නවසීලන්තයේ ක්‍රයිස්ට්චර්ච් හි මුස්ලිම් පල්ලි දෙකක සිදුවු වෙඩි තැබීම්වලින් මේ දක්වා 40 දෙනෙක් මරණයට පත්ව තිබෙන අතර, තවත් 20 දෙනෙකුගේ තත්වය බරපතළ බව වාර්තා වේ.
නවසීලන්ත අගමැතිනී ජසින්ඩා ආර්ඩෙන්, මේ සිදුවීම් දෙක සම්බන්ධයෙන් සිය දැඩි කණස්සල්ල පළකර ඇති අතර ඇය ඒවා හඳුන්වා දෙන්නේ රටෙහි ‘අඳුරුතම දිනයක්‘ ලෙස ය.
ප්‍රහාර සම්බන්ධයෙන් සැක පිට මේ වන විට පුරුෂයන් තිදෙනෙක් සහ එක් කාන්තාවක් පොලිස් භාරයේ පසුවෙති. කෙසේ නමුත් තවත් සැකකරුවන් නිදැල්ලේ පසුවන බව ද වාර්තා වේ.
දැනට අත්අඩංගුවට ගෙන සිටින එක් අයෙක් ඔස්ට්‍රේලියානු පුරවැසියෙක් බව ඔස්ට්‍රේලියානු අගමැති ස්කොට් මොරිසන් පවසයි. එම සැකකරු ‘අන්තවාදී දක්ෂිණාංශික – ප්‍රචණ්ඩකාරී ත්‍රස්තවාදියෙකු‘ බව ද ඔහු සඳහන් කර තිබේ.
ප්‍රහාරයට ලක්ව තිබෙන්නේ නවසීලන්තයේ ක්‍රයිස්ට්චර්ච් හි අල් නූර් පල්ලිය සහ ලින්වුඩ් හි පිහිටා තිබෙන මුස්ලිම් පල්ලියකි. මේ වන විට ලැබී තිබෙන මරණ සහ තුවාළකරුවන් ගණන බොහෝ සෙයින් අල් නූර් ප්‍රහාරය පිළිබදව වන අතර, ලින්වුඩ් ප්‍රහාරය පිළිබඳ තොරතුරු මේ වන විට තවදුරටත් ලැබෙමින් පවතියි.
මේ තත්වය තුළ මිය ගිය ගණන සහ තුවාළකරුවන්ගේ ගණන මීට වඩා ඉහළ යා හැකි බව ද පැවසේ.
අල්නූර් ප්‍රහාරය ආරම්භ කර තිබෙන්නේ තුවක්කුකරුවන් යාඥා කාමරය වෙත කඩා වැදී එහි සිටි යාඥා කරන්නන් හට වෙඩි තැබීම මගිනි.
පොලිසිය පවසන්නේ වාහනවලට සවි කර තිබූ පුපුරණ ද්‍රව්‍ය ඇටවුම් ගණනාවක් ද නිෂ්ක්‍රිය කිරීමට තමන් කටයුතු කළ බවයි.
වෙඩි තැබීම එල්ල වන අවස්ථාවේදී බංග්ලාදේශ ක්‍රිකට් කණ්ඩායමද දේව මෙහෙය සදහා සහභාගී වීමට පැමිණ සිටි අතර ඔවුන් කිසිවෙකුටත් වෙඩි ප්‍රහාරයෙන් හානි නොවී ඇති බව
බංග්ලාදේශ ක්‍රිකට් නායක තමීම් ඉක්බාල් සිය ට්විටර් ගිණුමේ සටහනක් තබමින් ප්‍රකාශ කර ඇත.
මෙම සිදුවීමත් සමග ක්‍රයිස්ට්චර්ච් හි පාසල් වෙත දැඩි ආරක්ෂාවක් සැපයීමට නවසීලන්ත ආරක්ෂක අංශ යුහුසුළු වී සිටිති. පැපනුයි උසස් පාසල වෙත විශේෂ ආරක්ෂාවක් සපයා තිබේ.
ප්‍රදේශවාසීන් හට ද පිටතට නොයන ලෙස උපදෙස් ලබා දී තිබේ.
එක් තුවක්කුකරුවෙකු විසින් තමන් සිදුකළ වෙඩි තැබීම් සහ මනුෂ්‍ය ඝාතන ඇතුළත් වීඩියෝවක් සජීවී ලෙස සමාජ ජාල හරහා විකාශය කර ඇති බව ද සඳහන් වේ. පොලිසිය මහජනයාගෙන් ඉල්ලීමක් කරන්නේ එබඳු වීඩියෝ සමාජ ජාල හරහා ෂෙයා නොකරන ලෙස ය.
ස්වයංක්‍රීය ගිනි අවි යොදාගෙන එම ප්‍රහාර සිදුකළ බව එම වීඩියෝවෙන් පෙනී යයි.
තමන් එම වීඩියෝව ෆේස්බුක් අන්තර්ගතයෙන් ඉවත් කිරීමට කටයුතු කළ බව මේ අතර ෆේස්බුක් සමාගම කියා සිටියි. ඉන්ස්ටර්ග්‍රෑම්වලින් ද එම වීඩියෝව මේ වන විට ඉවත් කර තිබේ.
සටහන - නිපුනි ලියනගේ අප්‍රේල් 29 , ලෝකය (අවුට්බවුන්ඩ් ටුඩේ): ශීත කළ පීසා වර්ග භාවිතයෙන්…
සටහන - නිපුනි ලියනගේ අප්‍රේල් 29 , ලෝකය (අවුට්බවුන්ඩ් ටුඩේ): වයස නිකන්ම නිකන් ඉලක්කමක් විතරයි…
අහමදාබාද් නියෝජ්‍ය පොලිස්පතිවරයා ඉන්දීය මාධ්‍යට පවසා ඇත්තේ, මෙවැනි මත්ද්‍රව්‍ය තොගයක් අත්අඩංගුවට ගැනීම සම්බන්ධයෙන් සතුටට පත්වන…
ඊශ්‍රායල අමාත්‍ය මණ්ඩලය අනතුරු අඟවා ඇත්තේ, සටන් විරාමයකට එකඟ වුවහොත් අගමැති බෙන්ජමින් නෙතන්යාහුගේ රජය බිඳ…
වෙළඳපොලේ ඇති සුඛෝපභෝගී පුද්ගලික ජෙට් එකක් කුලියට ගැනීම සඳහා බදු ගෙවන්නන්ගේ වියදමින් පවුම් ලක්ෂ ගණන්…
සිද්ධිය සම්බන්ධයෙන් පුළුල් විමර්ශනයක් ක්‍රියාත්මකයි.
දැනට ලෝකය දැවැන්ත විපර්යාසයකට මුහුණ දෙමින් සිටින අතර ජාත්‍යන්තර තත්ත්වය ද ඉතා සංකීර්ණ වන අතාර,…
නැගෙනහිර බෑග්ඩෑඩ්හි පිහිටි ඇගේ නිවස ආසන්නයේදී වෙඩි තබා ඇයව මෙලෙස ඝාතනය කර ඇති බව විදෙස්…
1994 වසරේදී පළමු මැතිවරණයෙන් කලින් තහනම් කරන ලද අප්‍රිකානු ජාතික කොන්ග්‍රසය (ANC) පක්ෂය අතිමහත් ලෙස…
මේ අතර ඊශ්‍රායලය හා හමාස් සංවිධානය අතර සටන් විරාමයක් ක්‍රියාත්මක කිරීම සම්බන්ධයෙන් පැවැත්වෙන සාකච්ඡා සඳහා…
ගෝලීය ආර්ථිකයට ඉහළම දායකයින් පස්දෙනා අතර චීනය, ජර්මනිය (2.77%), රුසියාව (2.71%) සහ බ්‍රසීලය (2.19%) ඇතුළත්…
මෙම ඛේදජනක අනතුර සිදුවී වසර 112කට පසුවත් ඒ වෙනුවෙන් ඇති ඉල්ලුම සුළුපටු නොවේ.
මෙම පිපිරිම හේතුවෙන් ගොඩනැගිලි හතරක් හමුදා වාහන කිහිපයකට හානි සිදුවී ඇති අතර ගම්වාසීන්ගේ නිවාස 25ක්…
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.
කෙසේවෙතත් තුවාලකරුවන් හෝ මරණ සම්බන්ධයෙන් මෙතෙක් වාර්තා වී නොමැති අතර ප්‍රහාරය පිළිබඳ පරීක්ෂණ පවත්වන බව…