උයන පිහන කටයුතුවලදී දිනපතා භාවිතයට ගන්නා කහ අපට නුහුරු නුපුරුදු කුළුබඩු වර්ගයක් නොවේ. කහ ශාකයේ නිජබිම ඉන්දියාව වන නමුත් ආසියාවේ බොහෝ තැන්වලත් මධ්යම ඇමෙරිකාවේත් කහ වැවෙනු දක්නට පුළුවන. එසේ වුවත් කහ භාවිතය හුදෙක් මේ කලාප දෙකට පමණක් සීමා වී නැත. ලෝකයේ කොතැනක සිටින සූපවේදියකු හෝ ගෘහණියක හෝ අතින් හැදෙන සේවරී රසැති කෑමකට හෝ පැණි රසැති කෑමකට හෝ කහ ස්වල්පයක් එකතු නොවුණහොත් එය පුදුමයකි. ඊටත් වඩා පුදුමය, කහවල තිබෙන ඖෂධිය ගුණය ඉතා ඈත ජීවත් වූ මිනිසුන් පවා දැන හඳුනාගෙන තිබීමයි. කහ මේ තරමටම සුවිශේෂ රස කාරකයක් සහ ඖෂධයක් වී තිබෙන්නේ එහි අඩංගු කකියුමින් නැමැති රසායනිකය නිසයි. කහවලට, කහ පැහැය ලැබෙන්නේ ද පළමුව කී කකියුමින් හේතුවෙනි.
කකියුමින් කහ ශාකය තුළ තිබෙන බෙහෙවින්ම සක්රිය රසායනිකයක් හැටියට විද්යාඥයෝ පෙන්වා දෙති. මේ රසායනිකය සර්ව රෝග නාශකයක් බැව් බොහෝ විද්වත්හු සඳහන් කරති. වේදනාවන් සමනය කිරීමේ ප්රබල හැකියාවක් කකියුමින්වලට ඇතැයි කියා ඇමෙරිකාවේ අනුපූරක සහ ඒකාබද්ධ සෞඛ්ය පිළිබඳ ජාතික මධ්යස්ථානයේ අධ්යක්ෂ ආචාර්ය ක්රෙග් හොප් කියා සිටී. සී.එන්.එන්. සේවයේ ප්රධාන වෛද්ය වාර්තාකරු වෛද්ය සංජය ගුප්තා, කකියුමින් නමැති රසායනය ගැන පවසන්නේ මෙවැන්නකි.
“.. කහ ගැන අධ්යනයන් රාශියක් මේ වනවිටත් සිදුවෙමින් පවතිනවා. ආතරයිටිස් නිසා ඇතිවන දණ හිස් වේදනාව මර්දනය කරන්න කහ උපකාරී වන බව ඒ අධ්යන හරහා දැනටමත් තහවුරු වෙලා තියෙනවා; ඒ වගේම බයිපාස් සැත්කම්වලින් පසුව හෘදයාබාධ ඇතිවීම අඩු කරගන්න එය උපකාරී වෙනවා කියලත් සාක්ෂි ලැබිලා තියෙනවා. …”
පෙරදිග ආයුර්වේද වෛද්ය සම්ප්රදාය තුළ කහ ශාකය සැලකෙන්නේ ඖෂධීය ගුණයක් සහිත සුවිශේෂ ශාකයක් හැටියටයි. ශ්වසන ආබාධ, වාත අමාරු, බලවත් වෙහෙසකර තත්ත්ව සහ වේදනාවන් සමනය සඳහා කහ ශාකය ආශ්රයෙන් ඖෂධ නිපදවා ගන්නට පුළුවන් බැව් එහි සඳහන් වේ. කහ සහිත ආහාර කෑමට ගන්නා අයට විශේෂ සෞඛ්යමය වාසි අත්වන බව වසංගත රෝග සම්බන්ධයෙන් කෙරුණු විද්යාත්මක පර්යේෂණවලින් අනාවරණය වී ඇත. මහාන්ත්රයේ පහළ කොටසේ ඇතිවන පිළිකා තත්ත්ව මර්දනය කිරීමේ හැකියාවක් කහවලට ඇති බව ඉන්දීයන් එදා සිටම දැන සිටි බව ආචාර්ය ක්රෙග් හොප් පවසයි.
කහවලින් නැඟෙන එම ඖෂධීය ගුණයන්ට හේතුවන කකියුමින්, රසායනික සංයෝග තුනක හෝ හතරක හෝ මිශ්රණයකි. එලෙස රසායනිකයන් ශ්රේණියකින් සැකසුණු කකියුමින් සෛල තුළ ක්රියාත්මක වන්නේ කිනම් අයුරකින්ද යන්න අදටත් රහසක් බව විද්යාඥයෝ පවසති.
මානව දේහයට ආහාර මඟින් අවශෝෂණය වන්නේ කකියුමින් ඉතාමත් සුළු ප්රමාණයක් බව පර්යේෂණවලින් සනාතව ඇත. අවශෝෂණය නොවූ ඉතිරි මුළු කකියුමින් ප්රමාණයම මිනිස් මළ සමඟ ශරීරයෙන් බැහැර කෙරේ. බෙහෙවින්ම සුළු කකියුමින් ප්රමාණයක් ශරීරයට අවශෝෂණය වී ඇති නිසා ඒ ප්රමාණය ක්රියාකරන අන්දම පරික්ෂාවට ලක් කිරීම අසීරු වී තිබේ. අනෙක් අතට, කකියුමින් යනු ජලයේ ද්රාවණය නොවන රසායනිකයකි. මේ නිසා ශරීරයට ගන්නා කකියුමින්වලින් විශාල කොටසක් රුධිරය සමඟ මුසු නොවන බවට තහවුරුව ඇත. කිසියම් කෙනෙකුට කකියුමින්වලින් සැලකිය යුතු තරමේ ප්රයෝජනයක් ලැබිය යුතු නම් මිලි ග්රෑම් 24,500ක් බරැති කකියුමින් පෙති ප්රමාණයක් පානය කරන්නට සිදු වේ. එවැනි ප්රමාණයක් ශරීර ගත කරගතහොත් වමනය සහ පාචනය වැනි තත්ත්ව ඇති විය හැකි බව විද්යාඥයෝ පෙන්වා දෙති.
කොහොම වුණත් ඇල්ෂයිමර් සහ ග්ලුකෝමා තත්ත්වවල පසුවන රෝගීන්ට ප්රතිකාර කිරීම සඳහා කකියුමින් භාවිතයට ගත හැකි බව බ්රිතාන්යයේ ඉම්පීරියල් කොලිජියේ අක්ෂි වෛද්ය විශේෂඥ ෆ්රැන්සෙස්කා කෝර්ඩියරෝ පවසයි. කකියුමින් මිනිස් ශරීරය තුළ ක්රියා කිරීමේදී ඇතිවන ගැටලු සහගත තත්ත්ව නිසා එය භාවිත කළ යුතු වන්නේ නැනෝ තාක්ෂණය භාවිතයෙන් බව වෛද්යය ෆ්රැන්සෙස්කාගේ අදහසයි. එවැනි තත්ත්වයකට පමුණුවනු ලැබූ කකියුමින් අක්ෂි බෙහෙතක් ලෙස ඇසට වත් කිරීමෙන් ස්නායු සෛලවලට ඍජුවම බලපෑමක් ඇති කළ හැකි බව විද්වතුන්ගේ අදහසයි. ඒ පිළිබඳ අත්හදා බැලීම් තවදුරටත් සිදු කෙරේ.
මීළඟ අදියර වන්නේ කකියුමින්වල පවත්නා ප්රතිදීප්ත තත්ත්වය භාවිතයට ගෙන තරංග ආයාමයන් හරහා ප්රතිකාර කිරීමට ඇති හැකියාව අත්හදා බැලීමයි.
සබැඳි:
සිද්ධිය සම්බන්ධයෙන් පුළුල් විමර්ශනයක් ක්රියාත්මකයි.
දැනට ලෝකය දැවැන්ත විපර්යාසයකට මුහුණ දෙමින් සිටින අතර ජාත්යන්තර තත්ත්වය ද ඉතා සංකීර්ණ වන අතාර,…
නැගෙනහිර බෑග්ඩෑඩ්හි පිහිටි ඇගේ නිවස ආසන්නයේදී වෙඩි තබා ඇයව මෙලෙස ඝාතනය කර ඇති බව විදෙස්…
1994 වසරේදී පළමු මැතිවරණයෙන් කලින් තහනම් කරන ලද අප්රිකානු ජාතික කොන්ග්රසය (ANC) පක්ෂය අතිමහත් ලෙස…
මේ අතර ඊශ්රායලය හා හමාස් සංවිධානය අතර සටන් විරාමයක් ක්රියාත්මක කිරීම සම්බන්ධයෙන් පැවැත්වෙන සාකච්ඡා සඳහා…
ගෝලීය ආර්ථිකයට ඉහළම දායකයින් පස්දෙනා අතර චීනය, ජර්මනිය (2.77%), රුසියාව (2.71%) සහ බ්රසීලය (2.19%) ඇතුළත්…
මෙම ඛේදජනක අනතුර සිදුවී වසර 112කට පසුවත් ඒ වෙනුවෙන් ඇති ඉල්ලුම සුළුපටු නොවේ.
මෙම පිපිරිම හේතුවෙන් ගොඩනැගිලි හතරක් හමුදා වාහන කිහිපයකට හානි සිදුවී ඇති අතර ගම්වාසීන්ගේ නිවාස 25ක්…
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.
කෙසේවෙතත් තුවාලකරුවන් හෝ මරණ සම්බන්ධයෙන් මෙතෙක් වාර්තා වී නොමැති අතර ප්රහාරය පිළිබඳ පරීක්ෂණ පවත්වන බව…
තායිවාන බලධාරීන් සඳහන් කර ඇත්තේ, භූකම්පනය තායිපේ අගනුවරට ද දැනී ඇති බව සඳහන් වන අතර…
ගාසා තීරයේ ඛාන් යූනිස්, රෆා හා නුසෙයිරාට් සරණාගත කඳවුරට මෙම ප්රහාර එල්ල වී ඇත.
එල්නිනෝ කාලගුණ රටාවත් සමඟ ගංවතුර තත්වයන්ද උග්ර වී තිබේ.
අනෙකුත් රටවල අභ්යන්තර කටයුතුවලට මැදිහත් නොවීම පිළිබඳ මූලධර්මය මත පදනම්ව, බීජිං එක්සත් ජනපද මැතිවරනවලට මැදිහත්…
සටහන - නිපුනි ලියනගේ අප්රේල් 26 , ලෝකය (අවුට්බවුන්ඩ් ටුඩේ): අප්රේල් 27 වැනිදා ආරම්භ වන…