ඔස්කාර් සම්මානලාභී හොලිවුඩයේ රාජකීයත්වය හිමි රංගන ශිල්පිනී ජේන් ෆොන්ඩා තමා පිළිකා තත්ත්වයකින් පසුවන බව හෙළිකර තිබේ.
ඊයේ (02) දින තැබූ ඉන්ස්ටග්රෑම් සටහනකින් 84 හැවිරිදි සුපිරි හොලිවුඩ් නිළිය තහවුරු කර සිටියේ තමාට නන්-හොජ්කින්ස් ලිම්ෆෝමා (non-Hodgkin’s lymphoma) තත්ත්වය තිබෙන බවත්, එයට පහසුවෙන්ම ප්රතිකාර කළ හැකි බවත් ය.
එමෙන්ම, තමා දැන් මාස හයක රසායනික ප්රතිකාර හෙවත් කීමෝතෙරපි (chemotherapy) ආරම්භ කර තිබෙන බව ද ජේන් සැලකර සිටියාය. තව ද මෙම පිළිකා තත්ත්වය ඇතිවූවන්ගෙන් සියයට 80 ක් ම සුවය ලබා ඇති බවත්, තමාට සෞඛ්ය රක්ෂණයක් හිමි නිසා සහ හොඳම වෛද්ය කණ්ඩායමකින් ප්රතිකාර ලබන නිසා තමා වාසනාවන්ත යැයි හැඟෙන බව ද ඈ සිය ඉන්ස්ටග්රෑම් සටහනේ දක්වා සිටියාය.
රිදී තිරයේ මෙන්ම පුංචි තිරයේ ද දශක හයකට වඩා කාලයක් සිය රංගන ශ්රේෂ්ඨත්වය සනිටුහන් කළ ජේන් ෆොන්ඩා, ඇගේ සමකාලීනයන් බොහෝ දෙනෙකු සිනමාවෙන් විශ්රාම යද්දී, තවමත් සක්රිය අන්දමින් සිය රංගන කුසලතා පෙන්වමින් හොලිවුඩ් සිනමාවේ කැපී පෙනෙන භූමිකාවක් ඉටු කරන්නීය. ඇගේ රූපශ්රීය බොහෝ දෙනෙකුගේ කතාබහට ලක්වන්නේ, 84 වන වියේදී පවා ඈ තම රූසපුව අගනා අන්දමින් පවත්වා ගැනීම නිසාවෙනි.
1971 වර්ෂයේදී ඈ රඟපෑ ක්ලූට් (Klute) නම් චිත්රපටය සහ 1978 වර්ෂයේදී රඟපෑ කමිං හෝම් (Coming Home) නම් චිත්රපටය වෙනුවෙන් ඈ ඔස්කාර් සම්මාන ලබා ඇත.
මීට අමතරව ටෙලි නාට්ය රැසකට ඈ රංගනයෙන් දායකත්වය ලබා දී ඇත.
රංගන දිවියෙන් පරිබාහිරව ජේන් ෆොන්ඩා මහජන විකාශනය තුළ වඩාත් කැපී පෙනෙන චරිතයක් බවට පත්ව තිබෙන්නේ ඈ දේශගුණික විපර්යාස වලට අදාළ අධිවාචන කටයුතු කරන්නියක වීම නිසාවෙනි.
ඇගේ ඉන්ස්ටග්රෑම් සටහනින් ඈ වැඩිදුරටත් ප්රකාශ කර සිටියේ, තම පිළිකා තත්ත්වය කිසිසේත්ම තම දේශගුණික විපර්යාස අධිවාචනයට බාධාවක් කර ගැනීමට තමා කටයුතු නොකරන බවය.
නිහඬ ගෝලීය සෞඛ්ය අර්බුදයක් බවට පත්ව තිබෙන පිළිකාව සමඟ බොහෝ දෙනෙකු පොර බදින අතර, එම විරුවන් ගෙන් ඇතමෙකු අද වන විට අප අතර නොමැත. කලා ලොවේ ආසන්නතම අවස්ථාව වන්නේ ඉකුත් දින අප අතරින් සමුගත් කන්ට්රි ගීත කිරිල්ලිය වූ ඔලිවියා නිව්ටන් ජෝන් ය. මීට දශකයකට පමණ ඉහත හොලිවුඩයේ සරාගීම කාන්තාවක් වූ ෆේරා ෆෝව්සට් ද පිළිකා තත්ත්වයක් මත අප අතරින් සමුගත්තාය.
අප අවබෝධ කර ගත යුත්තේ පිළිකාව සමඟ පොර බදින සෑම පුද්ගලයකුම විරුවකු බවයි. ඒ අනුව ජේන් ෆොන්ඩා ද නිසැකවම පිළිකාවට එරෙහි විරුවෙකි.
හොලිවුඩ් රැජිණ ජේන් ෆොන්ඩාට අවුට්බවුන්ඩ් ටුඩේ අපි ද යහපත් සෞඛ්යයක් මෙන්ම දීර්ඝායුෂ ප්රාර්ථනා කර සිටිමු.
ඡායාරූප: ඒපී / ජේන් ෆොන්ඩා ගේ නිල ඉන්ස්ටග්රෑම් ගිණුම
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…
කාන්තාවන්ගේ සෞඛ්යය නංවාලීම, ලිංගික හා ප්රජනන ගැටළු වැනි සෞඛ්ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්රම ව්යවස්ථාවේ නිදහස් භාෂණයට ඇති අයිතිය ප්රියජනක සංස්කෘතික පරමාදර්ශයක් වේ.
ස්ටෝමි ඩැනියෙල් නමැති අසැබි චිත්රපටවලට රංගනයෙන් එක් වුණු නිළියක සහ ට්රම්ප් අතරේ සමීප සම්බන්ධයක් පැවැති…
මෙම ආයෝජනය මයික්රොසොෆ්ට් විසින් සිය දශක තුනක පමණ ඉතිහාසය තුළ අග්නිදිග ආසියාවේ සිදුවන විශාලතම ආයෝජනය…
ගලවා ගැනීමේ මෙහෙයුම් වෙනුවෙන් පුද්ගලයන් 500ක් යොදවයි.
යුක්රේනය පවසන්නේ, රුසියාව මෙම ප්රහාරය සිදුකිරීම සඳහා බැලිස්ටික් මිසයිලයක් සහ පොකුරු බෝම්බ යොදා ගෙන ඇති බවයි.
වාර්තාව තබන අතරතුර ඇය සෑම පැයකට වරක් මිනිත්තු 5ක විරාමයක් ලබාගෙන ඇති අතර, කෙටි නින්දකට,…
බන්ධනාගාර ගොඩනැඟිලිවලින් විශාල ප්රමාණයක් සහ එහි උස් තාප්පයේ කොටසක් කඩා වැටී ඇති අතර, සිරකරුවන් පලාගොස්…
ගිනිකන්ද පුපුරා යාමත් සමඟ සුන්බුන් මුහුදට වැටී සුනාමියක් ඇති ව තිබේ.
ඉන්දියාව පසුගිය වසරේ පස්වන විශාලතම ආර්ථිකය ලෙස එක්සත් රාජධානිය අභිබවා යන ලදී.