කැනඩාවේ උතුරු ඔන්ටාරියෝවේ හිම පිට හිම වැටෙන මේ ශීත සෘතුවේ මරණය හිස දරාගෙන වෙසෙන සුදු වලිගයැති මුවා ඔහු ය. හිස දෙපළු කරගෙන ඇනී ඇත්තේ මාරක හීයක් බව ඔහු නොදනියි. බාගවිට, දැනගත්තත් කළ හැකි දෙයක් නැති බවද ඔහු දන්නවා ඇත. එනිසාම මෙසේ නිවී හැනහිල්ලේ ඡායාරූපයට මුහුණ දෙයි.
වසර ගණනක් උද්යානවල වෙසෙන වන සතුන් කාච ඇසට හසු කර ගන්නා වනජීවී ඡායාරූප ශිල්පිනියක වූ ලී-ඈන් කාවර් කැරට්ගේ අමුත්ත දුටුවාය. පැංචා කාලයේ ඔහුට ‘කැරට්‘ යනුවෙන් නම තැබුවේ ද ඇය නිසා කැරට්ගේ වෙනස්කමක් නිමේෂයකින් හඳුනාගැනීමට ඇයට හැකි ය.
දැන් ඇය මේ ඡායාරූපය ලෝකය පුරා ප්රචලිත කිරීමට වෙහෙසෙන්නේ එයින් තුවාළ ලත් කැරට්ගේ ජීවිතය ගැන යම් බලාපොරොත්තුවක් දැල්වේ ය යන පරම පැතුමෙනි.
ගතවූ වසර 3 ක කැරට් ගෙවා දැමුවේ අනාථ දරුවෙකුගේ ජීවිතයකි. කැරට් පැංචෙකු සමයේදීම අනාථයෙකු ද විය. ඔහු ඡායාරූප ශිල්පිනිය සහ ඇගේ සැමියා විටින් විට බලන්නට එන්නට පුරුදුව සිටියේය. ‘‘එයා හරි ආදරණීයයි. ලෙන්ගතුයි..‘‘ එසේ කියන්නේ ලී – ඈන් කාවර් ය.
නමුත් පසුගිය සතියේ කැරට් ගේ ඉරණම වෙනස් වී ඇත. ලුමිනස් ලා කොල පාට – කළු හීයක් ඔහුගේ හිසේ ඇමිණී තිබේ. පුදුමය නම්, වේදනාවක් දැනිය යුතු වුවත් ඔහු පෙර සේම හිඳීම ය. ඒ මදිවාට ඡායාරූප ශිල්පිනිය ආ බව දැනගත් විට ඔහු ඇය බලන්නට පැමිණ සුපුරුදු ලෙසම තෙතබරිත නාසයෙන් ඇගේ සපත්තු ඉව කර බැලුවාය. ලේ බිඳක් වත් නොවිණ. ආසාදනයක් ඇති බවක් ද පෙනෙන්නේ නැත.
‘‘ඒත් ඒ දිහා බලන්න හරි අමාරුයි..‘‘ කාවර් කියයි. ‘‘සාමාන්ය විදිහට එයා ඉන්න උත්සාහ ගන්නවා..‘‘
කැරට්ගේ හිසේ ඇමිණී ඇති හීය සරල ලෙස ගළවා දමන්නට බැරි ඇයිදැයි ඔබ අසන්නට පුළුවන. නමුත් එය මරණය ඉක්මන් කරන්නක් විය හැකිය. හිසේ ඇනී ඇති නිසා සිහි විසඥ කිරීම අවදානම් බව ප්රා දේශීය පශු නිලධාරීන්ගේ මතයයි. මේ අතර, හීය ඉවත් කිරීම නොකළ යුත්තක් බව සංරක්ෂණ නිලධාරීන්ගේ මෙන්ම ඊතල ගැන හොඳින් දන්නා මුව දඩයම්කරුවන්ගේ ද මතයයි. මන්ද යත්, ලේ වහනය නොවන්නේ හීය නිසා රුධිර නාල මුද්රා තැබී (සීල් වී) ඇති නිසා විය හැකිය. එය ඉවත් කළ විට රුධිර නාල විවෘත වී මාරක ආසාදනයක් ඇති විය හැකිය.
ඒ නිසා කැරට් වෙනුවෙන් මේ තාක් කාලයකට බලධාරීන්ට කරන්නට හැකි වුණේ ඊ තලය මදින් මද කපා ඉවත් කිරීම පමණි. දැඩි උත්සාහයකින් පසුව හිරි වට්ටවා ඊතලයේ ඉහළ කොටස පමණක් කපා දමන්නට හැකි විය.
මෙයට වසර හතරකට පෙර, කාවර් ජීවත් වන කැරට්ගේ වසම වන කෙනෝරා නගරයට අලුත් නීතියක් ආවේය. එයට අනුව එහි වෙසෙන්නන්ට දුණු හී යොදාගෙන මුවන් දඩයම් කරන්නට පුළුවන.
‘‘මේ වේදනාව ඉවර කරන්න මට ඊතලය අල්ලලා ඇදල දාන්න හිතෙනවා. නමුත් කැරට්ගේ ජීවිතය ගැන මට බයයි..‘‘ කාවර් එසේ කියයි. බලා සිටිය නොහැකි තැන කාවර් Carrot the Magic Deer යනුවෙන් ෆේස්බුක් පිටුවක් ආරම්භ කළාය. ඇය කැරට් ව මෙහිදී ‘මැජික් මුවෙකු‘ ලෙස හඳුන්වන්නේ මේ මාරක ඊතලයෙන් ඔහුගේ දිවි බේරී තිබීම නිසා ය. කැරට්ගේ ඡායාරූප සහ වීඩියෝ මේ පිටුවේ පළ වන අතර, ඒවා දහස් ගණනින් ප්රතිචාර ද ලබයි. කැරට් වෙනුවෙන් දහස් ගණන් ජනයා දැනටමත් දේශසීමා බාධක නොතකා ඒ වටා එක් වී සිටිති.
ලංකාවේ වනෝද්යානවල ද යන්තමින් වෙඩි කා බේරුණු මුවන්, බෙහෙත් තුවක්කුවලින් අනූ නවයෙන් දිවි බේරාගත් ඇත් පැටවුන්, හක්ක පටස් වැදුණු අලින්, තටු සිඳුණු කුරුල්ලන් යනාදී වශයෙන් ලැයිස්තු පිටින් කැරට් ලා සිටිය හැකිය. නමුත් තනි සතෙකු වෙනුවෙන් තබා එවැනි සතුන් සමස්තය වෙනුවෙන්වත් මෙවැනි සංවේදී ‘ගෝලීය‘ සමාජ ජාල කැම්පේන් අප නොදකින තරම් ය.
කැරට්ගේ කතාව අපට කියා දෙන්නේ කුමක්ද? සතුන් වෙනුවෙන් බෝධිපුජා පවත්වන්නට යැයි අපි නොකියමු. නමුත් බුදුන් ඇතුළු බොහෝ ආගම් ශාස්තෘන් වදාළ දයානුකම්පාව / සහකම්පනය අද පෙරදිගින් බටහිර වෙත විතැන් වී ඇති බවක් නොපෙනේද?
Photo: Lee-Anne Carver
G7 කණ්ඩායමට කැනඩාව, ප්රංශය, ජර්මනිය, ඉතාලිය, ජපානය, බි්රතාන්ය සහ අමෙරිකාව යන රටවල් අයත් වන අතර මෙම…
දින 40ක සටන් විරාමයක් සම්බන්ධයෙන් ඊශ්රායලයේ පාර්ශවයෙන් සුභවාදී ප්රතිචාරයක් පළවීමත් සමඟ එම සැනසිලිදායක තත්ත්වය මොහොතකට…
ගාසා තීරයට මානුෂීය ආධාර වැඩි කිරීම, ප්රාණ ඇපකරුවන් නිදහස් කිරීම සම්බන්ධයෙන් ද එහිදී සාකච්ඡා වී…
මෙම මරණ දණ්ඩනය පැනවීම ජාත්යන්තර විරෝධතාවලට ද හේතු වී ඇති අතර මානවහිමිකම් කණ්ඩායම් මෙය මානව…
මේ මස මුලදී, කෙන්යාවේ කාලගුණ විද්යා දෙපාර්තමේන්තුව අනතුරු අඟවා තිබුණේ, මැයි මාසය දක්වා රටේ විවිධ…
සටහන - නිපුනි ලියනගේ අප්රේල් 29 , ලෝකය (අවුට්බවුන්ඩ් ටුඩේ): ශීත කළ පීසා වර්ග භාවිතයෙන්…
සටහන - නිපුනි ලියනගේ අප්රේල් 29 , ලෝකය (අවුට්බවුන්ඩ් ටුඩේ): වයස නිකන්ම නිකන් ඉලක්කමක් විතරයි…
අහමදාබාද් නියෝජ්ය පොලිස්පතිවරයා ඉන්දීය මාධ්යට පවසා ඇත්තේ, මෙවැනි මත්ද්රව්ය තොගයක් අත්අඩංගුවට ගැනීම සම්බන්ධයෙන් සතුටට පත්වන…
ඊශ්රායල අමාත්ය මණ්ඩලය අනතුරු අඟවා ඇත්තේ, සටන් විරාමයකට එකඟ වුවහොත් අගමැති බෙන්ජමින් නෙතන්යාහුගේ රජය බිඳ…
වෙළඳපොලේ ඇති සුඛෝපභෝගී පුද්ගලික ජෙට් එකක් කුලියට ගැනීම සඳහා බදු ගෙවන්නන්ගේ වියදමින් පවුම් ලක්ෂ ගණන්…
සිද්ධිය සම්බන්ධයෙන් පුළුල් විමර්ශනයක් ක්රියාත්මකයි.
දැනට ලෝකය දැවැන්ත විපර්යාසයකට මුහුණ දෙමින් සිටින අතර ජාත්යන්තර තත්ත්වය ද ඉතා සංකීර්ණ වන අතාර,…
නැගෙනහිර බෑග්ඩෑඩ්හි පිහිටි ඇගේ නිවස ආසන්නයේදී වෙඩි තබා ඇයව මෙලෙස ඝාතනය කර ඇති බව විදෙස්…
1994 වසරේදී පළමු මැතිවරණයෙන් කලින් තහනම් කරන ලද අප්රිකානු ජාතික කොන්ග්රසය (ANC) පක්ෂය අතිමහත් ලෙස…
මේ අතර ඊශ්රායලය හා හමාස් සංවිධානය අතර සටන් විරාමයක් ක්රියාත්මක කිරීම සම්බන්ධයෙන් පැවැත්වෙන සාකච්ඡා සඳහා…