ලන්ඩන්, පැරිස්, මිලාන්, නිව්යෝක්.. මේ හැම විලාසිතා අගනගරයකම ලංකාවේ සම්බන්ධයක් තිබෙන නෝර්වීජියානු කළු කොල්ලාට තිබනේනේ අති මහත් ඉල්ලුමක්. ඔහුට කළු සම ආභරණයක්. ඔහුගෙ නම Jeenu Mahadevan – ජීනු මහදේවන්. ලෝක පිරිමි විලාසිතා ක්ෂේත්රයේ අලුත්ම උමතුව ඔහු කියා කිව්වත් නිවැරදියි.
ජීනු මහදේවන් ජාත්යන්තර පිරිමි විලාසිතා ලෝකයේ කුමාරයෙක් වුණේ 2017 වසරේ පැරිස් විලාසිතා සතියෙන්. එදා පටන් ඔහුට අහස උසට ඉල්ලුමක් ඇති වෙන්න පටන් ගත්තා. ඒ වනවිට මහදේවන්ගේ වයස අවුරුදු 20 යි.
Versace, Givenchy Alexander McQueen සහ Burberry වගේ ‘විලාසිතා බලාගාර‘ ඔහු වෙනුවෙන්ම විලාසිතා නිර්මාණය කරන්න තරම් ඔහුගේ පෞරුෂය බලවත් එකක් වුණා.
මේ හැම දෙයක්ම පටන් ගත්තේ 2016 මාර්තු මාසයේ බසයක නැගී සාමාන්ය තරුණයෙක් විදිහට නෝර්වේ හි පිහිටි සිය නිවස බලා ගමන් කරමින් සිටින අතරවාරයේයි. එක්තරා කාන්තාවක් බස් නැවතුම් 3 ක් විතර පහුවෙනකල් ඔහු දිහා ඉතා උවමනාවෙන් බලා සිටින ආකාරය ඔහු දැක්කා. ඔහුට මේක මුලින් පෙනුණෙ විකාරයක් වගේ. මේ වෙද්දි මහදේවන්ගෙ හිතේ විලාසිතා නිරූපණ ශිල්පියෙක් වීමේ කිසිම ආසාවක් තිබුණෙ නෑ. ඔහුගෙ සිහිනය වුණේ පරිගණක ක්ෂේත්රයේ රැකියාවක් කරන්න. නැතිනම් තාරකා භෞතික විද්යාව ඉගෙන ගන්න.
නමුත් ජාත්යන්තර විලාසිතා ලෝකය ඔහුව සාමාන්ය තරුණයෙක් විදිහට දැක්කෙ නැහැ.
‘‘සමහරු මට විහිළුකරල තියෙනවා මට ඉන්දියානු රජ කුමාරයෙක්ගෙ පෙනුම තියෙනව කියලා. ඒත් ඒක එහෙම නෙවෙයි කියල මට හොඳටම විශ්වාසයි..“ මහදේවන් එහෙම කියනවා.
අද වන විට ජීනු මහදේවන්, ජාත්යන්තර විලාසිතා ක්ෂේත්රයේ සිටින බොහොම අල්පයක් වන දකුණු ආසියාතිකයන්කිහිප දෙනාගෙන් එක් අයෙක්. ඔහු ශ්රී ලංකා නෝර්වීජියානුවෙක්. එනම් නෝර්වේ රාජ්යයේ ඔස්ලෝ අගනුවර ඔහු උපදින්නේ ශ්රී ලාංකීය දෙමාපියන්ට දාව.
මේ වන විට ජීනු හැරුණු විට දකුණු ආසියාවෙන් ජාත්යන්තර විලාසිතා ලෝකයට ගිය අය ඉන්නේ කිහිප දෙනෙක් පමණයි. Neelam Gill සහ Lakshmi Menon ඒ අතර සිටිනවා.
‘‘මුලින් සුද්දො ගොඩයි, මං විතරයි. මට හරි අමුත්තක් දැනුණා. මාව මෙහෙට අයිති නැති බව දැනුණා..“ යැයි මහදේවන් කියනවා.
නමුත් ජීනු මහදේවන් ව වැඩිපුරම අධෛර්යමත් කරන්නේ සුදු ජාතිකයන්නොව, කළු සම ඇත්තන් විසින්ම බවත් ඔහු බීබීසී පුවත් සේවය සමග කියනවා. තමන්ගේම ආසියාතිකයන් තමන්ට නිසි පිළිගැනීමක් ලබාදීමට මැලි වන බව මහදේවන් කියනවා.
ආසියාතිකයන් ‘සුදු සම‘ ලබාගන්න උමතුවෙන් වගේ වැඩ කරන පිරිසක්. ඒ නිසාම, කාල වර්ණ හෝ තළ එළළු සමේ ලස්සන ඔවුන්ට පෙනෙන්නේ නැහැ. එතැනදී, තමන්ට උරුම සමේ පාටට වඩා තමන්ට පිටස්තර සුදු පාට සමක් ගැන ආසියාතිකයන් බෙහෙවින් වද වෙනවා. බොහෝ ඉන්දියානු මෝස්තර නිරූපණ ශිල්පීන් සහ බොලිවුඩ් නළුවන් සුදු සම ඇති අය. සමහරුන් කළු සම සුදු කරගන්න වෙළඳ දැන්වීම්වල පවා උජාරුවෙන් පෙනී සිටින අය.
විදේශයන් වෙත සංක්රමණය වූ ආසියාතිකයනුත් සුදු සම උත්කර්ෂයට නංවන බව මහදේවන් දකිනවා. ‘‘නරකම ප්රතිචාර මට ලැබෙන්නේ ඉන්දියානුවන්ගෙන්. තද පාට සමක් ඇති අය විලාසිතා නිර්මාණ ක්ෂේත්රයේ සිටිය යුතු නැති බව ඔවුන් සිතනවා“ යැයි මහදේවන් කියනවා.
ශ්රී ලාංකිකයන් පවා ඔහුගේ වෘත්තීය තෝරාගැනීම ගැන එතරම් ප්රසාදයකින් නොසිටින බව ජීනු කියන්නේ බීබීසී පුවත් සේවය අමතමින්.
‘‘මා සිතන්නේ යුරෝපය මේ වන විට විලාසිතා සහ සුන්දරත්වය ගැන සිතන ආකාරය වෙනස් වෙලා. මට හොඳම ප්රතිචාර ලැබෙන්නේ යුරෝපියානුවන්ගෙන්“ යැයි ජීනු කියනවා. යුරෝපියානු සන්නාම ජීනු මහදේවන් පසුපස හඹා එන තත්වයක් මේ වන විට ඇති වී තිබෙනවා.
ඒ වගේම තමන් මෙන්ම විලාසිතා ක්ෂේත්රයට පිවිසෙන්නට සිහින මවන සාමාන්ය කළු සමැති තරුණයන්ගෙන් තමන්ට දිරිමත් කිරීමේ පණිවුඩ ලැබෙන බවත් ජීනු පවසනවා.
‘‘ආසියානු කළු-තළ එළළු සමට ජාත්යන්තර විලාසිතා ලෝකයේ විශාල ඉඩක් තිබෙනවා“ ජීනු මහදේවන් එසේ පවසන්නේ ආත්ම විශ්වාසයෙන් යුතුවයි.
‘‘ලෝකය වැඩි වැඩියෙන් දියුණු වෙත්ම විලාසිතා ක්ෂේත්රයේ වැඩි වැඩියෙන් ජන වර්ග නියේජනය වේවි. දැන් ඒ වාරය ඇවිත් තියෙන්නේ දකුණු ආසියාවටයි!“”
කම්කරු පක්ෂයේ ජය තහවුරු කළ ප්රබල අවස්ථාවක්
ඊශ්රායල් ප්රහාර වලින් පලා ගිය මිලියන 1.4කට වැඩි පලස්තීන ජාතිකයන් පිරිසක් රෆාහි ආහාර, ජලය, ඖෂධ…
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්රදේශයෙන් ඉවත් කර ඇති අතර…
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…