තවත් වෛද්‍යවරුන් බඳවා ගැනීමේ සැලසුමට විරෝධය පළ කරමින් දකුණු කොරියානු වෛද්‍යවරු වැඩ වර්ජනයක!

සටහන – නිපුනි ලියනගේ

පෙබරවාරි 23, ලෝකය (අවුට්බවුන්ඩ් ටුඩේ): දකුණු කොරියාවේ වෛද්‍යවරුන් 1600කට අධික පිරිසක් ඉකුත් අඟහරුවාදා වැඩවර්ජනයක් ආරම්භ කිරීමෙන් පසු ශල්‍යකර්ම ප්‍රමාද වී රෝහල්වලින් රෝගීන් ආපසු හරවා යවා ද ඇති බව එරට මාධ්‍ය වාර්තා කරයි.

පුහුණු වෛද්‍යවරුන් වැඩි වශයෙන් සෞඛ්‍ය ක්‍රමයට ඇතුළත් කිරීමට රජය ගෙන ඇති වැඩපිළිවෙළට කනිෂ්ඨ වෛද්‍යවරු විරෝධය පළ කරමින් මෙම උද්ඝෝෂණය පැවැත්විනි.

දකුණු කොරියාව ප්‍රධාන ආර්ථිකයන් අතර අඩුම වෛද්‍යවරුන් සහ රෝගීන් අතර අනුපාතයක් ඇති රටකි, එබැවින් රජයට තවත් වෛද්‍ය විද්‍යාල ස්ථානගත කිරීම් එක් කිරීමට අවශ්‍ය වේ.

නමුත් වෛද්‍යවරු වැඩි තරඟකාරිත්වයේ අපේක්ෂාවට විරුද්ධ බව නිරීක්ෂකයෝ පවසති.

දකුණු කොරියාවේ ඉතා පෞද්ගලීකරනය කරන ලද සෞඛ්‍ය සේවා පද්ධතියක් ඇති අතර එහිදී බොහෝ ක්‍රියා පටිපාටි රක්ෂණ ගෙවීම් හා බැඳී ඇති අතර රෝහල්වලින් 90%කට වඩා පෞද්ගලික වේ.

එහි වෛද්‍යවරුන් ලොව හොඳම වැටුප් ලබන අය අතර වන අතර, රජයේ රෝහලක සාමාන්‍ය විශේෂඥයෙකුට වසරකට ඩොලර් 200,000 (£159,000) පමණ ලැබෙන බව පෙන්නුම් කරන ආර්ථික සහයෝගිතාව සහ සංවර්ධනය සඳහා වූ සංවිධානයේ (OECD) 2022 දත්ත පෙන්වා දෙයි.