ලොව යන අත

ඇයි නවාස් ෂරීෆ් විතරක්? එහෙම නම් හිරකාරයො ලක්ෂ එකහමාරම වෛද්‍ය ප්‍රතිකාර වලට පිටරට යවන්න! – ඉම්රාන් ඛාන්

හිටපු පාකිස්ථාන අගමැති නවාෂ් ෂරීෆ් අයහපත් සෞඛ්‍ය තත්වයෙන් පසුවන්නේ ය. ඔහු සිටින්නේ සිරගතව ය. එනිසා ඔහුව විදේශ රටකට යවා වෙදකම් කළ යුතු යැයි නවාස්ගේ පක්ෂය වන මුස්ලිම් ලීගයේ අය කියති.

හිටපු නායකයන්ට, සිටිනා නායකයන්ට සහ මේ දෙවර්ගයේ ඥාතීන්ට රෝගාබාධවලදී විදේශ ප්‍රතිකාර ලබාදීම ආසියාතික දේශපාලනයට අරුමයක් නොවේ. සිරමැදිරිවල ගෙවන වාට්ටු තරමටම මේ සංසිද්ධිය ද රටවැසියන්ට හුරු ය.

ඒ සඳහා වියදම් වන්නේ රටවැසියන්ගේ මුදල් ය. ජනතා මුදල් ය. නමුත් ඒ ගැන ප්‍රශ්න කරන්නේ කවුරුන්ද?

වෙන එකක් තබා, ලෝකයේ හොඳම සෞඛ්‍ය සේවාවන් තමන්ගේ රටේ තිබෙන බවට පම්පෝරි ගසන සෞඛ්‍ය ඇමතිලා පවා පපුවේ අමාරුවක් වැනි දෙයක් හැදුණු විට කෙළින්ම යන්නේ සිංගප්පූරුව වැනි රටවලට ය.

පාකිස්ථානයේ අති ප්‍රබල දේශපාලන උරුමයක් සහිත, පාකිස්ථානයේ එදා මෙදාතුර බිහිවූ ප්‍රබලතම නායකයෙක් ද වන නවාස් ෂරීෆ් වත් දැන් පිටරටක ප්‍රතිකාර සඳහා යැවේවිද?

ඒ ගැන තීරණයක් ගත යුතුව තිබෙන්නේ ඉම්රාන් ඛාන් ය.

ඉම්රාන් ඛාන් හුදෙක් පුහුදුන් දේශපාලකයෙක් නොවේ. ආසියාතික රටවල පඳුරකට ගැසුවත් විසිවෙන ආකාරයේ ප්‍රචණ්ඩත්වය අවුළුවා රටවැසියන් පිනවන නායකයෙක් නොවේ.

ඔහු පාකිස්තාන දේශපාලනය පැහැදිලිවම නව මගකට ගෙන යමින් සිටියි.

නවාස් ෂරීෆ්ගේ විදේශ ප්‍රතිකාර ගැන ඔහු කියන්නේ මෙසේ ය.

‘‘ඔහුව වෛද්‍ය ප්‍රතිකාර සඳහා පිටරටකට යවන්නට නීතියක් මේ රටේ නෑ..! අපි ඒ වෙනුවෙන් නීති වෙනස් කළ යුතුද…? එසේ කරනවා නම් ඔහු වැනි අපරාධකරුවන් 150,000 කටත් වෛද්‍ය ප්‍රතිකාර සදහා පිටරට යාමට ඉඩ ලබාදිය යුතුයි! මේක බ්ලැක් මේල් කිරිල්ලක්“

“Should we change the law to allow him [Mr Sharif] to get his medical treatment abroad? Should we allow all 150,000 convicts to get their medical treatment in foreign countries? This is mere blackmailing,” he added.

පාකිස්ථාන සුව සේවය විසින් නවාස් ෂරීෆ් ට ඒ රටේදී ලබාගත හැකි ඉස්තරම්ම සෞඛ්‍ය පහසුකම් සපයමින් සිටියි. ඉම්රාන් ඛාන් මෙසේ ද කියයි.

‘‘නවාස් ෂරීෆ් මේ රටේ තුන් වතාවක් අගමැති වෙලා හිටියා. තමන්ට තිබුණු ෆැක්ටරි ගණන එකේ ඉඳන් 30 දක්වා වැඩි කරගත්තා. නමුත් තමන්ට ප්‍රතිකාර ලබන්න තරම් සුදුසු එකම එක රෝහලක්වත් ඔහු මේ රටේ හදල නෑ. ඒ වෙනුවෙන් පිටරට යන්න හදන්නෙ ඒකනෙ…!“

ඉෂාක් ඩාර් යනු පාකිස්ථානයේ හිටපු මුදල් ඇමතිවරයෙකි. ඔහුට ලන්ඩනයේ ප්‍රතිකාර ලැබීමට අවශ්‍ය වූ විට ඔහු එසේ කළේ තමන්ගේ පුද්ගලික වත්කම් විකිණීම මගිනි. ඒ අනුව ඔහුගේ පියාට බයිසිකල් විකුණන්නට සිදුවිය.

පෙනෙන්නට තිබනේනේ පාකිස්ථානයේ කරළියේ සිටින මුල් පෙළේ අනෙකුත් දේශපාලකයන්ට ද ඉම්රාන් ඛාන්ගේ නව දේශපාලන සංස්කෘතිය නිසා වැඩ වැරදෙමින් තිබෙන බවයි. ඝාතනයට ලක් වූ පාකිස්ථාන අගමැතිනී බෙනාසීර් භූතෝගේ ඇවෑමෙන් අගමැති පදවියට පත් වුණේ ඇගේ සැමියා අලි සර්දාරි ය. මේ දෙපළගේ පුත් තරුණ බිලාවල් භූතෝ මේ වන විට පාකිස්ථාන ජනතා පක්ෂයේ සභාපතිකම උසුළයි. මේ වන විට බිලාවල් ජාතික වගවීමේ බියුරෝව (National Accountability Bureau (NAB)) හමුවට පමුණුවා ඇත්තේ ව්‍යාජ බැංකු ගිණුම් භාවිතා කර හසුවීම නිසා ය.

ඉම්රාන් ඛාන් මේ වන විට ලෝකයේ වැඩිම වේගයකින් දුප්පත් වෙමින් සිටින රාජ්‍ය නායකයා බවට පත්ව ඇති බව මීට පෙර ලිපියකින් අපි පැවසුවෙමු. බනිගාලා හි ඉම්රාන්ට අයත් කන්ද උඩ ගෙදරක් තිබේ. ඔහු මේ ගෙදර වියදම සම්පූර්ණයෙන්ම දරන්නේ තමන්ගේ පුද්ගලික මුදල්වලිනි. ඒ නිවස වටා කටුකම්බි ගැසීමට තමන්ට රුපියල් මිලියන 6 ක් වැය වූ බවත්, තමන්ට ලැබුණු ත්‍යාගයක් විකිණීම මගින් ඔහු ඒ වියදම පියවා ගත් බවත් ඔහු මාධ්‍ය හමුවේ හෙළි කළේ නොබෝදා ය.

පාකිස්ථානය ද ලංකාව සේම පෙර ආණ්ඩු නැටූ පිස්සු නිසා ණය බරින් ආතුර වී ඇති රටකි. මේ වන විට පාකිස්ථානයේ දළ දේශීය ණය ප්‍රමාණ්‍ය රුපියල් බිලියන 30 කි. ‘‘අපි මේ වන විට අවධානය යොමු කරන්නේ අඩුවෙන් ණය ලබාගන්නටයි. ඒ අනුව ණය බර අඩු කරගන්නට ඉදිරියේදී පුළුවන් වේවි.“ යැයි ඉම්රාන් ඛාන් පවසයි.

ඒ අතරම රටේ කළු සල්ලි සංචරණය වැළැක්වීමට, මුදල් විශුද්ධිකරණයට එරෙහි ව දැඩි නීති ගෙන ඒමට ඉම්රාන් ඛාන් විශාල වෙහෙසක් ගනියි. පාකිස්ථානය තුළ විදේශ ආයෝජන අවස්ථා වැඩි කරමින් විදේශ සංචිත වැඩි කර ගැනීමට ඔහු වෙහෙසෙයි.

ඇමරිකාව පවා මේ වන විට පාකිස්ථානයේ ආර්ථික සහ දේශපාලන ප්‍රතිසංස්කරණ ගැන පසුවන්නේ පහන් හැඟීමකිනි. ‘‘මුලින් ඇමරිකාව අපෙන් බොහෝ දේ බලාපොරොත්තු වුණා. නමුත් පාකිස්ථානයේ මැදිහත් වීමකින් තොරව ඇෆ්ගනිස්ථානයට සාමයක් උදා කර ගත නොහැකි බව මේ වන විට ඔවුන් පිළිගන්නවා..“ යැයි ඔහු පවසයි.

‘‘ජාතියේ පිනට පහළ වන නායකයන්‘‘ යන්න ලංකාවේ දේශපාලන වේදිකාවල නිතර ඇසෙන පිළුණු වූ යෙදුමකි. ඒ යෙදුම කෙතරම් වර නැගුවත් නිදහසින් 71 වසරක් ඉක්ම ගිය තැනක පවා එවැන්නෙක් පහළ වු බවට තවම සාක්ෂි නැත. එනිසා ජාතියේ පිනට පහළ වූ නායකයෙක් අද දක්වා අපේ රටවල් දැක නැත. එවැනි කෙනෙක් දැක තිබේදැයි කිසිවෙකු ඇසුවහොත් ඔබ ඔහුට ඉම්රාන් ඛාන් ව පෙන්වන්න!

පෙර ලිපි-
ලෝකයේ වේගයෙන්ම දුප්පත් වන රාජ්‍ය නායකයා – ඉම්රාන් ඛාන්

Share

Recent Posts

G7 කණ්ඩායම දේශගුණික විපර්යාස පාලන කිරීම සම්බන්ධයෙන් දැඩි තීරණයක!

G7 කණ්ඩායමට කැනඩාව, ප්‍රංශය, ජර්මනිය, ඉතාලිය, ජපානය, බි්‍රතාන්‍ය සහ අමෙරිකාව යන රටවල් අයත් වන අතර මෙම…

14 hours ago

සීතල යුද්ධයට විරාමයක්!

දින 40ක සටන් විරාමයක් සම්බන්ධයෙන් ඊශ්‍රායලයේ පාර්ශවයෙන් සුභවාදී ප්‍රතිචාරයක් පළවීමත් සමඟ එම සැනසිලිදායක තත්ත්වය මොහොතකට…

17 hours ago

සෞදියේ ඔටුන්න හිමි කුමරු හමුවූ අමෙරිකානු රාජ්‍ය ලේකම්!

ගාසා තීරයට මානුෂීය ආධාර වැඩි කිරීම, ප්‍රාණ ඇපකරුවන් නිදහස් කිරීම සම්බන්ධයෙන් ද එහිදී සාකච්ඡා වී…

18 hours ago

රැප් ගායකයාගේ මරණ දණ්ඩනය හේතුවෙන් ඉරානය පුරා නැවත විරෝධතා

මෙම මරණ දණ්ඩනය පැනවීම ජාත්‍යන්තර විරෝධතාවලට ද හේතු වී ඇති අතර මානවහිමිකම් කණ්ඩායම් මෙය මානව…

1 day ago

කෙන්යාවේ වේල්ලක් පුපුරා යාමෙන් 120දෙනෙකු මිය යයි

මේ මස මුලදී, කෙන්යාවේ කාලගුණ විද්‍යා දෙපාර්තමේන්තුව අනතුරු අඟවා තිබුණේ, මැයි මාසය දක්වා රටේ විවිධ…

1 day ago

ශීත කළ පීසාවල අඩංගු ඇතැම් අමුද්‍රව්‍ය සෞඛ්‍යට බලපෑමක් කරන බවට FSIS නිවේදනය කරයි!

සටහන - නිපුනි ලියනගේ අප්‍රේල් 29 , ලෝකය (අවුට්බවුන්ඩ් ටුඩේ): ශීත කළ පීසා වර්ග භාවිතයෙන්…

2 days ago

වයස යනු ඉලක්කමක් විතරයි යන්නට මෙවර මිස් යුනිවර්ස්ගෙන් නිදසුනක්!

සටහන - නිපුනි ලියනගේ අප්‍රේල් 29 , ලෝකය (අවුට්බවුන්ඩ් ටුඩේ): වයස නිකන්ම නිකන් ඉලක්කමක් විතරයි…

2 days ago

ඉන්දීය වෙරළාරක්ෂක බලකාය විසින් පාකිස්ථානයේ සිට ශ්‍රී ලංකාවට ගෙන ආ හෙරොයින් තොගය‍ක් අත්අඩංගුවට ගනී!

අහමදාබාද් නියෝජ්‍ය පොලිස්පතිවරයා ඉන්දීය මාධ්‍යට පවසා ඇත්තේ, මෙවැනි මත්ද්‍රව්‍ය තොගයක් අත්අඩංගුවට ගැනීම සම්බන්ධයෙන් සතුටට පත්වන…

2 days ago

සටන් විරාම සාකච්ඡා සඳහා හමාස් නිලධාරීන් ඊජිප්තුවේ කයිරෝ අගනුවරට!

ඊශ්‍රායල අමාත්‍ය මණ්ඩලය අනතුරු අඟවා ඇත්තේ, සටන් විරාමයකට එකඟ වුවහොත් අගමැති බෙන්ජමින් නෙතන්යාහුගේ රජය බිඳ…

2 days ago

ඩේවිඩ් කැමරන් දින පහක සංචාරයක් වෙනුවෙන් පවුම් මිලියන 42 ක සුඛෝපභෝගී ජෙට් යානයක් කුලියට ගනියි.

වෙළඳපොලේ ඇති සුඛෝපභෝගී පුද්ගලික ජෙට් එකක් කුලියට ගැනීම සඳහා බදු ගෙවන්නන්ගේ වියදමින් පවුම් ලක්ෂ ගණන්…

2 days ago

හූති කැරළිකරුවන් ඩ්‍රෝන යානයක් බිම හෙළයි!

සිද්ධිය සම්බන්ධයෙන් පුළුල් විමර්ශනයක් ක්‍රියාත්මකයි.

2 days ago

ඇන්තනි බ්ලින්කන් සහ ෂී ජින්පිං අතර හමුවක්!

දැනට ලෝකය දැවැන්ත විපර්යාසයකට මුහුණ දෙමින් සිටින අතර ජාත්‍යන්තර තත්ත්වය ද ඉතා සංකීර්ණ වන අතාර,…

3 days ago

ටික් ටොක් තරුවට මොකද වුණේ?

නැගෙනහිර බෑග්ඩෑඩ්හි පිහිටි ඇගේ නිවස ආසන්නයේදී වෙඩි තබා ඇයව මෙලෙස ඝාතනය කර ඇති බව විදෙස්…

3 days ago

‘අප්‍රේල් 27 යනු අපි අපේ විලංගු ඉවත් කරන දිනයයි. අපේ ශ්‍රේෂ්ඨ රට පුරා නිදහසේ සීනු නාද විය’ ; දකුණු අප්‍රිකාව 30 වසරක නිදහස සමරයි !

1994 වසරේදී පළමු මැතිවරණයෙන් කලින් තහනම් කරන ලද අප්‍රිකානු ජාතික කොන්ග්‍රසය (ANC) පක්ෂය අතිමහත් ලෙස…

3 days ago

ඊශ්‍රායල් ප්‍රහාරයන්ගෙන් පලස්තීන වැසියන් 27 දෙනෙකු ජීවිතක්ෂයට!

මේ අතර ඊශ්‍රායලය හා හමාස් සංවිධානය අතර සටන් විරාමයක් ක්‍රියාත්මක කිරීම සම්බන්ධයෙන් පැවැත්වෙන සාකච්ඡා සඳහා…

3 days ago