පසුගිය ජූනි 27 වන දින ඇක්‍රන් හිදී ජේලන්ඩ් වොල්කර් නම් කළු ජාතිකයෙකුට ඔහිඔි පොලීසිය විසින් වෙඩි තබා මරා දමනු ලැබීය. පශ්චාත් මරණ පරීක්ෂණයෙන් ඔහුට වෙඩි උණ්ඩ 46ක පමණ ප්‍රමාණයක් එල්ල කර ඇති බවට වාර්තා වේ. ඔහුගේ වියෝව හේතුවෙන් දහස් ගණනක් වීදිබැස සිය ශෝකය ප්‍රකාශ කරන්නට වූ අතර මෙම වෛද්‍ය වාර්තාව පැමිණීමත් සමඟ ප්‍රදේශය පුරා හදිසි නීතිය පනවා ඇති බව ජාත්‍යන්තර මාධ්‍ය වාර්තා කර තිබේ.
වෛද්‍ය වාර්තාවට අනුව ඔහුගේ හදවතට පෙනහළුවලට දැඩි ලෙස හානි සිදුවී ඇත. මාර්ග නීති කඩ කිරීමේ චෝදනාවක් මත ඔහු ලුහුබැඳගිය පොලීසිය මෙම මරණය සිදු කර ඇත. වෝල්කර් විසින් වෙස් මුහුණක් පැළඳ වාහන නවත්වන ස්ථානයකට පැන දුවන විට පොලීසිය විසින් විවිධ දිශාවන්ට වෙඩි තබන ආකාරය පොලිස් නිලධාරීන්ගේ කැමරා දර්ශන වල වේ. ඔහුගේ භීතිය උපදවන හැසිරීම හා පොලීසියට අවනත නොවීම හේතුවෙන් මෙම වෙඩි තැබීම සිදු කළ බව බලධාරීහු පවසති. කෙසේ වෙතත් වොල්කර්ගේ පවුලේ උදවිය හා නීතීඥයන් පවසන්නේ ඔහු නිරායුධ වැසියකු බවත් ඔහුට වෙඩි තැබීම අනුමත කළ නොහැකි දෙයක් වශයෙනි.
පොලීසිය විසින් වෝල්කර්ගේ රියදුරු අසුන අසල තිබී අත් කුවක්කුවක් හා එක් පතරොමක් සොයාගෙන ඇත. ඔහුගේ සිරුරේ තුවාල කැළලි 60ක පමණ ප්‍රමාණයක් දක්නට ලැබී ඇති අතර Summit County හි වෛද්‍ය පරීක්ෂක වෛද්‍ය Lisa Kohler පැවසුවේ එක් උණ්ඩයක් ඇතුළු වීමේදී තුවාල කිහිපයක් ඇති වීම සිදුවිය හැකි බවයි.
මෙම වෙඩි තැබීමට සම්බන්ධ සුදු ජාතික පොලිස් නිලධාරීන් හත් දෙනෙකු හා එක් කළු ජාතික නිලධාරියෙකු වැටුප් සහිත නිවාඩු යවා ඇත. සිවිල් අයිතිවාසිකම් සංවිධානයක් වන වර්ණවත් මිනිසුන්ගේ ප්‍රගමනය සඳහා වූ ජාතික සංගමය (National Association for the Advancement of Colored People) විසින් සිද්ධිය සම්බන්ධයෙන් ෆෙඩරල් පරීක්ෂණයක් ආරම්භ කර නිලධාරීන්ට දඬුවම් කළ යුතු බවට එක්සත් ජනපද නීතිපති මෙරික් ගාර්ලන්ඩ් වෙත සෘජු ඉල්ලීමක් කර ඇත. මේ සම්බන්ධයෙන් නිලධාරීන්ට නඩු පැවරීමේ සම්භාවිතාවය අඩු මට්ටමක පවතින බව කියැවේ. නමුත් නැවත වරක් කළු ජාතිකයන්ට පහත් කොට සැලකීමේ සමාජ ප්‍රවණතාවය හා ඊට එරෙහිව ඔවුන්ගේ ප්‍රති විරෝධය ඇති වෙමින් පවතියි. නැවතත් ලොකය වර්ණ භේද වාදය පිළිබඳ සාකච්ඡා කරමින් ඇත.
සශිකලා මධුෂාණී_
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්‍ය වලින් නැවත නැවතත් ඉල්ලා තිබුණේ, ප්‍රචණ්ඩත්වයෙන් සහ…
විශේෂත්වය වන්නේ ඡන්දය ප්‍රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්‍ර කඳවුරු පිහිටුවීම චීනයේ…
ඊශ්‍රායල අගමැති බෙන්ජමින් නෙතන්යාහු ප්‍රතිචාර වශයෙන් දියත් කළ මිලිටරි ප්‍රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්‍යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්‍රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්‍රෑන්ඩ් දෝ සුල් ප්‍රාන්තයේ ඇති වූ ජල ගැලීම්…
කාන්තාවන්ගේ සෞඛ්‍යය නංවාලීම, ලිංගික හා ප්‍රජනන ගැටළු වැනි සෞඛ්‍ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්‍රම ව්‍යවස්ථාවේ නිදහස් භාෂණයට ඇති අයිතිය ප්‍රියජනක සංස්කෘතික පරමාදර්ශයක් වේ.
ස්ටෝමි ඩැනියෙල් නමැති අසැබි චිත්‍රපටවලට රංගනයෙන් එක් වුණු නිළියක සහ ට්‍රම්ප් අතරේ සමීප සම්බන්ධයක් පැවැති…
මෙම ආයෝජනය මයික්‍රොසොෆ්ට් විසින් සිය දශක තුනක පමණ ඉතිහාසය තුළ අග්නිදිග ආසියාවේ සිදුවන විශාලතම ආයෝජනය…
ගලවා ගැනීමේ මෙහෙයුම් වෙනුවෙන් පුද්ගලයන් 500ක් යොදවයි.
යුක්‍රේනය පවසන්නේ, රුසියාව මෙම ප්‍රහාරය සිදුකිරීම සඳහා බැලිස්ටික් මිසයිලයක් සහ පොකුරු බෝම්බ යොදා ගෙන ඇති බවයි.
වාර්තාව තබන අතරතුර ඇය සෑම පැයකට වරක් මිනිත්තු 5ක විරාමයක් ලබාගෙන ඇති අතර, කෙටි නින්දකට,…