එහි ගියවිට ඔබට තමන් පැමිණ තිබෙන්නේ අති සුපිරි හෝටල් කාමරයක් වෙතටදැයි සැක සිතෙන්නට පුළුවන. නමුත් මේ නෝර්වේ රාජ්යයයි.
නෝර්වේ හි අපරාධ ප්රතිශතය ඉතා අඩු ය. එසේම ලෝකයේ අඩුම සිරකරු ජනගහනයක් ජීවත් වන රටවල් අතරින් එකක් වන්නේද නෝර්වේ රාජ්යයයි.
මෙම සිරකරුවන් අතරින් ද 30%ක් විදේශිකයන් වීම විශේෂත්වයකි. ‘‘නෝර්වේ ගිහින් හිරේ ගියත් සැපයි‘‘ යැයි ඔබට මේ ලිපිය අවසාන වන විට එනිසා සිතෙන්නට ද බැරි කමක් නැත.
මුළු රටම සැලකුව ද නෝර්වේ රාජ්යයේ සිරකරුවන් 4000 කට වඩා නැත. ඔවුහු ඉතා විශාල නිදහසක් බුක්ති විඳිති. එසේම මනා ලෙස පුනරුත්ථාපනය ද වෙති. කටුකම්බි ගසාගෙන, විදුලි සැර අල්ලාගෙන, දැඩි රැකවල් දමාගෙන සිරකරුවන් හා බන්ධනාගාර මුරකරන ඇමරිකාවේ සිට ශ්රී ලංකාව දක්වා සෑම රටකටම නෝර්වේ වෙතින් ඉගෙන ගත හැකි පාඩම් බොහොමයකි.
නෝර්වේ රාජ්යයේ බන්ධනාගාර, එළිමහන් බන්ධනාගාර වේ. ඒවා වටකර වැටවල් බැඳ නැත. මෙම ‘විවෘත බන්ධනාගාර සංකල්පය‘ 1930 දශකයේදී පින්ලන්තයෙන් උපත ලැබුවකි. එය මේ වන විට ස්කැන්ඩිනේවියානු රටවල, එනම් නෝර්වේ සහ ස්වීඩනය යන රටවල අකුරටම ක්රියාත්මක කරයි.
මේ අනුව සිරකරුවන්ට සිය ප්රජා ක්රියාකාරකම්වල යෙදෙමින් දඬුවම ගෙවන අතරවාරයේම එළිමහනේ රැකියා සඳහා යාමට ද අවස්ථාව උදා වී තිබේ.
නෝර්වේ රාජ්යයේ සිරකරුවන්ට සිය ජංගම දුරකථන මගින් අන්තර්ජාලය තුළ සැරිසැරීමට කිසිම බාධාවක් නැත. බන්ධනාගාර බලධාරීන් මේ සම්බන්ධයෙන් සිතන්නේ, ‘‘බාහිර ලෝකය සමග සම්බන්ධ වී සිටීම, සිරකරුවන්ගේ යහපැවැත්මට ඉතාම වැදගත්‘‘ කාරණයක් බව ය. එසේම ‘‘අන්තර්ජාලයට ගියා කියලා ඔබට හිරේ ඉඳන් මිනී මරන්න බෑ‘‘ යැයි මාධ්යවේදියෙකු වරක් මේ ගැන විමසූ විට බන්ධනාගාර දෙපාර්තමේන්තුව පිළිතුරු ලබා දී තිබේ.
එසේම මෙම බන්ධනාගාර රැඳවියන්ගේ සුබ සාධනය සහ ඔවුන්ට පහසුකම් ලබාදීම වෙනුවෙන් නෝර්වේ රාජ්යය නොමසුරුව මුදල් වියදම් කරයි.
එහිදී ඔවුන් ලබන සැප පහසුකම් මේ ඡායාරූප දෙස බැලීමෙන් ඔබට අවබෝධ කර ගත හැකිය. ඔවුන්ට ලැප්ටොප් පහසුකම් පවා තිබේ.
පුනරුත්ථානය යන්න, බලෙන් ඇති කළ හැකි දෙයක් නොවන බවට ද නෝර්වේ රාජ්යෙය් බන්ධනාගාර සංකල්පය මේ වන විට සනාථ කර තිබේ. මෙහි ජීවත් වන සිරකරුවන් කිසිදු විටෙක පළා යාමට උත්සාහ කරන්නේ නැත. මරණ දණ්ඩනය තබා ජීවිතාන්තය දක්වා සිර දඬුවම් කියා දෙයක්වත් නෝර්වේ රාජ්යයේ නැත. මේ රටේදී උපරිම සිර දඬුවම වසර 21 ක් පමණි. දැඩි ආරක්ෂාවක් බන්ධනාගාරයට සපයා තිබෙන්නේ නූතන තාක්ෂණය භාවිතා කිරීමෙන් මිස, අවි ගත් සෙබළුන් හෝ මුර භටයන් අඟලෙන් අඟල රඳවා තැබීමෙන් නොවේ. එසේම බන්ධනාගාර රැඳවියන්ට ඉතා ඉහළ තත්වයේ මනෝ චිකිත්සක වැඩමුළු, ජීවන කුසලතා වැඩමුළු යනාදිය ද මෙහි පැවැත්වෙයි.
මේ සියල්ලේම ප්රතිඵලයක් වශයෙන් නෝර්වේ බන්ධනාගාරයකින් පිටතට පැමිණෙන්නා සමාජයට අවැඩක් නොකරන, මනා ලෙස පුනරුත්ථාපනය වූ තැනැත්තෙකි. සිර දඬුවමක් විඳීමෙන් පසුව, එම රැඳවියා නැවත බන්ධනාගාරගත වීමේ ප්රතිශතය ලෝකයේ අඩුම රටක් වන්නේ ද නෝර්වේ රාජ්යයයි.
ප්රධාන ඡායාරූපය – Reddit
සහන කණ්ඩායම් සදහන් කරන්නේ,පුද්ගලයින් 67 දෙනෙකු අතුරුදන් බවයි.
කම්කරු පක්ෂයේ ජය තහවුරු කළ ප්රබල අවස්ථාවක්
ඊශ්රායල් ප්රහාර වලින් පලා ගිය මිලියන 1.4කට වැඩි පලස්තීන ජාතිකයන් පිරිසක් රෆාහි ආහාර, ජලය, ඖෂධ…
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්රදේශයෙන් ඉවත් කර ඇති අතර…
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…