යම්තම් වයස 16 දී ජාත්‍යන්තරය ජයගත් ස්වීඩන් ජාතික පුංචි පරිසරවේදිනිය ග්‍රේටා තුන්බර්ග් මතක ද?
කොරෝනා වසංගතය ට කලින් නම් ඇගේ නම සෑම තැනකම රැව්පිලි දුන්නා. ලෝක නායකයින් පවා ඈ ඉදිරියේ දණින් වැටුණා.
ඒ ගෝලීය අර්බුදයන් අතර මානව වර්ගයා ලෙස අප දැකීමට අපොහොසත් වූ වැදගත් ම අර්බුදය වන දේශගුණික විපර්යාස අර්බුදය ගැන ඈ නැඟි අද්විතීය හඬ නිසාවෙනි.
මෙම වසරේ පුංචි ග්‍රේටා සිය 18 වන උපන්දිනය සමරනවා. ඇයට අප වෙත ලබාදීමට පණිවුඩයක් ද තිබෙනවා.
ඊවිනින් ස්ටෑන්ඩර්ඩ් පුවත්පත ට අනුව, ග්‍රේටා අලුත් ඇඳුම් මිළදී ගැනීම නවතා තිබෙනවා. එපමණක් නොවෙයි, ගුවන් ගමන් වල නිරත වන මිනිසුන් හෝ දරුවන් ලැබීමට අපේක්ෂා කරන මිනිසුන් කිසිවකුත් සමඟ අමනාපයක් නොමැති බව ද ඈ සඳහන් කරනවා.
ගෝලීය පරිසර අර්බුදය ඉදිරියේ ගේට්‍රා සමඟ පෙළ ගැසුණු පිරිස අපමණයි. ඒ් අතර ප්‍රසිද්ධ චරිත ගණනාවක් ම සිටිනවා.
නමුත් ඔවුන් අදටත් ඔවුනොවුන්ගේ දින චරියා වල කාබන් විමෝචනය හා පරිසර විනාශයන් ට නානාවිධ අයුරින් දායක වන බවක් පෙනෙන්නට තිබෙන බව ඈ පෙන්වා දෙනවා.
කෙසේ නමුත් මෙම පිරිස සමඟ තමාගේ අමනාපයක් නොමැති බව ද ග්‍රේටා පවසනවා.
ප්‍රසිද්ධ චරිත තම සංචරණ කටුයුතු සඳහා බොහෝ විට යොදා ගන්නේ ගුවන් ගමන්. ගුවන් ගමන් වලදී කාබන් පරිසරයට විමෝචනය වීම වැළැක්විය නොහැකියි.
ඔවුන් පරිසර විනාශය පිළිබඳ කොපමණ උදම් ඇනුව ද, ඔවුන් විසින් සිදුවන පරිසර විනාශය නොදැකීම ඔවුන්ගේ උද්ධච්ඡකමේ ලක්ෂණයකි විය හැකි බවද ඈ පෙන්වා දෙනවා.
“මම කාටවත් කළ යුත්තේ මොනවාද කියන දෑ ගැන උපදෙස් දෙන්න යන්නේ නෑ. නමුත් ඔබ යම් දෙයක් වෙනුවෙන් පෙනී සිටිනවා නම්, ඔබ කරනා කියනා දෑ ගැනද බොහොම සැලකිලිමත් විය යුතුයි. ඔබ කියනා දෙය ඔබ විසින් වත් සිදුවන්නේ නැත්තම් මිනිසුන් ඔබව විවේචනය කරාවි.”
එසේ අනතුරු ඇඟෙව්වේ පුංචි ග්‍රේටා ය.
පරිසරවේදීන් අතරම දරුවන් ලැබීමට අපේක්ෂා කරන උදවිය ගැන ද මාධ්‍යවේදීන් ඇගෙන් ප්‍රශ්ණ කළා. ඈ ඊට ද කදිම පිළිතුරක් ලබා දෙනවා.
පෘථිවි ගෝලය අනතුරේ පවතින විට දරුවන් ලැබීම පාරිසරික කෝණයෙන් බැලූ විට වගකීම් විරහිත ක්‍රියාවක් ලෙස අර්තකථනය කළ හැකි වූවත්, පුද්ගලයකු ගේ දරුවන් ලැබීමේ අයිතිය උදුරා ගැනීමට තමා අපේක්ෂා නොකරන බව ග්‍රේටා පවසනවා.
“ගැටළුව තිබෙන්නේ අපේ චර්යාවේයි. මිනිසුන් ගේ නොවෙයි.”
පරිසර සංරක්ෂණය ට කැපවූ තරුණියක් ලෙස අළුත් ඇඳුම් මිලදී ගැනීම ග්‍රේටා නවතා තිබෙනවා. ඇගේ තර්කය ඇඳුම් අවශ්‍ය තරම් මිනිසුන් අතර තිබෙනා බවත්, ඇඳුම් අනවශ්‍ය වී ඉවත දමන විටදී ඒ්වා ඈ හට ලබා ගත හැකි බවත් ය.
“මට කෙනෙකු ගෙන් ඇඳුම් ඉල්ලා ගැනීමට පුළුවන් වේවි. කරන්නම දෙයක් නැතිවුනොත් මම කවුරුන් හෝ භාවිතා කරපු ඇඳුම් මිලදී ගනීවි.”
පරිසරවේදිනියක් ලෙස ඉතා කුඩා අවධියක දී තම හඬ අවදි කිරීම නිසා බොහෝ බලපෑම් තමාට මෙන්ම සිය පවුලට එල්ල වූ බවත්, ලෝක ජනප්‍රියත්වයට පත්වීම නිසා ඉන් තම පවුලට මුහුණ පෑමට සිදුවූ අපහසුතා ගැන වරදකාරී හැඟීමක් පවතින බවත් ග්‍රේටා වැඩිදුරටත් පවසනවා.
ප්‍රමෝද් චින්තක පීරිස්
පෙර ලිපිය: පරිසර විනාශය ට එරෙහි වූ 90 දශකයේ ඕෂන් ගර්ල් වැනි ළමා කතා යලි විකාශය විය යුතුයි
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්‍යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්‍රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්‍රෑන්ඩ් දෝ සුල් ප්‍රාන්තයේ ඇති වූ ජල ගැලීම්…
කාන්තාවන්ගේ සෞඛ්‍යය නංවාලීම, ලිංගික හා ප්‍රජනන ගැටළු වැනි සෞඛ්‍ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්‍රම ව්‍යවස්ථාවේ නිදහස් භාෂණයට ඇති අයිතිය ප්‍රියජනක සංස්කෘතික පරමාදර්ශයක් වේ.
ස්ටෝමි ඩැනියෙල් නමැති අසැබි චිත්‍රපටවලට රංගනයෙන් එක් වුණු නිළියක සහ ට්‍රම්ප් අතරේ සමීප සම්බන්ධයක් පැවැති…
මෙම ආයෝජනය මයික්‍රොසොෆ්ට් විසින් සිය දශක තුනක පමණ ඉතිහාසය තුළ අග්නිදිග ආසියාවේ සිදුවන විශාලතම ආයෝජනය…
ගලවා ගැනීමේ මෙහෙයුම් වෙනුවෙන් පුද්ගලයන් 500ක් යොදවයි.
යුක්‍රේනය පවසන්නේ, රුසියාව මෙම ප්‍රහාරය සිදුකිරීම සඳහා බැලිස්ටික් මිසයිලයක් සහ පොකුරු බෝම්බ යොදා ගෙන ඇති බවයි.
වාර්තාව තබන අතරතුර ඇය සෑම පැයකට වරක් මිනිත්තු 5ක විරාමයක් ලබාගෙන ඇති අතර, කෙටි නින්දකට,…
බන්ධනාගාර ගොඩනැඟිලිවලින් විශාල ප්‍රමාණයක් සහ එහි උස් තාප්පයේ කොටසක් කඩා වැටී ඇති අතර, සිරකරුවන් පලාගොස්…
ගිනිකන්ද පුපුරා යාමත් සමඟ සුන්බුන් මුහුදට වැටී සුනාමියක් ඇති ව තිබේ.
ඉන්දියාව පසුගිය වසරේ පස්වන විශාලතම ආර්ථිකය ලෙස එක්සත් රාජධානිය අභිබවා යන ලදී.