කැවෙනාට එරෙහිව පූර්ණ විමර්ශනයක් පවත්වන ලෙසට සෙනෙට් සභාව ෆෙඩරල් රහස් ඔත්තු සේවය හෙවත් FBI වෙතින් ඉල්ලා සිටියද, ඔවුන් පවත්වා තිබුණේ පූර්ණ විමර්ශනයක් නොවේ.
මේ අතර, කැවෙනා ගේ දිවුරුම් දීමේ උත්සවයට සහභාගි වෙමින් ඇමරිකානු ජනපති ඩොනල්ඩ් ට්රම්ප් විසින් ඔහුව නිර්දෝෂී කිරීමේ උත්සාහයක නිරත වෙමින් සිටින අයුරු ද දක්නට ලැබිණි.
ජාත්යන්තර මාධ්ය විසින් මහත් සේ විවේචනය කළ මෙම සිදුවීමේදී ට්රම්ප් ජනාධිපතිවරයා, ඔහුට සහ ඔහුගේ පවුලට මුහුණ දෙන්නට සිදුවූ අපහසුතාවය පිළිබඳ සිය කණගාටුව ප්රකාශ කිරීමෙන් නොනැවතී ඔහුගෙන් සමාව ද ඉල්ලා සිටීම අතිශය ආන්දෝලනාත්මක සිදුවීමකි.
එසේම ඔහු මෙහිදී පවසන්නේ කැවෙනා සම්පූර්ණයෙන් අහිංසක බව ය. “You, sir, under historic scrutiny, were proven innocent,” යැයි එහිදී ඩොනල්ඩ් ට්රම්ප් පවසයි.
මෙය සාවද්ය ප්රකාශයක් වන්නේ කැවෙනාට එල්ල වූ චෝදනා සම්බන්ධයෙන් FBI විසින් පූර්ණ විමර්ශනයක් නොපැවැත්වූ නිසා ය.
මෙම දිවුරුම් දීමේ උත්සවය පැවැත්වුණේ මෙයට සති 13කට පෙර ට්රම්ප් විසින් කැවෙනා ව ශ්රේෂ්ඨාධිකරණය සඳහා නාම යෝජනා කළ ඊස්ට් රූම් හිදී ම ය. ශ්රේෂ්ඨාධිකරණයේ සියලුම විනිසුරුවරු ද මෙම අවස්ථාව සඳහා එක් වී සිටියහ.
කැවෙනාගේ බිරිඳ සහ දියණියන් දෙදෙනා ද මෙම අවස්ථාවට එක් ව සිටියහ. ඩොනල්ඩ් ට්රම්ප්ගේ බිරිඳ මෙලනියා ට්රම්ප් මෙයට සහභාගි වෙතැයි බොහෝ දෙනෙක් අපේක්ෂා කළ නමුත් ඇය පැමිණ සිටියේ නැත.
බ්රෙට් කැවෙනාට එරෙහිව ලිංගික අපචාර චෝදනා එල්ල කළේ මේ වන විට මනෝවිද්යාව පිළිබඳ මහාචාර්යවරියක වශයෙන් සේවය කරන ක්රිස්ටියන් බ්ලැස්ලි ෆෝඩ් විසිනි. (සම්පූර්ණ ලිපිය මෙතැනින්)
පසුගිය සෙනසුරාදා ඇමරිකානු සෙනෙට් සභාව විසින් ‘ඔව්‘ යැයි ප්රකාශිත ඡන්ද 50 ක් සමග ඔහුගේ නාම යෝජනාව සම්මත කළේය. නමුත් මෙය, නුතන යුගයේ ඇමරිකානු ශ්රේෂ්ඨාධිකරණ විනිසුරුවරයෙකු විසින් ලබාගත් අවම ඡන්ද ප්රමාණයයි. ඒ අනුව කැවෙනා යනු, නූතන ඇමරිකානු ඉතිහාසයේ බිහි වූ අපකීර්තිමත්ම ශ්රේෂ්ඨාධිකරණ විනිසුරුවරයා වශයෙන් ද හඳුන්වා දිය හැක.
විචාරකයන් විසින් කැවෙනාට එරෙහිව සිදුකළ ලිංගික අපචාර චෝදනා සම්බන්ධයෙන් පැවසුවේ, එය ඇමරිකානු ඉතිහාසය දේශපාලනික වශයෙන් සොළවා තබන පරීක්ෂණයක් බවට පත්වනු ඇත කියා ය. ට්රම්ප් විසින් සිය නාම යෝජනාව සම්බන්ධයෙන් කොතරම් දැඩි ලෙස පෙනී සිටින්නේද යන්න, ඔහු අද දින දිවුරුම් දීමේ උත්සවයේදී කළ කතාවෙන් ද සනාථ වේ. මෙය, ට්රම්ප් විසින් තමන්ට උවමනා විනිසුරුවරයෙකු ශ්රේෂ්ඨාධිකරණයට පත් කර ගැනීමක් ලෙස බොහෝ අය සලකති. ෆෙඩරල් රහස් ඔත්තු සේවය විසින් පුර්ණ පරීක්ෂණයක් නොපැවැත්වීමේ ගැටළුව ද ඉදිරි දිනවලදී කතා බහට ලක් වනු ඇත. ඇතැමුන් මෙය, ට්රම්ප් පරිපාලනයේ ජයග්රහණයක් ලෙස සැලකුවද ජාත්යන්තර විචාරකයන් මෙය දක්වන්නේ, ඇමරිකානු විධායකය අධිකරණයේ ස්වාධිපත්යයට හා ස්වාධීනත්වයට කොතරම් ප්රජාතන්ත්රවාදී නොවන අයුරින් මැදිහත් වීම් කරන්නේ ද යන්නට වඩාත්ම නූතන උදාහරණය ලෙස ය.
පෙර ලිපිය-
ට්රම්ප්ගේ කැවෙනා සහ මහාචාර්යවරියකට කළ ලිංගික අපචාර
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්රදේශයෙන් ඉවත් කර ඇති අතර…
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…
කාන්තාවන්ගේ සෞඛ්යය නංවාලීම, ලිංගික හා ප්රජනන ගැටළු වැනි සෞඛ්ය ගැටළු වෙනුවෙන් අවධානය යොමු කිරීම හදිසි…
උන් එසේ විවාපත් වී, වසර තිස් හතරක් සතුටින් ජීවත් ව; දරුවන් අටක් ලැබීය!