චීනයේ ශුන්ය COVID සීමා කිරීම්, නිරන්තරව වන පරික්ෂණ සහ ලුහුබැඳීම් හේතුවෙන් පැන නැඟි විරෝධතාවයන් තුන්වන දිනටත් අඛණ්ඩව පැවැත්වෙන බවට ජාත්යන්තර මාධ්ය වාර්තා කර තිබේ.
මේත් සමඟ දහස් ගනනක් වූ විරෝධතාකරුවන් හා ෂැංහයි පොලීසිය අතර ගැටුම්ද වාර්තා වෙමින් තිබේ. විරෝධතාවය වාර්තා කරමින් සිටි බීබීසී වාර්තාකරුවකුවන එඩ් ලෝරන්ස්හට ෂැංහයි පොළිසීය විසින් පහර දී රඳවා තබාගෙන සිටි බවට එක්සත් රාජධානියේ මහජන විකාශකයෙකු සිය කනස්සල්ල ප්රකාශ කර තිබේ.
බොහෝ රටවල් වසංගත ආශ්රිත සීමාවන් ඉවත් කර තිබියදීත් චීනය තවදුරටත් අතිශය දරදඩු ලෙස සිය ශූන්ය කොවිඩ් ප්රතිපත්තියක ඇලී සිටියි. මේ හේතුවෙන් බීජිං, වූහාන්, ෂැංහයි, චෙංඩු ආදී ප්රධාන නගර හා අගනගර වල දස දහස් ගනින් වූ විරෝධතාකරුවන් අඟුලු ලෑම නතර කරන ලෙසත්, මුහුණු ආවරණ ඉවත් කර නිදහස ලබා දෙන ලෙසත් සිය සටන් පාඨ ඉදිරිපත් කර තිබේ.
මේ වන විට පවතින තත්වය පාලනය කිරීම සඳහා පොලීසිය විශාල වශයෙන් මර්දනකාරී ප්රතිපත්තියක් අනුගමනය කළද විරෝධතාවයේ අඩුවක් දක්නට නොලැබේ. ආණ්ඩු වීරෝධී වීම හා ජනාධිපතිවරයා විවේචනය චීනයේ සාමාන්ය දෙයක් නොවන අතර එලෙස විවේචනය කරන්නන් වෙනුවෙන් දඬුවම් පැමිණිය හැකිය. සිරගත කළ හැකිය. එවැනි තත්වයන් තිබියදී පවා මෙලෙස විරෝධතාකරුවන් පෙළ ගැසීම ෂී ජින්පින්ගේ කොමියුනිස්ට් පක්ෂයටද බලවත් පීඩනයක් බවට පත්ව ඇත.
ඇම්නෙස්ටි ඉන්ටර්නැෂනල් හි නියෝජ්ය කලාපීය අධ්යක්ෂ හනා යන්ග් ප්රකාශයක් නිකුත් කරමින් කියා සිටියේය. “මෙම පෙර නොවූ විරූ විරෝධතා පෙන්නුම් කරන්නේ මිනිසුන් අධික Covid-19 සීමා කිරීම් සඳහා ඉවසීමේ අවසානයෙහි සිටින බවයි. ඒ අනුව පුද්ගලික ආරක්ෂාවට තර්ජනයක් වන සහ අනවශ්ය ලෙස ගමන් කිරීමේ නිදහස සීමා කරන සියලුම නිරෝධායන පියවර අත්හිටුවිය යුතුය.
කෙසේ නමුත් ශුන්ය කොවිඩ් ප්රතිපත්තිය තුළ මේ වන ව්ට චීනයේ සිද්ධි සංඛ්යා දින ගණනක් වාර්තාගත ඉහළ මට්ටම් කරා ළඟා වී ඇති අතර, බලධාරීන් විසින් ඔවුන්ගේ සඳුදා(28) යාවත්කාලීන කිරීමේදී නව රෝගීන් 40,000 කට වඩා වාර්තා කර තිබිණි. ප්රාදේශීය අගනුවර මිලියන හතරක ජනතාවගෙන් බොහෝ දෙනෙකුට දින 100 ක් තරම් කාලයක් තම නිවෙස්වලින් පිටවීම තහනම් කර ඇති බවද වාර්තා වේ. මේ සම්බන්ධයෙන් ජාතික සෞඛ්ය කොමිෂන් සභාව වාර්තා කර තිබුණේ සියල්ලටම ගැලපෙන නව ප්රතිපත්ති සම්පාදනය කිරීමට හා අධික ප්රතිපත්ති පියවරයන් වලක්වා ගැනීමට මේ වන විට විවිධ පළාත් පාලන ආයතන වෙත නිලධාරීන් යවා ඇති බවයි.
යේල් විශ්ව විද්යාලයේ දේශපාලන විද්යාව පිළිබඳ සහකාර මහාචාර්ය ඩෑන් මැටිංලි මාධ්ය වෙත වාර්තා කර තිබුණේ ෂී ගේ පැත්තේ චීනයේ ප්රභූ පැලැන්තිය සහ හමුදාව සිටින තාක් කල්, ඔහුගේ බලය අල්ලා ගැනීමේ කිසිදු අර්ථවත් අවදානමකට ඔහු මුහුණ නොදෙන නමුත් 1989 දී ටියනන්මෙන් චතුරශ්රයේ ලේ වැකි මර්දනයකින් විරෝධතා කූටප්රාප්ත වූ විට ඇති වූ නොසන්සුන්තාව හා සමාන නොසන්සුන්තාවක් මේ වන විට රට තුළ ඇතිව ඇති බවයි.
සශිකලා මධුෂාණී_
සබැඳි ලිපි :කොවිඩ් අගුලුලෑම් වලට එරෙහිව චීනයේ විරෝධතා; විරෝධතාකරුවන් ෂීට ගෙදර යන්න කියයි.
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…
කාන්තාවන්ගේ සෞඛ්යය නංවාලීම, ලිංගික හා ප්රජනන ගැටළු වැනි සෞඛ්ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්රම ව්යවස්ථාවේ නිදහස් භාෂණයට ඇති අයිතිය ප්රියජනක සංස්කෘතික පරමාදර්ශයක් වේ.