයේ කොටසක් කඩා වැටී ඇති අතර, සිරකරුවන් පලාගොස්…
ගිනිකන්ද පුපුරා යාමත් සමඟ සුන්බුන් මුහුදට වැටී සුනාමියක් ඇති ව තිබේ.
ඉන්දියාව පසුගිය වසරේ පස්වන විශාලතම ආර්ථිකය ලෙස එක්සත් රාජධානිය අභිබවා යන ලදී.
G7 කණ්ඩායමට කැනඩාව, ප්‍රංශය, ජර්මනිය, ඉතාලිය, ජපානය, බි්‍රතාන්‍ය සහ අමෙරිකාව යන රටවල් අයත් වන අතර මෙම…
දින 40ක සටන් විරාමයක් සම්බන්ධයෙන් ඊශ්‍රායලයේ පාර්ශවයෙන් සුභවාදී ප්‍රතිචාරයක් පළවීමත් සමඟ එම සැනසිලිදායක තත්ත්වය මොහොතකට…