ඉකුත් දින එක්සත් ජාතීන්ගේ මහ ලේකම් ඇන්ටෝනියෝ ගුටරේස් යුක්රේනය බලා පිටත් වන බව නිවේදනය කර තිබූ අතර, ඒ රුසියානු – යුක්රේන යුධ තත්ත්වයට දේශපාලන විසඳුමක් සෙවීම, යුක්රේන ධාන්ය අපනයනය පිළිබඳ සොයා බැලීම සහ යුක්රේන සැපොරිසියා න්යෂ්ඨික බලාගාරයේ ආරක්ෂාව තහවුරු කිරීම ඇතුළු කරුණු කිහිපයක් පදනම් කරගෙන ය.
ඇන්ටෝනියෝ ගුටරේස් එක්සත් ජාතීන්ගේ මහ ලේකම්වරයා සහභාගී වූ ත්රෛපාර්ශ්වික හමුවට යුක්රේනය නියෝජනය කරමින් එරට ජනපති වොලොදිමිර් සෙලෙන්ස්කි ද තුර්කිය නියෝජනය කරමින් එරට ජනපති තයිප් අර්දොගන් ද සහභාගී වූහ.
මෙම සාකච්ඡාවේදී යුක්රේනය සහ රුසියාව අතර පවතින සන්නද්ධ ගැටුම අවසාන කිරීමට ගත යුතු ක්රියාමාර්ග මොනවාද යන්න පිළිබඳ සාකච්ඡාවට බඳුන් වී ඇති අතර, මේ පිළිබඳ අදහස් දක්වමින් තුර්කි ජනපති තයිප් අර්දොගන් පවසා ඇත්තේ එක්සත් ජාතීන්ගේ මැදිහත්වීම හරහා යුක්රේනයේ ධාන්ය අපනයනයට ඉඩ අවකාශ සකසා ගැනීම සුභවාදී කරුණක් බවයි. මෙමඟින් සාමය පැවැත්වීමට පදනමක් වැටෙනු ඇති බව හෙතෙම ප්රකාශ කළේය.
එමෙන්ම, යුක්රේනයේ සහ රුසියාවේ රැඳවුම්භාරයේ සිටින සිරකරුවන් නිදහස් කර හුවමාරු කිරීමට ඇති හැකියාව පිළිබඳව ද සාකච්ඡාවට බඳුන් වූ බවත්, මෙම කරුණ ඉදිරියේදී රුසියානු ජනපති ව්ලැදිමිර් පුටින් සමඟ සාකච්ඡා කිරීමට ද තමා අපේක්ෂා කරන බවත් අර්දොගන් ජනපතිවරයා අවධාරණය කළේය.
මෙම සාකච්ඡාව අතරතුර යුක්රේන ජනාධිපති වොලොදිමිර් සෙලෙන්ස්කිට කුඩා අකරතැබ්බයකට මුහුණ පෑමට සිදුව තිබේ.
තම මව් භාෂාව වන යුක්රේන භාෂාවෙන් මහජනතාව ඇමතීමට උත්සුක සෙලෙන්ස්කි ජනාධිපතිවරයා බොහෝ අවස්ථාවන්වලදී තම කතාව ඉංග්රීසි බසට පරිවර්තනය කිරීම සඳහා පරිවර්තකයකු ළඟ තබා ගනී. තුර්කි ජනපතිවරයා සහ එක්සත් ජාතීන්ගේ මහ ලේකම්වරයා සමඟ පැවැත්වූ මෙම සාකච්ඡාව බටහිර බලවතුන් ඇතුළු ජාත්යන්තරයේ තියුණු ඇස ගැටෙන්නක් බැවින් ඊට ලබා දෙන මාධ්ය ආවරණය අතරතුරදී සෙලෙන්ස්කි ජනපතිවරයා තම කතාව ඉංග්රීසියට පරිවර්තනය කිරීමට භාෂා පරිවර්තකයකු ලබාගෙන තිබේ.
එහෙත් මෙම පරිවර්තකයා සෙලෙන්ස්කි පැවසූ දෙය නිසියාකාරයෙන් පරිවර්තනය නොකිරීම නිසා ඊට අමනාප වූ යුක්රේන ජනපතිවරයා ඔහු විසින්ම සිය ප්රකාශය ඉංග්රීසියට හරවා නැවත වරක් පවසා තිබේ.
සෙලෙන්ස්කිට ලබාදුන් පරිවර්තකයා ඔහුගේ කතාව සාරාංශගත කොට පැවසීම තුළින් තමාට අවශ්ය වූ දෙය නිසියාකාරව සන්නිවේදනය නොවූ බව පවසමින් යුක්රේන ජනපතිවරයා මෙසේ පවසා ඇත;
“…ඒ වගේම මම කිව්වේ සම්භාවිතා සහිත කවුළුව ගැන. මම කිව්වේ, අප හැමදාම රුසියානු පාර්ශවයෙන් තුවක්කු සහ වෙඩි අත්දකින බැවින් එය විසඳීමට නොහැකි බවයි.. ඒ වගේම මම කිව්වේ ස්ලාවා යුක්රේනි කියලා. ඒ කියන්නේ යුක්රේනයට කීර්තිය කියලා… බොහොම ස්තූතියි. එය ඉතාම වැදගත්..”
ඒ සමඟම පරිවර්තකයා ද යුක්රේනයට කීර්තිය යනුවෙන් පවසා සිය වරද නිවැරදි කරගෙන ඇත.
ඡායාරූප: ඒඑෆ්පී
සබැඳි ලිපි:
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…
කාන්තාවන්ගේ සෞඛ්යය නංවාලීම, ලිංගික හා ප්රජනන ගැටළු වැනි සෞඛ්ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්රම ව්යවස්ථාවේ නිදහස් භාෂණයට ඇති අයිතිය ප්රියජනක සංස්කෘතික පරමාදර්ශයක් වේ.
ස්ටෝමි ඩැනියෙල් නමැති අසැබි චිත්රපටවලට රංගනයෙන් එක් වුණු නිළියක සහ ට්රම්ප් අතරේ සමීප සම්බන්ධයක් පැවැති…
මෙම ආයෝජනය මයික්රොසොෆ්ට් විසින් සිය දශක තුනක පමණ ඉතිහාසය තුළ අග්නිදිග ආසියාවේ සිදුවන විශාලතම ආයෝජනය…
ගලවා ගැනීමේ මෙහෙයුම් වෙනුවෙන් පුද්ගලයන් 500ක් යොදවයි.
යුක්රේනය පවසන්නේ, රුසියාව මෙම ප්රහාරය සිදුකිරීම සඳහා බැලිස්ටික් මිසයිලයක් සහ පොකුරු බෝම්බ යොදා ගෙන ඇති බවයි.
වාර්තාව තබන අතරතුර ඇය සෑම පැයකට වරක් මිනිත්තු 5ක විරාමයක් ලබාගෙන ඇති අතර, කෙටි නින්දකට,…