හිටපු චීන උප අග්‍රාමාත්‍ය ෂැන් ගැඕලි වෙතින් ලිංගික අපහරණයට ලක්වූ බවට චෝදනා කිරීමෙන් පසු හිටපු චීන ටෙනිස් ලෝක ශූරිය පෙන් ෂුවායි පිළිබඳ තොරතුරක් නොමැතිවීම පිළිබඳ මේවන විට මුළු ලොවම කැළඹී ඇත.
35 හැවිරිදි පෙන් ෂුවායි, ග්‍රෑන්ඩ් ස්ලෑම් ටෙනිස් ශූරතා දෙකක් ජයග්‍රහණය කර ඇති අතර, යුගල ටෙනිස් තරගවල ලොව අංක එකේ ක්‍රීඩිකාව ලෙස ප්‍රසිද්ධය. විම්බල්ඩන් සහ ප්‍රංශ විවෘත ටෙනිස් ශූරතාවලි යුගල අංශයෙන් ජයග්‍රහණය කළ ඇය, 2014 ඇමරිකානු විවෘත තරගාවලියේ අවසන් පූර්ව වටයට සුදුසුකම් ලැබාගෙන ඇත. නමුත් ඇය 2020 වසරෙන් පසු ජාත්‍යන්තර තරගවලට සහභාගි වී නොමැත.
දැනට 75 වන වියේ පසුවන හිටපු චීන උප අග්‍රාමාත්‍ය ෂැන් ගැඕලි තමා බලහත්කාරයෙන් ලිංගික සබඳතාවලට යොදාගත් බවට චීන ටෙනිස් ලෝක ශූරිය පෙන් ෂුවායි හෙළිදරව් කළේ වෙයිබෝ චීන සමාජ මාධ්‍ය ඔස්සේයි. කෙසේ නමුත් චීන රජයේ අන්තර්ජාල මෙහෙයවන්නන් එය කඩිනමින් ඉවත් කළ අතර, ඉන් පසු පෙන් ෂුවායි පිළිබඳ කිසිදු සඳහනක් චීන සමාජ මාධ්‍යවල දක්නට නොලැබුණි.
බොහෝදනාගේ මතය වූයේ ඇය උප අග්‍රාමාත්‍යවරටාට චෝදනා එල්ල කිරීමෙන් පසුව අතුරුදන් වූ බවයි.
නමුත් මේ වන විට චීන රාජ්‍ය මාධ්‍යයක් වන CGTN මගින් ඇය විසින් ලියු බවට සදහන් ඉංග්‍රිසි බසින් රචිත ඊමේල් සටහනක් මාධ්‍ය වෙත මුදාහැර ඇත. “ලිංගික අතවර චෝදනාව ඇතුළු එම නිවේදනයේ සඳහන් පුවත් සත්‍ය නොවේ. මම අතුරුදහන් වී නැත, මම අනාරක්ෂිත ද නොවේ. මම දැන් ගෙදර විවේක ගන්නවා, සියල්ල හොඳින්.” එහි සඳහන් වේ.
කෙසේ වෙතත් ලෝක කාන්තා ටෙනිස් සංගමයේ (WTA) ප්‍රධානී ස්ටීව් සයිමන් පවසා සිටින්නේ පෙන්ග් විසින්ම ඊමේල් පණිවුඩය ලියා ඇති බව තමාට විශ්වාස කිරීමට අපහසු බවත් එය ‘ඇයගේ ආරක්ෂාව ගැන සැකය තව වැඩි කරන බවයි. සයිමන් පැවසුවේ සති දෙකකට පෙර චීන සමාජ මාධ්‍ය හරහා තමාව ලිංගිකව හැසිරීමට බල කළ බවට 75 හැවිරිදි හිටපු අගමැතිවරයාට චෝදනා කළ දා සිට කිසිවෙකු පෙන් සමඟ සෘජුව සම්බන්ධ වී නොමැති බවයි.
පෙන් ෂවුයි සම්බන්ධව ටෙනිස් ලොවම කැළඹී ඇති අතර #WhereIsPengShuai ඔස්සේ බොහෝ ප්‍රකට ටෙනිස් තාරකාවන් ඇය පිළිබදව කනස්සල්ල ප්‍රකාශ කර ඇති අතර ඔවුන් සියලු දෙනා ඉල්ලා සිටින්නේ ඇයට සාධාරණය ඉටුකරන ලෙසය. මේ නිසා ඇය පිළිබඳව මෙන්ම ඇය එල්ල කරන චෝදනා පිළිබඳව විමර්ශනය කළ යුතු බවයි ග්‍රෑන්ඩ් ස්ලෑම් ශූරතා 23 ක් ජයග්‍රහණය කළ ඇමරිකානු ටෙනිස් ශූරී ෂෙරීනා විලියම්ස් ප්‍රකාශ කළේ. පෙන් ෂුවායිගේ ආරක්ෂාව පිළිබඳව ලෝක ටෙනිස් ශූර නොවැක් ජොකොවිච් මෙන්ම ජපානයේ නයෝමි ඔසාකා ඇතුලු ටෙනිස් ලෝකයේ ප්‍රකට ක්‍රීඩක ක්‍රීඩිකාවන් කනස්සල්ල පළ කර තිබේ.
පෙර පුවත්
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්‍යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්‍රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්‍රෑන්ඩ් දෝ සුල් ප්‍රාන්තයේ ඇති වූ ජල ගැලීම්…
කාන්තාවන්ගේ සෞඛ්‍යය නංවාලීම, ලිංගික හා ප්‍රජනන ගැටළු වැනි සෞඛ්‍ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්‍රම ව්‍යවස්ථාවේ නිදහස් භාෂණයට ඇති අයිතිය ප්‍රියජනක සංස්කෘතික පරමාදර්ශයක් වේ.
ස්ටෝමි ඩැනියෙල් නමැති අසැබි චිත්‍රපටවලට රංගනයෙන් එක් වුණු නිළියක සහ ට්‍රම්ප් අතරේ සමීප සම්බන්ධයක් පැවැති…
මෙම ආයෝජනය මයික්‍රොසොෆ්ට් විසින් සිය දශක තුනක පමණ ඉතිහාසය තුළ අග්නිදිග ආසියාවේ සිදුවන විශාලතම ආයෝජනය…
ගලවා ගැනීමේ මෙහෙයුම් වෙනුවෙන් පුද්ගලයන් 500ක් යොදවයි.
යුක්‍රේනය පවසන්නේ, රුසියාව මෙම ප්‍රහාරය සිදුකිරීම සඳහා බැලිස්ටික් මිසයිලයක් සහ පොකුරු බෝම්බ යොදා ගෙන ඇති බවයි.
වාර්තාව තබන අතරතුර ඇය සෑම පැයකට වරක් මිනිත්තු 5ක විරාමයක් ලබාගෙන ඇති අතර, කෙටි නින්දකට,…
බන්ධනාගාර ගොඩනැඟිලිවලින් විශාල ප්‍රමාණයක් සහ එහි උස් තාප්පයේ කොටසක් කඩා වැටී ඇති අතර, සිරකරුවන් පලාගොස්…
ගිනිකන්ද පුපුරා යාමත් සමඟ සුන්බුන් මුහුදට වැටී සුනාමියක් ඇති ව තිබේ.
ඉන්දියාව පසුගිය වසරේ පස්වන විශාලතම ආර්ථිකය ලෙස එක්සත් රාජධානිය අභිබවා යන ලදී.