BBC – සතියේ හොඳම ඡායාරූප

‘අපිට ඇහුම්කන් නොදුන්නාට..“

ප්‍රංශයේ පැරිස් නුවර ජාතික සභාවේදී යොවුන් පරිසර ක්‍රියාකාරිනී ග්‍රේටා තුන්බර්ග් ඇතුළු යෙහෙළියන් ආණ්ඩුකරණ සැසියේදී බලා සිටි ආකාරය. මේ සැසියේදී 16 හැවිරිදි පරිසර වීරවරිය පරිසර වෙනස්කම් ජය ගැනීමට නම් විද්‍යාව පෙරටුකරගෙන සමගි වන්නැයි ඉල්ලා සිටියාය. ‘‘ඔබ අපට ඇහුම්කන් දෙන්න ඕනෙ නෑ. නමුත් විද්‍යාවට ඇහුම්කන්න දෙන්න‘‘ යැයි එහිදී ඇය නීති සම්පාදකයන් හමුවේ කියා සිටියාය.

‘ලිබ් ඩිම්‘ ජෝ

දේශපාලන විචාරකයන් විසින් අවිචාර විකටයෙකු සේ හැඳින්වෙන බොරිස් ජොන්සන් දැන් එක්සත් රාජධානියේ අග්‍රාමාත්‍යවරයා ය. මේ හා සමගාමීව එක්සත් රාජධානියේ ප්‍රධාන දේශපාලන පක්ෂ දෙකක් ද නව නායකත්වයන් නම් කළේය. මේ ‘ලිම් ඩිම්‘ ලෙස කෙටියෙන් හඳුන්වන ලිබරල් ඩිමොක්‍රටික් පක්ෂයේ නව නායිකාව ලෙස ජෝ ස්වින්ටන් තෝරාගත් අවස්ථාවයි. එම පක්ෂයේ 31 අවුරුදු ඉතිහාසය තුළ කාන්තාවක් පක්ෂ නායකත්වයට පත් වූ පළමු අවස්ථාව ද මෙයයි.

බොරිස් පුතා – සිරස නමා

එක්සත් රාජධානියේ නව අග්‍රාමාත්‍ය බොරිස් ජොන්සන් සිය කැබිනට් මණ්ඩලය නම් කිරීමට පෙර බ්‍රිතාන්‍ය මහ රැජින මුණ ගැසුණු අවස්ථාව. බොරිස් ජොන්සන් එක්සත් රාජධානියේ 55 වැනි අගමැතිවරයා ය.

රන් ආකරයෙන් මතුවන මිනිසා

ඝානාවේ න්යුයාම් රත්රන් ආකරයෙන් මතු වන මිනිසෙක්

ගෑවී නොගෑවී පණ එපා වීම

ඇමරිකාවේ උටාහ් ජනපදයේ අගනුවර වශයෙන් සැලකෙන සෝල්ට් ලේක් සිටි හිදී Tigres UANL සහ Real Salt Lake පාපන්දු පිල් අතර පැවති තරගයේ දෙවැනි භාගයේදී තරගයට මෙසේ බාධා කළේ අනාරාධිතයෙකි.

බටහිර ඉවුරේ ආඩම්බරය

බටහිර ඉවුරේ හීබ්‍රොන් සරසවියේදී උපාධිධාරීන් බවට පත්වූ පලස්තීන ශිෂ්‍යාවන් 1117 දෙනෙකු මෙසේ කැමරා කාචයට හසු ව තිබිණි. මෙහි අතරින් පතර ශිෂ්‍යයන් සිටින බව බැලූ බැල්මට ඔබට නොපෙනෙනවා ඇත.

කඩවුණු බලාපොරොත්තුව

හිටපු ජෙට් ස්කී ශූරයෙකු වන ෆ්‍රැන්කි සැපාටා උතුරු දිග ප්‍රංශයේ සිට දකුණු දිග ප්‍රංශයට විනාඩි 20 කින් යාමට බලාපොරොත්තු විය. ඒ, ජෙට් ප්‍රචාලන බලය සහිත ඔහුගේ ෆ්ලයිබෝඩය මත නැගී ය. නමුත් ගමනේ අඩක් ගෙවුණු තැන ඔහුගේ බලාපොරොත්තුව සුන් වී ඔහු වතුරට වැටුණේය. කෙසේ නමුත් ලබන සතියේදී නැවත උත්සාහ කිරීමට සැපාටා බලාපොරොත්තු වෙයි.

හෝමෝෆෝබික් ආණ්ඩුකාර ගෙදර ගිය සතුට

පුවටෝ රිකෝ හි ආණ්ඩුකාර රිකාඩෝ රොසෙලෝ මෙයට දින කිහිපයකට පෙර ස්ත්‍රීන් සහ සමරිසි ජනතාව හෙළා දකින ආකාරයේ ටෙක්ස්ට් මැසේජ කිහිපයක් යවා තිබූ අතර, ඒවා සමාජ ජාලවල සංසරණය විය. මේ පුවත අති විශාල වීදි උද්ඝෝෂණවලට ද හේතු වූ අතර අවසානයේ හෝමෝෆෝබික් ආණ්ඩුකාරවරයා සිය ධුරයෙන් ඉල්ලා අස්විය. මේ එහි සතුට සමරන සමකාමී යුවළකි.

ළය ආර ශූරයාගේ තුන් ඈඳුතු රන් පදක්කම

මහා බ්‍රිතාන්‍යයේ පිහිනුම් ශූර ඇඩම් පීටි සිය සත්වන ලෝක ශූරතා පදක්කම ද පසුගියදා දිනා ගත්තේය. ඒ අනුව 2015 සිට වසර 3 ක් එනම් 2015, 2017 සහ 2019 වසරවලදී මීටර 50 සහ මීටර 100 ළය ආර පිහිනුම් ඉසව්වෙන් රන් පදක්කම දිනාගත් ඉතිහාසගත වීරයෙක් බවට ඔහු පත් වේ.

කූල් වෙන්න විදියක්

මේ දිනවල ප්‍රංශය, බෙල්ජියම සහ ජර්මනිය වැනි රටවල් ඇතුළත්ව බටහිර යුරෝපය පුරා තාප ධාරාවන් පැතිර යමින් තිබෙන්නේ පරිසර උෂ්ණත්වය හිටිහැටියේ ඉහළ දමමිනි. ඒ සමගම සත්වෝද්‍යානවල ජීවත්වන සතුන් අධික උණුසුමෙන් බේරාගැනීම සඳහා විවිධ උපක්‍රම අනුගමනය කිරීමට සිදු වේ. මේ ස්විට්සර්ලන්තයේ සර්වියන් සත්වෝද්‍යානයේ අධික උණුසුමෙන් සහනයක් පතමින් අයිස්වල ඔබ්බවා තිබෙන පලතුරු, සිය මව සමග රස විදින දුඹුරු වලස් පැටවෙකි.

-BBC