අප්‍රිකානු රටවලට ධාන්‍ය අපනයනය කිරීම සඳහා තමා යුක්රේන ජනපති වොලොදිමිර් සෙලෙන්ස්කි සමඟ සාකච්ඡා කළ බව තුර්කි ජනපති තයිප් අර්දොගන් ඊයේ (02) දින මාධ්‍ය වෙත පවසා තිබේ.
ඒ මහතා මේ බව ප්‍රකාශ කර තිබෙන්නේ, යුක්රේන ධාන්‍ය පළමුව ජිබුටි, සෝමාලියාව සහ සුඩානයට යැවිය යුතු බව රුසියානු ජනපති ව්ලැදිමිර් පුටින් ප්‍රකාශ කර තිබෙන පසුබිමකය.
රුසියාව යුක්රේන ධාන්‍ය අපනයන ගිවිසුමට අනුව යළි කටයුතු කරන බවට ප්‍රකාශ කිරීමෙන් අනතුරුව, තුර්කි ජනපතිවරයා තුර්කි ගුවන්සේවයක් වන ATV වෙත ලබා දුන් සම්මුඛ සාකච්ඡාවකදී පවසා තිබෙන්නේ, ජර්මනියේ චාන්සල්වරයා වන ඔලාෆ් ෂොල්ස් මේ සම්බන්ධයෙන් තම ස්ථාවරය වෙනස්කරගෙන ඇති බවත්, දැන් රුසියානු ජනපති ව්ලැදිමිර් පුටින් සමඟ නිසි අවබෝධයක් ඇතිකර ගත යුතු බව හෙතෙම පැවසූ බවත් ය.
රුසියානු – යුක්රේන යුධමය තත්ත්වය තුළ යුක්රේනයේ වරාය ඔස්සේ එරට ධාන්‍ය අපනයනය කිරීම අවහිර කිරීම හරහා ගෝලීය වශයෙන් මතුවූ ආහාර අර්බුදය හමුවේ රුසියාවට ප්‍රභල විවේචන එල්ල වූ අතර, පසුව මේ සම්බන්ධයෙන් එකඟතාවයකට එළඹීමට රුසියාව කටයුතු කර තිබිණි.
ඒ අනුව, කළු මුහුද හරහා වෙළඳ කටයුතුවලට පිටත්කර හරින යුක්රේනයේ නෞකාවලට ප්‍රහාර දියත් කිරීමට කටයුතු නොකරන බවට රුසියාව පොරොන්දු වූ අතර, ගෝලීය ආහාර සුරක්ෂිතතාව වෙනුවෙන් යුක්රේන ධාන්‍ය අපනයන ගිවිසුමක් තුර්කි ජනපති තයිප් අර්දොගන් සහ එක්සත් ජාතීන්ගේ මහලේකම් ඇන්ටෝනියෝ ගුටරේස් ගේ මැදිහත්වීමෙන් යුතුව යුක්රේනය හා රුසියාව අතර එළඹෙන ලදී. මෙම ගිවිසුම අත්සන් කරනු ලැබුවේ ඉකුත් ජූලි 22 වන දින තුර්කියේ ඉස්තාන්බුල්හි ය.
ගෝලීය ආහාර අර්බුදය මැද මෙය බලාපොරොත්තුවේ ආලෝකයේ ගිවිසුමක් බවට එක්සත් ජාතීන් ද හඳුන්වා දී තිබුණ ද, පසුව යුක්රේනයේ වරාය අසලට එල්ලකළ ප්‍රහාර කිහිපයක් හමුවේ රුසියාව එම ගිවිසුම උල්ලංඝනය කළ බවට ද තොරතුරු වාර්තා විය.
කෙසේනමුත්, ඉන් අනතුරුව යුක්රේනයේ ධාන්‍ය අපනයනය කිරීම කළු මුහුද හරහා සිදුවූ අතර, මෙහි පළමු තොගය යැවුනේ සාගින්නෙන් පෙළෙන අප්‍රිකානු රටවලට ය.
යුක්රේන ධාන්‍ය අපනයන ගිවිසුම උල්ලංඝනය කිරීම මත රුසියාව නැවත යුරෝපයේ විශ්වාසය අහිමිකර ගත් අතර, ජර්මානු චාන්සල්වරයා මේ සම්බන්ධයෙන් සිය මතය ප්‍රකාශ කර තිබීම සාධාරණ ය.
සබැඳි පුවත්:
සටහන - නිපුනි ලියනගේ අප්‍රේල් 29 , ලෝකය (අවුට්බවුන්ඩ් ටුඩේ): වයස නිකන්ම නිකන් ඉලක්කමක් විතරයි…
අහමදාබාද් නියෝජ්‍ය පොලිස්පතිවරයා ඉන්දීය මාධ්‍යට පවසා ඇත්තේ, මෙවැනි මත්ද්‍රව්‍ය තොගයක් අත්අඩංගුවට ගැනීම සම්බන්ධයෙන් සතුටට පත්වන…
ඊශ්‍රායල අමාත්‍ය මණ්ඩලය අනතුරු අඟවා ඇත්තේ, සටන් විරාමයකට එකඟ වුවහොත් අගමැති බෙන්ජමින් නෙතන්යාහුගේ රජය බිඳ…
වෙළඳපොලේ ඇති සුඛෝපභෝගී පුද්ගලික ජෙට් එකක් කුලියට ගැනීම සඳහා බදු ගෙවන්නන්ගේ වියදමින් පවුම් ලක්ෂ ගණන්…
සිද්ධිය සම්බන්ධයෙන් පුළුල් විමර්ශනයක් ක්‍රියාත්මකයි.
දැනට ලෝකය දැවැන්ත විපර්යාසයකට මුහුණ දෙමින් සිටින අතර ජාත්‍යන්තර තත්ත්වය ද ඉතා සංකීර්ණ වන අතාර,…
නැගෙනහිර බෑග්ඩෑඩ්හි පිහිටි ඇගේ නිවස ආසන්නයේදී වෙඩි තබා ඇයව මෙලෙස ඝාතනය කර ඇති බව විදෙස්…
1994 වසරේදී පළමු මැතිවරණයෙන් කලින් තහනම් කරන ලද අප්‍රිකානු ජාතික කොන්ග්‍රසය (ANC) පක්ෂය අතිමහත් ලෙස…
මේ අතර ඊශ්‍රායලය හා හමාස් සංවිධානය අතර සටන් විරාමයක් ක්‍රියාත්මක කිරීම සම්බන්ධයෙන් පැවැත්වෙන සාකච්ඡා සඳහා…
ගෝලීය ආර්ථිකයට ඉහළම දායකයින් පස්දෙනා අතර චීනය, ජර්මනිය (2.77%), රුසියාව (2.71%) සහ බ්‍රසීලය (2.19%) ඇතුළත්…
මෙම ඛේදජනක අනතුර සිදුවී වසර 112කට පසුවත් ඒ වෙනුවෙන් ඇති ඉල්ලුම සුළුපටු නොවේ.
මෙම පිපිරිම හේතුවෙන් ගොඩනැගිලි හතරක් හමුදා වාහන කිහිපයකට හානි සිදුවී ඇති අතර ගම්වාසීන්ගේ නිවාස 25ක්…
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.
කෙසේවෙතත් තුවාලකරුවන් හෝ මරණ සම්බන්ධයෙන් මෙතෙක් වාර්තා වී නොමැති අතර ප්‍රහාරය පිළිබඳ පරීක්ෂණ පවත්වන බව…
තායිවාන බලධාරීන් සඳහන් කර ඇත්තේ, භූකම්පනය තායිපේ අගනුවරට ද දැනී ඇති බව සඳහන් වන අතර…