ස්ටීවන් හෝකින් යන එන හැම තැනම ඔහුගේ හෙදිය ද දැකගත හැකි විය. ඇගේ නම පැට්රීෂියා ඩව්ඩි ය.
අද දිනයේ ඇයට විරුද්ධව ස්ටීවන් හෝකින් මහා විද්යාඥයාගේ පවුලේ අය විසින් ගොනු කර තිබූ පැමිණිල්ල, සංවෘත අධිකරණයක් විසින් අසා නිම කළ අතර, එහිදී වහාම ක්රියාත්මක වන පරිදි ඇගේ හෙද බලපත්රය අහෝසි කිරීමට Nursing and Midwifery Council තීරණය කළේය.
අට අවුරුද්දක් තිස්සේ මහා විද්යාඥයා අසලින්ම සිටියේ ඇයයි. වයස අවුරුදු 21 දී චාලක නියුරෝන රෝගය හේතුවෙන් රෝද පුටුවට සීමා වී තිබූ ඔහුගේ ජීවිතයට අවශ්ය සැලකිල්ල, සාත්තුව ඇය අතින් නොමදව ලැබෙන බවට පූර්ව සහ පූර්ණ විශ්වාසයක් පවුලේ අයට තිබිණි. නමුත් අද දිනයේ නිමා වූ පරීක්ෂණයට අනුව ඇය මහාචාර්ය ස්ටීවන් හෝකින්ට හිමි විය යුතු, ඔහු වෙත ලබාදිය යුතුව තිබූ වෘත්තීය සැලකිල්ල ලබා දී නැති අතර, මූල්ය වංචා පිළිබඳව ද ඇයට චෝදනා එල්ල වී තිබේ.
ඇය තමන්ගේ වෘත්තියේ යෙදීමට නුසුදුසු අයෙකු බවට අවසාන වශයෙන් තීන්දු වී තිබෙන්නේ එසේ ය.
1999 වසරේ පටන් 2004 දක්වා ස්ටීවන් හෝකින්ගේ හෙදිය ලෙස සේවය කළේ ඇයයි. පසුව 2013 ජූලි මාසයේ පටන් 2016 මාර්තු 3 වැනිදා දක්වා ද ඔහු අසලින්ම සිටියේ ඇයයි. අනතුරුව 2016 වසරේදී ඇගේ සේවය තාවකාලිකව අත්හිටුවීමට තීරණය කරන්නේ, ස්ටීවන් හෝකින්ගේ පවුලේ අය ඇගේ සාත්තුව පිළිබඳ සැක පළ කරන්නට පටන් ගැනීමත් සමග ය.
2018 මාර්තු මාසයේදී ස්ටීවන් හෝකින් මහා විද්යාඥයා මිය යන විට 76 හැවිරිදි ව පසුවූ බව සැබෑවකි. නමුත් මේ හෙදිය ඇගේ වෘත්තිය නිසි පරිදි ඉටු කළේ නම් ඊට වඩා එක් දිනක් හෝ මහා විද්යාඥයා ජීවත් වීමට සූදානමින් නොසිටියේ යැයි කාට නම් කිව හැකිද?
ස්ටීවන් හෝකින් විශ්වයේ අඳුරු රහස් මිනිස් ලෝකයට හෙළි කළේය. ‘A Brief History of Time’ යනාදී පොත් සම්භාරයක් ද ලොවට දායාද කළේය. මුවින් පිට කළ නොහැකි වූ සිතිවිලි, ඔහු පරිගණක තිරයක් මතට ගෙන එමින් ලෝකය සමග කතා බස් කළේය. නමුත් එකදු මොහොතකට හෝ, තමන් සමීපයේ සිටින මේ හෙදිය, මේ ගැහැණිය තමන්ට දක්වන අවසැලකිලි ගැන ඔහු පැමිණිලි නොකළේය.
බාගවිට ඔහු ඒ ගැන දැන නොසිටින්නට ඇත. එසේත් නැතිනම් ඒ ගැන තැකීමක් නොකරන්නට ඇත. සැබවින්ම ඔහු භෞතික ජීවිතය බොහෝ කලකට පෙර අතහැර දැමූ මිනිසෙකි. තාරුකා අතරට යන්නට බොහෝ කලෙක පටන් සිහින මැවූ මිනිසෙකි. නමුත් තාරුකා මිනිසාට කළ අසාධාරණය ගැන නිහඬ වන්නට සොබාදහම සහ යුක්තිය අවසානයේ ඉඩ දී නැති සෙයකි.
අද දිනයේ මේ පුවත සැළ වන්නේ, මහා විද්යාඥයා කළු කුහරවල විද්යාත්මක රහස් හෙළිකරමින් සිදුකළ මෙහෙය සමරමින් මහා බ්රිතාන්යය විසින් පැන්ස 50 ක කාසියක් නිකුත් කළ දිනයේදීම වීම ද විශේෂත්වයකි. ස්ටීවන් හෝකින් ට පෙරාතුව මෙවැනි කාසි නිකුත් කිරීම් මගින් ගෞරව ලබාතිබෙන්නේ විද්යා ලෝකයේ අතළොස්සක් පමණි. ගුරුත්වාකර්ෂණය සොයාගත් ශ්රීමත් අයිසැක් නිව්ටන් සහ පරිණාමවාදයේ පියා වන චාල්ස් ඩාවින් ඒ අතර වේ.
පෙර ලිපි-
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…
කාන්තාවන්ගේ සෞඛ්යය නංවාලීම, ලිංගික හා ප්රජනන ගැටළු වැනි සෞඛ්ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!
එරට ආණ්ඩුක්රම ව්යවස්ථාවේ නිදහස් භාෂණයට ඇති අයිතිය ප්රියජනක සංස්කෘතික පරමාදර්ශයක් වේ.