නමුත් දැන්, විවාහ සමානාත්මතාවය පිළිබඳ ලබා දී තිබූ නඩු තීන්දු කිහිපයක් ‘ව්‍යවස්ථා විරෝධී‘ යැයි ශ්රේෂ්ඨාධිකරණ විනිසුරුවරුන් කිහිපදෙනෙක් විසින් ප්‍රකාශ කිරීමත් සමග ඇමරිකාවේ සිවිල් නිදහස අභියෝගයට ලක්ව තිබේ.
2015 වසරේ දී එක්සත් ජනපදයේ ජනපද 50ට ම විවාහ වීමේ සමානාත්මතාව තහවුරු කළ ශ්රේෂ්ඨාධිකරණ තීරණය වූයේ Obergefell v. Hodges නඩු තීන්දුව මගිනිි. එය ඓතිහාසික තීන්දුවක් විය.
නමුත් ඇමරිකානු ශ්රේෂ්ඨාධිකරණ විනිසුරු (Associate Justice of the Supreme Court) ක්ලැරන්ස් තෝමස් ප්‍රකාශ කර සිටින්නේ එය ව්‍යවස්ථා විරෝධී බවත්, එය ප්‍රජාතන්ත්‍රවාදි කාර්‍යපටිපාටිය පසු කර ගොස් ඇති බවත්, විශ්වාසදායක ව ආගම් ඇදහූ ජනතාවට සමාජයේ සහභාගිත්වය ලබාදීමට මේ නිසා ඉතා අපහසු වී ඇති බවත් ය.
කළු ජාතික විනිසුරුවරයෙකු වී සිටියදීත් සමාජයේ අගතීන් වළක්වාලීමට ලබාදුන් නඩු තීන්දුවක් මෙසේ විවේචනය කිරීමත් සමග බොහෝ දෙනා ක්ලැරන්ස් තෝමස් විනිසුරු පිළිබඳ සිය අප්‍රසාදය පළ කරමින් සිටිති.
විනිසුරු ක්ලැරන්ස් තෝමස් – AP NEWS
විශේෂයෙන්ම රූත් ගින්ස්බර්ග් වැනි රැඩිකල් සහ යුක්ති සහගත විනිසුරුවරියක් සමග විනිසුරු ක්ලැරන්ස් තෝමස් එකම ශ්රේෂ්ඨාධිකරණ විනිශ්චයාසනය බෙදාගත්තේ කෙසේදැයි අසන අය ද වෙති.
2020 ජූනි මාසයේදී ගනු ලැබූ ඇමරිකානු ශ්රේෂ්ඨාධිකරණ විනිශ්චයාසනයේ ඡායාරූපයකින් විනිසුරු ක්ලැරන්ස් තෝමස් ව ඉවත් කිරීමට ඩේලි බීස්ට් වෙබ් අඩවිය කටයුතු කර තිබුණේ පහත අන්දමිනි. ඔහු විශ්‍රාම යා යුතුව තිබෙන බව ද එම ලිපියෙන් දැක්විණි.
Photo Illustration by The Daily Beast-Photo Chip Somodevilla-Getty
විවාහයක් පැවතිය යුත්තේ ගැහැණියක සහ පිරිමියෙකු අතර පමණක් ය යන ආගමික විශ්වාසය අබිබවා යැවූ මේ නඩු තීන්දුව ලොව පුරා සිවිල් නිදහස අගය කරන්නන්ගේ සතුටට හේතු වන තරමටම, සමරිසි හා සංක්‍රාන්ති සමාජභාවී පුද්ගලයන් සම්බන්ධයෙන් භීතිකාවලින් (ෆෝබියාවලින්) පෙළෙන අයගේ නොසතුටට ද හේතු විය.
මෙම නඩු තීන්දුව විවේචනය කරමින් විනිසුරු ක්ලැරන්ස් තෝමස් කීවේ කුමක්ද?
පළමු ආණ්ඩුක්‍රම ව්‍යවස්ථා සංශෝධනයෙන් ආරක්ෂා කරන ලද ආගම් ඇදහීමේ නිදහස අභිබවා නව ව්‍යවස්ථානුකුල අයිතියකට ඉඩකඩ සලසා ඇති බවත්, එය නිවැරදි කළ හැක්කේ ශ්‍රේෂ්ඨාධිකරණයටම පමණක් බවත් ඔහු කියා ඇත. මේ අදහස් සමග ශ්රේෂ්ඨාධිකරණ විනිසුරු සැමුවෙල් ඇලිටෝ ද එකඟත්වය පළ කර තිබේ. “එතෙක්, මේ නඩු තීන්දුව ආගම් ඇදැහීමේ නිදහසට විනාශකාරී ප්‍රතිඵල ගෙන දේවි” යැයි ද ඔහු පවසා තිබේ.
විනිසුරු තෝමස් මේ අදහස් පළ කළේ, තම ක්‍රිස්තියානු විශ්වාස හේතුවෙන් සමරිසි යුවලවලට විවාහ සහතික ලබාදීම ප්‍රතික්ෂේප කළ කෙන්ටකි හි කිම් ඩේවිස් නමැත්තිය ගේ පෙත්සමක් නිෂ්ප්‍රභා කරමිනි. ඇය ගේ ඉල්ලීමෙන් කියැවුණේ අභියාචනාධිකරණයේ තීන්දුව නැවත හරවමින්, පුද්ගලයන් ගේ අයිතීන් උල්ලංඝනය කිරීමට ඇයට ඉඩ සලසා දෙන ලෙස යි.
මේ නඩුව විභාගයට ගැනීම ශ්‍රේෂ්ඨාධිකරණය ප්‍රතික්ෂේප කළේ ය. ඩේවිස් ගේ තර්කය පැහැදිලිව ඉදිරිපත් කර නොමැති වගට තෝමස් සහ ඇලිටෝ විනිසුරුවරුන් එකඟ වූ අතර, එයින් ඔබ්බට ගොස් Obergefell නඩු තීන්දුව ව්‍යවස්ථා විරෝධී බව ද ප්‍රකාශ කළහ.
එයින් නොනැවතී විනිසුරු තෝමස් පැවසුවේ ඩේවිස් “භක්තිවන්ත ක්‍රිස්තියානු බැතිමතියක” බව ත් “අධිකරණය විසින් ආගමට කරනු ලබන අකාරුණික සැලැකීමේ මුල් ම වින්දිතයකු” බව ද කියා සිටියේ ය. දැන් LGBT+ සමානාත්මතාවට විරුද්ධ වන ක්‍රිස්තියානු බැතිමතුන් අන් මත නොඉවසන්නන් (bigots) ලෙස හංවඩු ගැසෙන බව ද ඔහු තවදුරටත් කියා සිටියි.
මේ මතයන් සහ ප්‍රකාශයන් පුද්ගල නිදහස, සිවිල් නිදහස සහ මානව නිදහස අගය කරන ලෝකයට එල්ල කරන කුළු ගෙඩි පහරවල් බව පැහැදිලිවම පෙනේ.
Obergefell නඩු තීන්දුව මගින් විවාහය ගැහැණියක සහ පිරිමියකු සමග පමණක් විය යුතු යැයි විශ්වාස කරන ආගමික බැතිමතුන් ගේ එම ආගමික විශ්වාසය පහසුවෙන් ඉවතලා, ඔවුන් අන් මත නොඉවසන්නන් ලෙස නම් කරන බව ද විනිසුරු තෝමස් කියා ඇත.
“Obergefell නඩු තීන්දුවේ පටන්, පාර්ශව විසින් යහපත් චේතනා ඇති පුද්ගලයන් ඔවුන් ගේ ආගමික විශ්වාස පවත්නා සම්මතයට අනුව වෙනස් කර ගැනීමට අකැමැති වීම නිසා ම, ඔවුන් අන් මත නොඉවසන්නන් බවට පත් කර තිබෙනවා.”
මේ නඩු තීන්දුව ආපිට හරවන්නට බහුතරයක් ඇලිටෝ සහ තෝමස් විනිසුරුවරුන්ට පමණක් නොහැකි වුවත්, American Civil Liberties Union හි චේස් ස්ට්‍රැන්ගියෝ පවසන අන්දමට, ශ්රේෂ්ඨාධිකරණ විනිසුරුවරුන් විවෘතව වසර පහක් පැරැණි නඩු තීන්දුවක් ආපසු හරවන්නට කැමැත්ත පළ කිරීම පෙර නොවූ විරූ තත්ත්වයකි.
ටිවිටර් පණිවිඩයකින් ඔහු මෙසේ කියා සිටියේය.
“හරි මග යන්නට අධිකරණය දක්වන මුරණ්ඩු ස්වභාවය, ‘නීතියේ සුරැකිබව‘ නමැති ඉතාම සරල බලාපොරොත්තුව වෙත පවා තර්ජනයක් ඇති කරයි.‘‘
Voxහි ඉයන් මිල්හිසර් මෙසේ පවසයි.
‘‘ඇතැම් පිරිසකට අකාරුණික වචන අසන්නට සිදුවීම නිසා ශ්රේෂ්ඨාධිකරණ විනිසුරුවරුන් දෙදෙනකු විසින් සුළුතරයක අයිතින් පැහැර ගැනීමට තැත් කිරීම පුදුම සහගත ය.‘‘
මුල් ලිපිය
Two Supreme Court justices say marriage equality decision should be overturned
සිද්ධිය සම්බන්ධයෙන් පුළුල් විමර්ශනයක් ක්‍රියාත්මකයි.
දැනට ලෝකය දැවැන්ත විපර්යාසයකට මුහුණ දෙමින් සිටින අතර ජාත්‍යන්තර තත්ත්වය ද ඉතා සංකීර්ණ වන අතාර,…
නැගෙනහිර බෑග්ඩෑඩ්හි පිහිටි ඇගේ නිවස ආසන්නයේදී වෙඩි තබා ඇයව මෙලෙස ඝාතනය කර ඇති බව විදෙස්…
1994 වසරේදී පළමු මැතිවරණයෙන් කලින් තහනම් කරන ලද අප්‍රිකානු ජාතික කොන්ග්‍රසය (ANC) පක්ෂය අතිමහත් ලෙස…
මේ අතර ඊශ්‍රායලය හා හමාස් සංවිධානය අතර සටන් විරාමයක් ක්‍රියාත්මක කිරීම සම්බන්ධයෙන් පැවැත්වෙන සාකච්ඡා සඳහා…
ගෝලීය ආර්ථිකයට ඉහළම දායකයින් පස්දෙනා අතර චීනය, ජර්මනිය (2.77%), රුසියාව (2.71%) සහ බ්‍රසීලය (2.19%) ඇතුළත්…
මෙම ඛේදජනක අනතුර සිදුවී වසර 112කට පසුවත් ඒ වෙනුවෙන් ඇති ඉල්ලුම සුළුපටු නොවේ.
මෙම පිපිරිම හේතුවෙන් ගොඩනැගිලි හතරක් හමුදා වාහන කිහිපයකට හානි සිදුවී ඇති අතර ගම්වාසීන්ගේ නිවාස 25ක්…
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.
කෙසේවෙතත් තුවාලකරුවන් හෝ මරණ සම්බන්ධයෙන් මෙතෙක් වාර්තා වී නොමැති අතර ප්‍රහාරය පිළිබඳ පරීක්ෂණ පවත්වන බව…
තායිවාන බලධාරීන් සඳහන් කර ඇත්තේ, භූකම්පනය තායිපේ අගනුවරට ද දැනී ඇති බව සඳහන් වන අතර…
ගාසා තීරයේ ඛාන් යූනිස්, රෆා හා නුසෙයිරාට් සරණාගත කඳවුරට මෙම ප්‍රහාර එල්ල වී ඇත.
එල්නිනෝ කාලගුණ රටාවත් සමඟ ගංවතුර තත්වයන්ද උග්‍ර වී තිබේ.
අනෙකුත් රටවල අභ්‍යන්තර කටයුතුවලට මැදිහත් නොවීම පිළිබඳ මූලධර්මය මත පදනම්ව, බීජිං එක්සත් ජනපද මැතිවරනවලට මැදිහත්…
සටහන - නිපුනි ලියනගේ අප්‍රේල් 26 , ලෝකය (අවුට්බවුන්ඩ් ටුඩේ): අප්‍රේල් 27 වැනිදා ආරම්භ වන…