ඇත් දළවලින් නිම කරන ලද යතුරු සහිත පියානෝවකින් එම යතුරු ගැලවීම නිසා නවසීලන්ත සංරක්ෂණ දෙපාර්තමේන්තුවේ නිළධාරීහු මහත් අසීරුතාවයකට මුහුණ දෙති. වඳ වී යන සත්ත්ව සහ ශාක විශේෂ ආරක්ෂා කිරීම සම්බන්ධයෙන් නවසීලන්තය තුළ පවත්නා නීති ක්රියාත්මක කිරීමට යෑමෙන් ඔවුන් මේ ගැටලුවට මැදිව ඇත. මේ නිසා ඔවුන් ගැන ජාත්යන්තර මාධ්ය තුළ වාර්තා පළවන තරමේ ප්රබල තත්ත්වයක් ද මතුව තිබේ.
අර්බුධය පැන නැඟුණේ ඉංග්රීසි ජාතික මහාචාර්ය ජුලියන් පැටොන් පසුගිය වසරේදී බ්රිතාන්යයේ සිට නවසීලන්තය බලා පැමිණි අවස්ථාවේදී ය. ඔහු, ඔහුගේ පවුලේ සාමාජිකයන් සමඟ නවසීලන්තයට සංක්රමණය වුණේ තමන් බ්රිතාන්යයේදී එකතු කරගත් විවිධ තරාතිරමේ බඩු බාහිරාදිය ද රැගෙනයි. ඒ බඩු බාහිරාදිය අතර යට කී පියානෝවත් තිබිණ. එය වසර 123ක් පමණ පැරණි පියානෝවකි. පියානෝවෙහි යතුරු, ඇත් දළවලින් කළ ඒවා විණ. මහාචාර්යවරයා මේ පියානෝව මිලදීගෙන තිබුණේ මෙයට වසර 30කට පමණ පළමුවයි. ඒ, සිය බිරියගේ උපන් දිනයකදී තිළිණ කිරීමේ අරමුණෙනි. ගතවුණු තිස් වසරක කාලය තුළ පියානෝව තිබුණේ ජුලියන් පැටොන් සහ ඔවුගේ බිරිය භාරයේ ය. ඒ සමයේදී ඔවුන්ගේ දරුවෝ එය භාවිතයට ගෙන පියානෝ වාදනයත් උගත්හ.
බ්රිතාන්යයේ සිට නවසීලන්තයට සංක්රමණය වන අවස්ථාවේදී මේ පියානෝව බ්රිතාන්යයෙන් බැහැර කිරීමටත්, නවසීලන්තය තුළට රැගෙන ඒමටත් හැකි අන්දමේ නීති රීතිවලට යටත්ව පැටොන් යුවළ කටයුතු කළහ. එහෙත් ඔවුන්ට එක් දෙයක් මඟ හැරිණ. එනම්, වඳ වී යන ශාක සහ සත්ත්ව විශේෂ ආරක්ෂා කරගැනීමේ නීතිය යටතේ එම පියානෝව නිදහස් කිරීමට අවශ්ය බලපත්රයක් නවසීලන්තයෙන් ලබා ගැනීමයි. මේ අවශ්යතාව සම්පූර්ණ කළ යුතු බව පැටොන් යුවළ දැන සිටි බවක් ද පළ නොවේ. මහාචාර්ය පැටොන් පවසන්නේ පියානෝ පිළිබඳ විශේෂඥයකු ගෙන්වා තම පියානෝව ගැන විභාග කර බලන්නට තමන් බ්රිතාන්යයයේදී පියවර ගත් බවකි. එම විශේෂඥයා සකස් කරන ලද වාර්තාවක් නවසිලන්ත ආගමන විගමන බලධාරීන් වෙත ලබා දෙන්නටත් තමන් කටයුතු කළේ යැයි හෙතෙම වැඩිදුරටත් පවසයි.
“… අපි එවක කාර්යය බහුලව වෙලා හිටියේ. පියානෝව නවසීලන්තයට ආනයනය කරන්න අවශ්යය නෛතික පසුබිම අපි හරියටම අනුගමනය කළා. අපි මොන යම් විධියක හෝ වැරදි වැඩක් කළාය කියා කියන කතාව බොරුවක්. …” යනුවෙන් මහාචාර්ය පැටොන් මාධ්යයට පවසා තිබිණ.
අවාසනාව ඇරඹුණේ පියානෝව නවසීලන්තයට ළඟාවීමත් සමඟ ය. එය, නවසිලන්ත නිළධාරින් භාරයට පත්විණ. පියානෝව නිදහස් කිරීම සඳහා එම නිළධාරීන් ඉල්ලා සිටින බලපත්රය ලබාගන්නට පැටොන් දැන් ප්රමාද වැඩිය. ඒ නිසා පියානෝව නවසීලන්තයට රැගෙන ඒමෙන් මහාචාර්ය පැටොන් අන්තිමට කර තිබුණේ නිත්යානුකූල නොවන කටයුත්තකි.
ඇත් දළ වෙළඳාමට හෝ ඒ ආශ්රිත අන් කිසිවකට හෝ මැදිහත් වන්නට මහාචාර්ය පැටොන් තුළ කැමැත්තක් නැත. එසේ වුවත් මේ ගැටලුවේදී නවසීලන්තය අනුගමනය කරන නිළධාරීවාදය සම්බන්ධයෙනුත් ඔහු තුළ සතුටක් නැත.
පියානෝව රැකගන්නට මහාචාර්ය පැටොන් එවක් පටන් පුළුල් වැඩපිළිවෙලක් දියත් කළේය. ඇති වී තිබෙන තත්ත්වය ඔහු නවසීලන්ත සංරක්ෂණ දෙපාර්තමේන්තු නිළධාරීන් සමඟ බේරුම් කරගන්නට උත්සාහ කළේය. සංරක්ෂණ විෂයය භාර ඇමතිනී ඉයුජිනී සාගේටත් මහාචාර්ය පැටොන් කරුණු පැහැදිලි කළේය. නමුත් ඒ කිසිවකින් කිසිදු ප්රතිඵලයක් ලැබුණේ නැත.
පියානෝවෙන් ගලවා ගත් ඇත් දළ යතුරු පෙළ, නවසීලන්ත සංරක්ෂණ දෙපාර්තමේන්තුව වල දමන්නට සැරසේ. ඔවුන් එය සිදු කරන්නට යන්නේ වඳ වී යන ශාක සහ තත්ව විශේෂ ආරක්ෂා කරගැනීමේ නීතියට අනුකූලව, ඇත් දළවලින් කළ කිසිවක් තබාගන්නට ඉඩක් නොවන්නේය යන්න ඉදිරියට රැගෙන එමිනි. යතුරු ගලවා ඉවත් කෙරුණු පියානෝව රැගෙන යන ලෙසත් නවසිලන්ත සංරක්ෂණ දෙපාර්තමේන්තු නිළධාරීහු මහාචාර්ය පැටොන්ට උපදෙස් ලබා දී තිබේ.
නවසීලන්ත බලධාරීන් මේ වටිනා පියානෝව සම්බන්ධයෙන් ගෙන යන අන්තගාමී පිළිවෙත ගැන අදහස් දක්වන මහාචාර්ය පැටොන් කියන්නේ එය තුවාලයක් මත ලුණු ගැලවීමට සමාන කාර්යයක් බවයි.
අහමදාබාද් නියෝජ්ය පොලිස්පතිවරයා ඉන්දීය මාධ්යට පවසා ඇත්තේ, මෙවැනි මත්ද්රව්ය තොගයක් අත්අඩංගුවට ගැනීම සම්බන්ධයෙන් සතුටට පත්වන…
ඊශ්රායල අමාත්ය මණ්ඩලය අනතුරු අඟවා ඇත්තේ, සටන් විරාමයකට එකඟ වුවහොත් අගමැති බෙන්ජමින් නෙතන්යාහුගේ රජය බිඳ…
වෙළඳපොලේ ඇති සුඛෝපභෝගී පුද්ගලික ජෙට් එකක් කුලියට ගැනීම සඳහා බදු ගෙවන්නන්ගේ වියදමින් පවුම් ලක්ෂ ගණන්…
සිද්ධිය සම්බන්ධයෙන් පුළුල් විමර්ශනයක් ක්රියාත්මකයි.
දැනට ලෝකය දැවැන්ත විපර්යාසයකට මුහුණ දෙමින් සිටින අතර ජාත්යන්තර තත්ත්වය ද ඉතා සංකීර්ණ වන අතාර,…
නැගෙනහිර බෑග්ඩෑඩ්හි පිහිටි ඇගේ නිවස ආසන්නයේදී වෙඩි තබා ඇයව මෙලෙස ඝාතනය කර ඇති බව විදෙස්…
1994 වසරේදී පළමු මැතිවරණයෙන් කලින් තහනම් කරන ලද අප්රිකානු ජාතික කොන්ග්රසය (ANC) පක්ෂය අතිමහත් ලෙස…
මේ අතර ඊශ්රායලය හා හමාස් සංවිධානය අතර සටන් විරාමයක් ක්රියාත්මක කිරීම සම්බන්ධයෙන් පැවැත්වෙන සාකච්ඡා සඳහා…
ගෝලීය ආර්ථිකයට ඉහළම දායකයින් පස්දෙනා අතර චීනය, ජර්මනිය (2.77%), රුසියාව (2.71%) සහ බ්රසීලය (2.19%) ඇතුළත්…
මෙම ඛේදජනක අනතුර සිදුවී වසර 112කට පසුවත් ඒ වෙනුවෙන් ඇති ඉල්ලුම සුළුපටු නොවේ.
මෙම පිපිරිම හේතුවෙන් ගොඩනැගිලි හතරක් හමුදා වාහන කිහිපයකට හානි සිදුවී ඇති අතර ගම්වාසීන්ගේ නිවාස 25ක්…
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.
කෙසේවෙතත් තුවාලකරුවන් හෝ මරණ සම්බන්ධයෙන් මෙතෙක් වාර්තා වී නොමැති අතර ප්රහාරය පිළිබඳ පරීක්ෂණ පවත්වන බව…
තායිවාන බලධාරීන් සඳහන් කර ඇත්තේ, භූකම්පනය තායිපේ අගනුවරට ද දැනී ඇති බව සඳහන් වන අතර…
ගාසා තීරයේ ඛාන් යූනිස්, රෆා හා නුසෙයිරාට් සරණාගත කඳවුරට මෙම ප්රහාර එල්ල වී ඇත.