එයට හේතුව වී තිබෙන්නේ බ්රිතාන්ය නීතිය අනුව එරට දේශපාලන නිලයන් දරන්නන් විසින් සිය පවුලේ වත්කම් හෙළිකළ යුතු නමුත් රිෂී සුනාක් මෙම වත්කම් පිළිබඳ කිසිවක් හෙළිකර නොතිබීමයි.
ලන්ඩන් ගාඩියන් පුවත්පත ද මේ පිළිබඳ වාර්තා කර තිබිණි.
පසුගියදා එළිදුටු Infosys සමාගම් ජාලයේ වාර්ෂික වාර්තාවට අනුව ආක්ෂාතා මූර්ති, ටෙක් සමාගම් ජාලයක් වන එහි 0.91%ක කොටස්වල හිමිකාරිය වන්නීය. එම ප්රමාණයේ වත්මන් වටිනාකම බ්රිතාන්ය පවුම් මිලියන 430 කි. Infosys සමාගම් ජාලයේ නිර්මාතෘවරයා වන්නේ ආක්ෂාතා ගේ පියා වන කෝටිපති ව්යාපාරික නාරායන මූර්ති ය.
ලන්ඩන් ගාඩියන් වාර්තාවට අනුව ආක්ෂාතාගේ දළ වත්කම බ්රිතාන්ය පවුම් මිලියන 480 ක් පමණ වේ. මෙය දළ වශයෙන් ඉන්දීය රුපියල් කෝටි 4,200 කට සමාන ය.
නමුත් බ්රිතාන්යයේ දෙවැනි එලිසබෙත් මහ රැජිනගේ වත්කම බ්රිතාන්ය පවුම් මිලියන 350 ක් හෙවත් දළ වශයෙන් ඉන්දීය රුපියල් කෝටි 3,400 ක් බව කියැවේ.
ගාඩියන් වාර්තාවට අනුව මූර්ති සහ ඇගේ පවුලේ අයට ඉන්දියාවේ ඇමසන් සමාගම ඇතුළු තවත් සමාගම් ගණනාවක පවුම් මිලියන 900 කට ආසන්න වත්කම් ප්රමාණයක් තිබේ. ඉන්දියාවේ ඇමසන් සමාගමේ ද නාරායන මුර්ති ප්රධාන ආයෝජකයෙකි.
එක්සත් රාජධානි නීතියට අනුව සෑම අමාත්යවරයෙකුම ඔවුන්ගේ මෙන්ම ඔවුන්ගේ පවුලේ සාමාජිකයන්ගේ ද සියලු වත්කම් බැරකම් ප්රකාශ කළ යුතු ය. දිවුරුම ලබාදෙන අවස්ථාවේදී මෙය කළ යුතු වන්නේ බැඳියාවන් අතර ගැටුම් (conflict of interest) ඇති වීම වළක්වා ගැනීම පිණිස ය.
රිෂී සුනාක් බ්රිතාන්යයේ ගෞරවනීය නිලයක් ලෙස සැලකෙන British Chancellor of the Exchequer (චාන්සලර් ඔෆ් එක්ස්චෙකර්) ධුරයට පත් වූයේ 2020 පෙබරවාරි මාසයේ ය. මෙම ධුරයට පත් වීමත් සමග ඔහු ජ්යේෂ්ඨ කැබිනට් අමාත්යවරයෙකු බවට පත් වන අතර, මහරැජිනගේ භාණ්ඩාගාරයේ දෙවැනි අධිපතියා බවට ද පත් වෙයි. මෙම නිලය සාමාන්යෙයන් සමාන කළ හැක්කේ වෙනත් රටවල තිබෙන මුදල් අමාත්ය ධුරයට ය.
නමුත් සුනාක් විසින් ලබා දී ඇති මූල්ය ප්රකාශනවල දැක්වෙන්නේ ඔහුගේ බිරිඳ වන ආක්ෂාතා, එක්සත් රාජධානිය මූලික කරගෙන ක්රියාත්මක වන කැටමැරන් වෙන්චර්ස් නමැති කුඩා සමාගම් ජාලයේ හිමිකාරිය බව පමණයි. එක්සත් රාජධානියේම තිබෙන තවත් සමාගම් හා සමාගම් ජාල 6 ක ද, ඉන්ෆොසිස් හා ඇමසන් ඉන්ඩියා සමාගම් හැරුණු විට ආක්ෂාතාගේ කොටස් පවතින බව මෑත කාලීන වාර්තා හෙළිදරව් කරයි.
ඉන්ෆොසිස් ටෙක් සමාගමේ වාර්ෂික වාර්තාවලට අනුව ආක්ෂාතා මූර්ති විසින් සිදුකර ඇති මූලික ආයෝජනය හේතුවෙන් ඇයට වාර්ෂිකව පවුම් මිලිය ගණනක් ලාභාංශ වශයෙන් ලැබේ. ඇයට වඩා මෙම සමාගමේ කොටස් හිමිකාරිත්වයක් තිබෙන ඇගේ එකම පවුල් සාමාජිකයා ඇගේ සහෝදරයා වන රෝහන් මූර්ති පමණි. මේ අතර නාරායන මූර්තිගේ පවුල මෙම සමාගමට පවුම් බිලියන 1.7 ක් ආයෝජනය කර ඇත.
මේ අතර ඊයේ දිනයේ වාර්තා වූයේ ලබන වසන්ත සෘතුවේදී, බ්රිතාන්ය ජාතිකයන්ගේ සුබ සාධන කටයුතු සඳහා වෙන් කර ඇති මුදල් කපාහැරීමට රිෂී සුනාක් සූදානම් වන බවයි.
එසේ වුවහොත් බ්රිතාන්ය ජනතාවගෙන් තවත් මිලියන 3 ක් දෙනා දුප්පත්කම වෙතට (into poverty) තල්ලු වී යාමේ අවදානම ඉතා ඉහළ ය. මහා බ්රිතාන්යයේ දුප්පත්කම සමග ජීවත් වන ජනගහනය මිලියන 1.1 ක් වේ. කෝවිඩ් ගෝලීය වසංගතය හේතුවෙන් බ්රිතාන්ය ජාතිකයන් දැවැන්ත විරැකියාවකට පාත්ර වී සිටින අතර,ඔවුන්ට සතියකට පවුම් 20 ක් බැගින් ලබාදෙන දීමනාව අත්හිටුවා දැමිය යුතු යැයි රිෂී සුනාක්ගේ පාර්ශවයෙන් මේ වන විට යෝජනා වී තිබේ. මාර්තු මාසයෙන් පසුව මෙම දීමනාව ලබාදෙන බවක් රිෂී සුනාක්, පසුගිය සතියේ පැවති වියදම් ප්රකාශයේදී පවසා නැත.
කම්කරු පක්ෂයේ ජය තහවුරු කළ ප්රබල අවස්ථාවක්
ඊශ්රායල් ප්රහාර වලින් පලා ගිය මිලියන 1.4කට වැඩි පලස්තීන ජාතිකයන් පිරිසක් රෆාහි ආහාර, ජලය, ඖෂධ…
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්රදේශයෙන් ඉවත් කර ඇති අතර…
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…