ඇෆ්ගනිස්තානයේ තලේබාන් සංවිධානය විසින් ගැහැණු දරුවන්ට අධ්යාපන අයිතිය සීමා කිරීම ලැජ්ජා සහගත බව එක්සත් ජාතීන්ගේ සංවිධානය නිවේදනය කර තිබේ. ඔවුන් මෙහිදී තලෙයිබාන් පාලනයෙන් දැඩිව ඉල්ලා ඇතිතේ ගැහැණු දරුවන්ට අධ්යාපන අයිතිය ලබා දෙන ලෙස හා පාසැල් නැවත විවෘත කරන ලෙසයි.
එක්සත් ජාතීන්ගේ සංවිධානය පැවසුවේ අධ්යාපනය ප්රතික්ෂේප කිරීම ගැහැණු ළමයින්ගේ සහ කාන්තාවන්ගේ මූලික අයිතිවාසිකම් උල්ලංඝනය කිරීමක් බවයි. එය ගැහැණු ළමයින්ට එරෙහිව කොන් කිරීම, ප්රචණ්ඩත්වය, සූරාකෑම සහ අපයෝජනය කිරීමේ අවදානම වැඩි කරන අතර ඇෆ්ගන් කාන්තාවන් සහ ගැහැණු ළමයින් ඔවුන්ගේ මූලික අයිතිවාසිකම් සහ නිදහස භුක්ති විඳීම සීමා කිරීම නවතා දැමිය යුතු බවත්, මෙම නීති අවලංගු කර සමානව ජීවත් වීමේ අයිතිය ඔවුන්ට ලබා දිය යුතු බවත් එක්සත් ජාතීන්ගේ සංවිධානය අවධාරණය කර තිබේ.
මෙම පාසල් තහනම අවුරුදු 12 සිට 18 දක්වා ගැහැණු ළමයින්ට බලපාන අතර තලෙයිබාන්වරු ගැහැණු ළමයින්ට නිවසේ රැඳී සිටින ලෙස උපදෙස් දෙමින් පිරිමි ළමයින්ට උසස් පාසල් නැවත විවෘත තර ඇත. එක්සත් ජාතීන්ගේ ඇස්තමේන්තු වලට අනුව පසුගිය වසර තුළ මිලියනයකට වඩා ගැහැණු ළමයින්ට උසස් පාසැල් යාමට තහනම් කර ඇත. යුනිසෙෆ් සංවිධානයට අනුව, තලේබාන් සංවිධානය විසින් පනවා ඇති සීමාවන් හේතුවෙන් ගැහැණු ළමයින් මිලියන තුනකට ද්විතියික පාසල් අධ්යාපනය සම්පූර්ණ කිරීමට නොහැකි වී ඇත.
එක්සත් ජාතීන්ගේ ප්රධානී ඇන්ටෝනියෝ ගුටරෙස් ඉරිදා ට්විටර් පණිවුඩයක් නිකුත් කරමින් කියා සිටියේ මෙම වසර ගැහැණු දරුවන්ට දැනුම හා අවස්ථාව අහිමි වසරක් බවයි. ගැහැණු ළමයින් පාසලට අයිති බවත් ඔවුන්ට එයට ඇතුළු වීමට අවස්ථාව දිය යුතු බවති ඔහු සඳහන් කර තිබිණ.
සිය අධ්යාපන අයිතිය අහිමිවීම පිළිබඳව ගැහැණු ළමයින් 50 දෙනෙක් මුස්ලිම් රටවල ප්රධානීන්ට සහ අනෙකුත් ලෝක නායකයින්ට A Year of Darkness: A letter from Afghan Girls යනුවෙන් ලිපියක් යවා ඇත. පසුගිය වසර තුළ, අධ්යාපනය ලැබීමේ අයිතිය, රැකියා කිරීමේ වරප්රසාදය, අභිමානයෙන් යුතුව ජීවත්වීමේ නිදහස, කතා කිරීමේ අයිතිය මේ වන විට අපට අහිමි බව එම ලිපියේ සඳහන් වන බවට වාර්තා වේ.
තලෙයිබාන් සංවාධානයේ අමනෝඥ නීති හේතුවෙන් ඔවුන් බලයට පත් වූ දා සිට රාජ්ය තාන්ත්රික වශයෙන් හුදකලා වී සිටියි. බටහිර විසින් ඩොලර් බිලියන ගනනක් වටිනා ඇෆ්ගන් අරමුදල් කැටි කිරීම සහ රට ගෝලීය මූල්ය ආයතන වලින් බැහැර කිරීම හේතුවෙන් ආධාර මත යැපෙමින් තිබූ ඇෆ්ගන් ආර්ථිකය මේ වන විට කඩා වැටෙමින් ඇත. එක්සත් ජාතීන්ගේ සංවිධානයට අනුව ඇෆ්ගනිස්ථානයේ මිලියන 39 ක ජනතාවගෙන් අඩකට වඩා මානුෂීය ආධාර අවශ්ය වන අතර මිලියන හයක් සාගතයේ අවදානමට ලක්ව ඇත.
සශිකලා මධුෂාණී_
වෙළඳසල්වල රාක්ක වලින් මේ වන විට ඒවා ඉවත් කරමින් තිබේ.
අගනුවර වන නූමියා යනු කැරලිකරුවන් සිය ගණනක් සිටින ප්රදේශයක් වන අතර ඔවුන් තවදුරටත් ප්රචණ්ඩක්රියා සිදු…
මෙවර 4,000කට අධික පිරිසක් මෙම තරඟය වෙනුවෙන් ඉල්ලුම් කර ඇති අතර ඉන් සුදුසුකම් ලබා ඇත්තේ…
ලොව විශාලතම කුළුබඩු අපනයනකරු, පාරිභෝගිකයා සහ නිෂ්පාදකයා වන ඉන්දියාව වේ.
මෙම හමුව මේ වන විට එක්සත් ජනපදය ඇතුළු ලෝකයේම අවධානයට ලක්ව ඇත.
එරට ආරක්ෂක අමාත්ය රොබට් කලිනක් පැවසුවේ අගමැතිවරයාට ශල්යකර්මයක් සිදු කළ බවයි.කෙසේ වුවද ඔහුගේ තත්වය බරපතල…
එළඹෙන නොවැම්බර් මැතිවරණයට පෙර ඇමරිකානු ජනතාවට අපේක්ෂකයින්ගෙන් වැඩි යමක් ඇසීමට අවස්ථා වක් තිබිය යුතුය.
වෙඩි තැබූ බව කියන පුද්ගලයා පොලිසිය විසින් අත්අඩංගුවට ගෙන තිබේ.
'ද ලයින්', මෝටර් රථවලින් තොර නගරයක්
සටහන: සශිකලා මධුෂාණි,මැයි 15,ලෝකය(අවුට්බවුන්ඩ් ටුඩේ) : එක්සත් ජනපද ජනාධිපති ජෝ බයිඩන් එරට නිෂ්පාදකයන් ලාභදායි ආනයන…
චීනය බටහිරට එරෙහිව රුසියාව සමඟ “සීමා රහිත” සම්බන්ධතාවයක් ප්රකාශ කර ඇත.
මේවන විට පකිස්ථාන අගමැති ෂෙහ්බාස් ෂරීෆ් සඳුදා රුපියල් බිලියන 23 (ඩොලර් මිලියන 83; පවුම් මිලියන…
ප්රෙස් ට්රස්ට් ඔෆ් ඉන්දියා ප්රවෘත්ති ඒජන්සිය මේ සම්බන්ධයෙන් වාර්තා කර තිබුණේ මෙම දැන්වීම් පුවරුව ඉදිකිරිම…
ඩෙන්මාර්කය දෙවැනි තැනටත්, ස්වීඩනය හා නෙදර්ලන්තය තුන්වැනි හා සිව්වැනි ස්ථානවලට පත්වී ඇති අතර, ෆින්ලන්තය පස්වැනි…
මේ දක්වා ලෝක ප්රවාහන ක්ෂේත්රයේ නව පෙරළියක් සිදු කරමින් එම ටැක්සි සේවය ක්රියාත්මක වනු ඇතැයි ද…