‘තාපස රාජධානිය‘ (හර්මිට් කිංඩම්) ලෙස තමන්ව හඳුන්වා ගන්නා උතුරු කොරියාවේ, 2019 වසංගතය පැමිණීමටත් පෙර සිටම බාහිර ලෝකය සමග සබඳතා අතිශයින්ම සීමා කර තිබූ බව ප්රකට කරුණකි.
වසංගතයට පෙර සිටම උතුරු කොරියාවට විදේශ ගමන් බොහෝ සෙයින් සීමා කර තිබිණි.
2020 ජනවාරි මාසයේ සිට උතුරු කොරියාව සිය දේශසීමා මුළුමනින්ම වසා දැමුවේය. ‘හදිසි තත්වයක්‘ ද රට තුළ ප්රකාශයට පත් කළේය. රට පුරාම ‘වසංගත විරෝධී මූලස්ථාන‘ හමුදා ක්රමයට ඇති කළේය.
උතුරු කොරියාවේ වෛද්ය පහසුකම් පිළිබඳ තිබෙන්නේ අඳුරු චිත්රයකි. ඒ නිසා වසංගතය ඔඩු දුවන්නේ නම් එයට මුහුණ දීමට උතුරු කොරියාව අසමත් වන බවට කිසිදු තර්කයක් තිබුණේ නැත. මහජන සෞඛ්ය නියාමනයන් දැඩි සේ අනුගමනය කිරීම සහ දේශසීමා වසා දැමීම මගින් තත්වය සමනය කර ගත හැකි වනු ඇති බවට පැවසුණේය.
වසංගතය පිළිබඳ කිසිදු සංඛ්යා ලේඛනයක් ලෝකයට මුදා නොහරින තත්වයක් තුළ වුවත්, උතුරු කොරියාවේ මෙම “self-reliance” සිද්ධාන්තය ඵල දැරිය යුතුව නොතිබුණිද?
නමුත් සිදුව තිබෙන්නේ එයට හාත්පසින්ම වෙනස් දෙයකි.
උතුරු කොරියාව වාණිජමය වශයෙන් දැඩි සේ චීනය සමග සබඳතා පැවැත්වූ රටකි. චීනය නොමැතිව ඔවුන්ට සිය ආර්ථිකය පවත්වාගෙන යා නොහැකි තරම් ය. එය ජූනි මාසය දක්වාම සහමුලින්ම කඩාකප්පල් වී ගිය අතර, ජූනි මාසයේදී මේ අන්දමින් රට ගෙන යා නොහැකි බව දැනගත් බලධාරීහු චීනය සමග ලුහුඬු ලෙස සබඳතා ආරම්භ කළහ. ඒ බව සඳහන් කර තිබුණේ උතුරු කොරියාවේ පුවත් අධීක්ෂණ වෙබ් අඩවියක් වන NK News විසිනි.
මේ අතර මේ ගිම්හානයේදී උතුරු කොරියාවට ඉතිහාසගත ගං වතුරකට මුහුණ දෙන්නට සිදුවිය. දරුණු සුළි සුළං තත්වයන්ට ද මුහුණ දෙන්නට සිදුවිය.
වසංගතය තවදුරටත් ඔඩු දිව්වේය.
දැඩි නීති ද පෙර පරිදිම පැවතුණේය.
මෙයට පස් අවුරුද්දකට පමණ පෙර, ලොව ළාබාලතම රාජ්ය නායකයා වූ කිම් ජොන් උන් 2016 මැයි 6 වැනිදා දෙවන වරට බලයට පත් වෙද්දී උතුරු කොරියානු ජනතාවට සෞභාග්යයේ හීනයක් පෙන්නුවේය. එයින් කියැවුණේ රට පස් අවුරුද්දක් ඇතුළත සමෘද්ධිය කරා ළඟා වන බවයි. ‘‘සෞභාග්යය පිරුණු අතිශයින් ශිෂ්ට සම්පන්න රටක්‘‘ උදා කර දෙන බව ඔහු පැවසුවේය.
කිම් ජොන් උන්ගේ ප්රගතිය 2020 ඔක්තෝබර් 10 වැනිදා සැමරීමට නියමිතව තිබෙන්නේ යුධ බලය ද ප්රදර්ශනය කරමිනි.
මේ මොහොතේ වුවත් උතුරු කොරියාවේ කොවිඩ් මරණ හෝ ආසාදිතයන් සංඛ්යාව ගැන අන්තර්ජාලයෙන් පිරික්සා බැලුවහොත් ඔබට ලැබෙන්නේ බිංදු ගොඩකි.
නමුත් 2020 මාර්තු මාසයේදී බ්ලූම්බර්ග් වෙබ් අඩවිය පැවසුවේ, උතුරු කොරියාව පුරා පැතිර ඇති උග්ර මන්දපෝෂණය හේතුවෙන් කෝවිඩ් වසංගතය ඔඩු දුවා ඇති බවයි. 2020 අප්රේල් මාසයේදී උතුරු කොරියානු මහජන සෞඛ්ය නිලධාරියෙකු පවසා තිබුණේ උතුරු කොරියාවට රෝගය බෝ වුණහොත් ‘නොවැළැක්විය හැකි විනාශයක්‘ සිදුවනු ඇති බවයි.
නමුත් කිසියම් තැනක කිසියම් දෙයක් වැරදී ගොස් තිබේ.
අගෝස්තු මාසයේදී ඒ බව පිළිගන්නට කිම් ජොන් උන් ට සිදුවිය. රාජ්ය වෙබ් අඩවියක් වන KCNA වාර්තා කළේ ‘වැරදී ගියේ කුමක්දැයි සොයාගැනීම සඳහා‘‘ උතුරු කොරියානු නායකයා විසින් අලුත් පක්ෂ කොංග්රසයක් පත් කිරීමට නියමිත බව ය. ඊළඟ අවුරුදු 5 සඳහා සැලසුම් කර තිබෙන නව සැලැස්ම ගැන ද එහිදී සලකා බැලෙනු ඇත.
බාහිර ලෝකයෙන්ම වෙන්වී වචනයේ පරිසමාප්ත අර්ථයෙන්ම ‘ලොක්ඩවුන්‘ වී සිටි රටක් වූ උතුරු කොරියාවට රෝගයෙන් මිදෙන්නට නොහැකි වී තිබේ. ලොක්ඩවුන් තත්වය දෙගුණකිරීමෙන් පසුව පවා එය වැළකී නැති බව තහවුරු වන්නේ ‘වැරදී ගියේ කොතැනදැයි‘ සොයාගැනීමට ඔවුන් නව කමිටුවක් පත් කිරීමට සූදානම් වීමෙනි.
සුව සේවා පද්ධති වැඩිදියුණු නොකළ රටක් හුදෙකලාකරණය සහ ලොක්ඩවුන් කිරීම මගින් පමණක් රෝගය මර්දනය කළ නොහැකි බවට කලාපයේ හොඳම උදාහරණය උතුරු කොරියාවයි.
Main Photo: DW
සටහන - නිපුනි ලියනගේ මැයි 06 , ලෝකය (අවුට්බවුන්ඩ් ටුඩේ): මැඩෝනා ඉකුත් සති අන්තයේ සෙනසුරාදා…
මෙම ප්රහාරයෙන් තවත් කිහිප දෙනෙකුට තුවාල සිදු වූ බව ඊශ්රායලය පවසයි.
රුසියාව යුක්රේන ජනපති අත්යවශ්ය අපරාධකරුවන්ගේ ලැයිස්තුවට ඇතුළත් කර, ඔහුට එරෙහිව නඩුවක් ද ගොනු කර ඇති…
සහන කණ්ඩායම් සදහන් කරන්නේ,පුද්ගලයින් 67 දෙනෙකු අතුරුදන් බවයි.
කම්කරු පක්ෂයේ ජය තහවුරු කළ ප්රබල අවස්ථාවක්
ඊශ්රායල් ප්රහාර වලින් පලා ගිය මිලියන 1.4කට වැඩි පලස්තීන ජාතිකයන් පිරිසක් රෆාහි ආහාර, ජලය, ඖෂධ…
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්රදේශයෙන් ඉවත් කර ඇති අතර…
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…