ඉන්දියාව පෙට්‍රල් සහ ඩීසල් මිල අඩු කරයි

බොරතෙල් මිල ඉහළ යාම හේතුවෙන් ඉන්ධන මිල වාර්තාගත ලෙස ඉහළ යාමත් සමඟ අසල්වැසි ඉන්දියාව පෙට්‍රල් සහ ඩීසල් සඳහා පාරිභෝගිකයින් ගෙවන බදු කපා හැර තිබේ.මෙම තීරණය මිල ඉහළ යාම ලිහිල් කිරීම සහ “සමස්ත ආර්ථික චක්‍රය තවදුරටත් දිරිමත් කිරීම” අරමුණු කර ගෙන ඇති බවයි එරට රජය පවසන්නේ.ලොව පුරා ආර්ථිකයන් කොවිඩ් වසංගතයෙන් යථා තත්ත්වයට පත්වීමත් සමඟ මේ වසරේ ගෝලීය භාණ්ඩ මිල ඉහළ ගොස් තිබේ.

කෙසේ වෙතත්, බොහෝ රටවල් පොසිල ඉන්ධන පරිභෝජනය සීමා කිරීමට උත්සාහ කරන බැවින් මෙම පියවර ඉන්ධන සඳහා ඉල්ලුම ඉහළ නැංවීමට ද අරමුණකි. මේ අනුව ඉන්දියාවේ පෙට්‍රල් සඳහා වන නිෂ්පාදන බද්ද ලීටරයකට ඉන්දිය රුපියල් 5කින් සහ ඩීසල් සඳහා රුපියල් 10කින් අඩු කර ඇත.”පෙට්‍රල් සහ ඩීසල් සඳහා නිෂ්පාදන බද්ද අඩු කිරීම පරිභෝජනය ඉහළ නංවන අතර උද්ධමනය අඩු මට්ටමක තබා ගැනීමට ද උපකාරී වනු ඇත, එමඟින් දිළිඳු හා මධ්‍යම පාන්තිකයින්ට එය වක්‍රව උපකාර වනු ඇත” යනුවෙන් ඉන්දිය රජයේ ප්‍රකාශකයෙක් පවසයි.

ඉන්දිය මධ්‍ය ආන්ඩුවේ නිවේදනයෙන් පසුව, අගමැති නරේන්ද්‍ර මෝදිගේ භාරතීය ජනතා පක්ෂ විසින් පාලනය කරන ප්‍රාන්ත දහයක් සඳහන් කර සිටියේ මෙම සහනය තවත් වර්ධනය කරමින් දේශීය ඉන්ධන බදු ලීටරයකට මිල ඉන්දිය රුපියල් 7 කින් තමන් අඩු කරන බවයි.

ඩීසල් මිල අඩු කිරීම වසරකට වැඩි කාලයක් තිස්සේ විශාල විරෝධතා මාලාවක් පැවැත්වූ රටේ ගොවීන්ගේ ප්‍රධාන ඉල්ලීම්වලින් එකකි.