ඔහු, මානව හිමිකම් සහ අපරාධ නීති ක්ෂේත්‍රයේ ප්‍රවීණයෙකු කෙයර් ස්ටාමර් (Keir Starmer) ය. ඔහු මේ අනුව ලේබර් නායක ජෙරමි කෝබින් ගේ අනුප්‍රාප්තිකයා ය.
හිටපු ලේබර් පක්ෂ නායක ජෙරමි කෝබින් | BBC
මෙයට මාස හතරකට පෙර පැවති මැතිවරණයේදී ලේබර් පක්ෂය පරාජය ලැබීමෙන් අනතුරුව නායකත්වය අර්බුදයකට මුහුණ දුන් ජෙරමි කෝබින් සැලකුණේ වඩාත් ‘වමට බර‘ නායකයෙකු ලෙස ය. නමුත් කෙයර් ස්ටාමර් සැලකනේනේ මධ්‍යස්ථ සමාජවාදියෙකු ලෙස ය.
490,000 ක් දෙනා සහභාගි වූ ඡන්ද විමසීමේදී කෙයර් එහිදී 56%ක ඡන්ද ප්‍රමාණයක් පළමු වටයේදීම ලබාගත්තේය. ඡන්දය පළ කිරීමට සුදුසුකම් ලැබුවේ ලේබර් පක්ෂ සාමාජිකයන්, ලියාපදිංචි ලේබර් ආධාරකරුවන් සහ වෘත්තීය සමිති ය. ඔහුගේ ප්‍රතිවාදිනිය වූ උග්‍ර වාමාංශික කෝබි හිතවාදී රෙබෙකා ලේන්ග්-බෙයිලි ලබාගැනීමට සමත් වූයේ එයින් හරි අඩක්, එනම් 28%ක ඡන්ද ප්‍රතිශතයක් පමණි.
මේ අනුව 57 හැවිරිදි කෙයර් ස්ටාමර්, බ්‍රිතාන්‍ය පාර්ලිමේන්තුවේ විපක්ෂ නායකයා ලෙස ඉදිරියේදී කටයුතු කරනු ඇත. අග්‍රාමාත්‍ය බොරිස් ජොන්සන් ව ප්‍රශ්න කිරීමේ කටයුත්තේ පෙරමුණ ගනු ඇත්තේ ඔහු ය.
මානව හිමිකම් නීතීඥවරයෙකු වන කෙයර් ස්ටාමර්, ඔක්ස්ෆර්ඩ් සරසවියේ නීති උපාධිධාරියෙකි. වෝහාරික ඇසක් සහිත විවාද ශූරයෙකු ලෙස ඔහු කීර්තියක් උසුළයි. එනිසා ඔහු පැහැදිලිවම බොරිස් ජොන්සන් මෙන් කවටකම් කරන්නෙක් හෝ පුරසාරම් දොඩවන්නෙක් නොවේ. යමක් මනා ලෙස සාරාංශගත කර ඉලක්කයට කතා කළ හැකි අයෙකු ලෙස නව ලේබර් පක්ෂ නායකයා ප්‍රකට ය.
2004 වසරේදී කෙයර් ස්ටාමර් මහ රැජිනගෙන් නයිට් පදවිය ලබා ‘ශ්‍රීමත් කෙයර්‘ බවට පත්වූයේ ‘නීතිය හා අපරාධ යුක්තිය වෙනුවෙන් කළ සේවය‘ හේතුවෙනි.
මරණ 4,313 ක් සහ ආසාදිතයන් 41,903 ක් සමග ඉතාලිය ද පසු කරමින් සිටින මහා බ්‍රිතාන්‍යය මේ වන විට මරණයේ දේශයක් බවට පත්වෙමින් තිබේ. එසේ වන්නේ ලෝකයේ හොඳම සෞඛ්‍ය සේවය වන බ්‍රිතාන්‍යයේ NHS පවා නිරුත්තර කරමිනි. අගමැති බොරිස් ජොන්සන් තත්වය ඔඩු දුවන තෙක් ආරම්භක ක්‍රියාමාර්ග ගැනීම ප්‍රමාද කිරීම සහ රැපිඩ් පරීක්ෂා නිසි පරිදි සුබල නොකිරීම සම්බන්ධයෙන් දැනටමත් දැඩි විවේචනයකට ලක්ව තිබේ.
අතීතයේ පටන්ම NHS, ලෝකයේ හොඳම සෞඛ්‍ය සේවය ලෙස ආරක්ෂා වී තිබීමේ ගෞරවය ද ඓතිහාසික ලෙස හිමිවන්නේ ලේබර් පක්ෂයට ය. 1948 වසරේදී වෙල්ෂ් ලේබර් පක්ෂයේ ප්‍රබලයෙකු වූ (එවකට සෞඛ්‍ය ඇමති) අනෙයුරින් බෙවන් (Aneurin Bevan) ගේ මූලිකත්වයෙන්, මහජන බදු මුදල්වලින් කළමනාකරණය වන සෞඛ්‍ය සේවාවක් ලෙස NHS ස්ථාපිත කරන්නට පුරෝගාමී වූයේ ද ලේබර් පක්ෂයයි. මුදල් ගෙවීමේ හැකියාව කුමක් වුවත්, ගුණාත්මකභාවයෙන් යුතු සෞඛ්‍ය සේවයක් සඳහා මහජනතාවට අයිතියක් ඇති බව ලේබර් පක්ෂය දැඩි සේ විශ්වාස කළේය. අදටත් එය එසේම ය.
එවකට සෞඛ්‍ය අමාත්‍යවරයා අනෙයුරින් බෙවන් රෝගියෙකුගේ සුව දුක් විමසමින් – 1948
ඒ අනුව වඩාත් මධ්‍යස්ථ මතධාරියෙකු, මානව හිමිකම් ප්‍රවීණයෙකු, නීතිය හා යුක්තිය පිළිබඳ සංජානනයක් ඇති ප්‍රවීණයෙකු වෙතට බ්‍රිතාන්‍ය ලේබර් පක්ෂයේ සුක්කානම භාර වන මොහොත දෛවෝපගත ය. ලෝකයේ භයානකම වසංගතය හේතුවෙන් රට මරණයේ දේශයක් බවට පත්වෙමින් තිබෙන යුගයක NHS සෞඛ්‍ය සේවය දැඩි සේ වෙර ගැන්විය යුතු ව තිබෙන සමයක ‘ශ්‍රීමත් කෙයර්‘ ගේ ඉදිරි වැඩපිළිවෙළ විසින් සමස්ත බ්‍රිතාන්‍යයේම දේශපාලන සිතියම අලුතෙන් ඇඳෙන්නට පවා ඉඩකඩ තිබේ.
රුසියාව යුක්‍රේන ජනපති අත්‍යවශ්‍ය අපරාධකරුවන්ගේ ලැයිස්තුවට ඇතුළත් කර, ඔහුට එරෙහිව නඩුවක් ද ගොනු කර ඇති…
සහන කණ්ඩායම් සදහන් කරන්නේ,පුද්ගලයින් 67 දෙනෙකු අතුරුදන් බවයි.
කම්කරු පක්ෂයේ ජය තහවුරු කළ ප්‍රබල අවස්ථාවක්
ඊශ්‍රායල් ප්‍රහාර වලින් පලා ගිය මිලියන 1.4කට වැඩි පලස්තීන ජාතිකයන් පිරිසක් රෆාහි ආහාර, ජලය, ඖෂධ…
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්‍රදේශයෙන් ඉවත් කර ඇති අතර…
එක්සත් ජනපදය ප්‍රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්‍රහාර එල්ල…
විරෝධතාකරුවන් පාගමන් හා වෙනත් ක්‍රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්‍යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්‍රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්‍ය වලින් නැවත නැවතත් ඉල්ලා තිබුණේ, ප්‍රචණ්ඩත්වයෙන් සහ…
විශේෂත්වය වන්නේ ඡන්දය ප්‍රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්‍ර කඳවුරු පිහිටුවීම චීනයේ…
ඊශ්‍රායල අගමැති බෙන්ජමින් නෙතන්යාහු ප්‍රතිචාර වශයෙන් දියත් කළ මිලිටරි ප්‍රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්‍යයින් ලක්ෂ ගණනක් මිය…