බ්‍රිතාන්‍ය පාලක පක්ෂය වන කන්සර්වේටිව් පක්ෂයේ පාර්ලිමේන්තු මන්ත්‍රී ජේමි වොලිස් තමා සංක්‍රාන්ති සමාජභාවී පුද්ගලයකු ලෙස හෙළිදරව් කර තිබේ.
සමාජ මාධ්‍ය සටහනක් තබමින් ජේමි පවසා සිටියේ තමා සංක්‍රාන්ති සමාජභාවී බවත්, එය පිළිගැනීමට තමා නොපැකිළෙන බවත් ය.
බ්‍රිතාන්‍ය පාර්ලිමේන්තු මන්ත්‍රීවරුන්ගේ ජීවිත වල මහජනතාව කිසිදා නොදන්නා බොහෝ දේ තිරය පිටුපස සිදුවන බවත් තමා සංක්‍රාන්ති සමාජභාවී බව හඳුනා ගත්තේ ඉතා කුඩා වයසකදී බවත් ජේමි අවධාරණය කරයි.
තමා සංක්‍රාන්ති සමාජභාවී බව, හෝ ජේමිගේ ම වචනයෙන් තමාට සංක්‍රාන්ති සමාජභාවී වීමට “අවශ්‍ය බව” තමා පැහැදිලිව හඳුනා ගෙන ඇති බව ජේමි පවසයි.
කුඩා වයසකදී තමාට ස්ත්‍රී-පුරුෂ සමාජභාවයේ කනස්සල්ල හෙවත් ජෙන්ඩර් ඩිස්ෆෝරියා තිබූ බවට වෛද්‍යවරුන් නිගමනය කළ බවට අනාවරණය කරන ජේමි, මේ පිළිබඳව මහජනතාවට හෙළිදරව් කිරීමට තමාට කිසිඳු අවශ්‍යතාවයක් නොතිබූ බවත්, එසේ කළහොත් තමාට දේශපාලනයෙන් සමුගැනීමට පවා සිදුවනු ඇති බව තමා විශ්වාස කළ බවත් පවසයි.
තමා දිගටම භාවිතා කරන්නේ ඔහු/ඔහුගේ ආදී සර්ව නාම බව පෙන්වා දෙන ජේමි, තම අනන්‍යතාවය මත ජීවිත තර්ජනයට පවා මුහුණ දුන් බව සිය සමාජ මාධ්‍ය සටහන හරහා හෙළිදරව් කළේය.
2020 වර්ෂයේදී යම් පුද්ගලයකු සිය ස්ත්‍රී-පුරුෂ සමාජභාවී අනන්‍යතාව තම පියා හා පවුලේ සාමාජිකයන්ට හෙළිදරව් කොට සමාජයට ද හෙළිදරව් කරන බව පවසා තර්ජනය කොට පවුම් පනස් දහසක කප්පම් මුදලක් ඉල්ලූ බව ජේමි හෙළි කරයි.
මෙම සිදුවීමත් සමඟ ජේමි පොලීසියට පැමිණිල්ලක් සිදුකර ඇති අතර, අදාළ සිදුවීමට වරදකරු වූ එම පුද්ගලයා වසර දෙකක් සහ මාස නවයක සිරදඬුවමකට ද නියම වී තිබේ.
මෙම සිදුවීම් සියල්ල අමතක කොට තම ස්ත්‍රී-පුරුෂ සමාජභාවී අනන්‍යතාව පිළිබඳව ද නිහඬව තම ඉදිරි වැඩකටයුතු කරගෙන සිටීමට හැකිවනු ඇති බව ජේමි විශ්වාස කළ ද එය සාර්ථක වී නැති බවයි බ්‍රිතාන්‍ය කන්සර්වේටිව් මන්ත්‍රීවරයා අවධාරණය කරන්නේ.
එමෙන්ම, 2021 වර්ෂයේදී අන්තර්ජාලය හරහා හමුවූ පුද්ගලයකු තමා ලිංගික අපයෝජනයට ලක්කළ බව ද ජේමි සැල කරයි.
මෙම සිදුවීමෙන් පසු තමා ගතකළේ ඉතාමත් කටුක කාලවකවානුවක් බවත්, තම ස්ත්‍රී-පුරුෂ සමාජභාවය පිළිබඳව නිහඬව සිටීමට තමාට නොහැකි වූ බවත් ජේමි පෙන්වා දෙයි.
බ්‍රිතාන්‍ය පාලක පක්ෂ මන්ත්‍රී ජේමි වොලිස් මෙසේ සංක්‍රාන්ති සමාජභාවී පුද්ගලයකු ලෙස පිටතට පැමිණෙන්නේ එම පක්ෂයේ නායක වත්මන් බ්‍රිතාන්‍ය අග්‍රාමාත්‍ය බොරිස් ජොන්සන් මහතා සංක්‍රාන්ති සමාජභාවී ප්‍රජාවට අපහාසාත්මක ප්‍රකාශ පිට පිට සිදුකර ඇති වාතාවරණයක් තුළ වීම විශේෂය.
පොලිටිකෝ සඟරාවට අනුව, බ්‍රිතාන්‍ය කන්සර්වේටිව් පක්ෂ මන්ත්‍රීවරුන්ගෙන් සමන්විත වූ රාත්‍රී භෝජන සංග්‍රහයක් ඊයේ (29) දින පවත්වා ඇති අතර, මෙහි දී සංක්‍රාන්ති සමාජභාවී ප්‍රජාවට සහාය දක්වන එරට විපක්ෂ නායක කම්කරු පක්ෂ නායක ශ්‍රීමත් කියර් ස්ටාමර් හාස්‍යයට ලක්කරමින් ප්‍රකාශයක් සිදුකර ඇත.
එහිදී බොරිස් ජොන්සන් අග්‍රාමාත්‍යවරයා මෙවන් ප්‍රකාශයක් සිදුකර ඇත –
“සුබ සන්ද්‍යාවක් නෝනාවරුනි, මහත්වරුනි, නැතහොත් කියර් ස්ටාමර් පවසන පරිදි උපතේදී ස්ත්‍රී හෝ පුරුෂ ලෙස නියම කර ඇති පුද්ගලයන්..”
එලෙස දේශපාලනික වශයෙන් තම ප්‍රතිවාදියා මෙල්ල කිරීමට සංක්‍රාන්ති සමාජභාවී ප්‍රජාව පිළිබඳ විසිළු සහගත අන්දමින් අදහස් ප්‍රකාශ කිරීමට බොරිස් ජොන්සන් අග්‍රාමාත්‍යවරයා මෙම මොහොත යොදාගෙන ඇති අතර, මෙම රාත්‍රී භෝජන සංග්‍රහයට ජේමි වොලිස් මන්ත්‍රීවරයා ද සම්බන්ධව ඇත.
මෙය හැඳින්වෙන්නේ දේශපාලනික සංක්‍රාන්ති භීතිකාව යනුවෙනි. දේශපාලනික ප්‍රතිවාදියකු මතවාදීමය වශයෙන් මෙල්ල කිරීමට අපොහොසත් වන විට ඊට සංක්‍රාන්ති සමාජභාවී ප්‍රජාව ඉලක්කකරගත් මත ඔස්සේ යොමුවීම දේශපාලනික සංක්‍රාන්ති භීතිකාවේ ස්වභාවයයි. මේ අන්දමින්ම දේශපාලන සමරිසි භීතිකාව ද යොදා ගැනෙන අවස්ථා ඇත. දේශපාලනික සමරිසි/සංක්‍රාන්ති භීතිකාව උපායමාර්ගිකව යොදා ගැනෙන අවියකි.
තමා සංක්‍රාන්ති සමාජභාවී පුද්ගලයකු යැයි ජේමි සමාජ මාධ්‍ය සටහනක් තබා තිබෙන්නේ මෙම රාත්‍රී භෝජන සංග්‍රහයෙන් අනතුරුව ය. ඒ අනුව බොරිස් ජොන්සන් අග්‍රාමාත්‍යවරයා හෙවත් තම පක්ෂ නායකයා කළ ප්‍රකාශය ජේමි ට තදින්ම දැනෙන්නට ඇත.
ස්ටෝමි ඩැනියෙල් නමැති අසැබි චිත්‍රපටවලට රංගනයෙන් එක් වුණු නිළියක සහ ට්‍රම්ප් අතරේ සමීප සම්බන්ධයක් පැවැති…
මෙම ආයෝජනය මයික්‍රොසොෆ්ට් විසින් සිය දශක තුනක පමණ ඉතිහාසය තුළ අග්නිදිග ආසියාවේ සිදුවන විශාලතම ආයෝජනය…
ගලවා ගැනීමේ මෙහෙයුම් වෙනුවෙන් පුද්ගලයන් 500ක් යොදවයි.
යුක්‍රේනය පවසන්නේ, රුසියාව මෙම ප්‍රහාරය සිදුකිරීම සඳහා බැලිස්ටික් මිසයිලයක් සහ පොකුරු බෝම්බ යොදා ගෙන ඇති බවයි.
වාර්තාව තබන අතරතුර ඇය සෑම පැයකට වරක් මිනිත්තු 5ක විරාමයක් ලබාගෙන ඇති අතර, කෙටි නින්දකට,…
බන්ධනාගාර ගොඩනැඟිලිවලින් විශාල ප්‍රමාණයක් සහ එහි උස් තාප්පයේ කොටසක් කඩා වැටී ඇති අතර, සිරකරුවන් පලාගොස්…
ගිනිකන්ද පුපුරා යාමත් සමඟ සුන්බුන් මුහුදට වැටී සුනාමියක් ඇති ව තිබේ.
ඉන්දියාව පසුගිය වසරේ පස්වන විශාලතම ආර්ථිකය ලෙස එක්සත් රාජධානිය අභිබවා යන ලදී.
පලස්තීන ජනතාවගේ ඉතිහාසයේ විශාලතම ව්‍යසනය..
G7 කණ්ඩායමට කැනඩාව, ප්‍රංශය, ජර්මනිය, ඉතාලිය, ජපානය, බි්‍රතාන්‍ය සහ අමෙරිකාව යන රටවල් අයත් වන අතර මෙම…
දින 40ක සටන් විරාමයක් සම්බන්ධයෙන් ඊශ්‍රායලයේ පාර්ශවයෙන් සුභවාදී ප්‍රතිචාරයක් පළවීමත් සමඟ එම සැනසිලිදායක තත්ත්වය මොහොතකට…
ගාසා තීරයට මානුෂීය ආධාර වැඩි කිරීම, ප්‍රාණ ඇපකරුවන් නිදහස් කිරීම සම්බන්ධයෙන් ද එහිදී සාකච්ඡා වී…
මෙම මරණ දණ්ඩනය පැනවීම ජාත්‍යන්තර විරෝධතාවලට ද හේතු වී ඇති අතර මානවහිමිකම් කණ්ඩායම් මෙය මානව…
මේ මස මුලදී, කෙන්යාවේ කාලගුණ විද්‍යා දෙපාර්තමේන්තුව අනතුරු අඟවා තිබුණේ, මැයි මාසය දක්වා රටේ විවිධ…
සටහන - නිපුනි ලියනගේ අප්‍රේල් 29 , ලෝකය (අවුට්බවුන්ඩ් ටුඩේ): ශීත කළ පීසා වර්ග භාවිතයෙන්…