පුටින් න්‍යෂ්ටික අවි භාවිතයට සැරසෙන බවට ජෝ බයිඩන් අනතුරු අඟවයි

රුසියානු ජනාධිපති ව්ලැඩිමීර් පුටින්ගේ න්‍යෂ්ටික තර්ජන පිටුපස ඇති අන්තරායන් පිළිබඳව ජනාධිපති ජෝ බිඩෙන් පසුගිය බ්‍රහස්පතින්දා(06) දැඩි අනතුරු ඇඟවීමක් කර ඇත. ජනාධිපතිවරයා මේ බව ප්‍රකාශ කර තිබුණේ නිව් යෝර්ක් හි පැවති පුද්ගලික අරමුදල් රැස්කිරීමේ උත්සවයකදී ය.

බටහිර රටවලින් සපයන ලද නවීනතම ආයුධ වලින් සවිබල ගැන්වූ යුක්රේන හමුදාව මේ වන විට නැගෙනහිර සහ දකුණේ සැලකිය යුතු දියුණුවක් ලබා ඇති අතර, ක්‍රෙම්ලිනය දැන් රුසියාවේ කොටසක් යැයි ප්‍රකාශ කරන ප්‍රදේශවල පවා නගර සහ ගම් යළි අත්පත් කර ගෙන ඇත. රුසියානු හමුදාවේ පසුබෑම්, ජනාධිපති පුටින්ට විශාල අපහසුතාවයක්, රටේ හමුදාව පිළිබඳ අසාමාන්‍ය විවේචන අවුලුවා ඇත.
අසාර්ථකවීම් මධ්‍යයේ පවා ජනාධිපති පුටින් සිය දහස් ගනනක් සංචිතකරුවන් බලමුලු ගැන්වීම නිවේදනය කළ අතර ඒත් සමඟම රුසියාවේ යුද විරෝධී විරෝධතා ඇති විය. බෙහෝ පිරිසක් රට හැරයන තත්වයක් ඇති විය. ඒ අනුව ජනාධිපති බයිඩන් ප්‍රකාශ කර තිබුණේ දිගින් දිගටම වන අසාර්ථකවීම් හා පරාජයන් හමුවේ පුටින් න්‍යෂ්ටික අවි භාවිතා කිරීමට ඇති ඉඩකඩ වැඩි බවයි.

කෙසේ නමුත් මේ සම්බන්ධයෙන් ධවල මන්දිර ප්‍රකාශිකා Karine Jean-Pierre සිකුරාදා කියා සිටියේ න්‍යෂ්ටික අවි භාවිතාව පිළිබඳ කිසිදු බුද්ධි අංශ තොරතුරක් මේ වන තෙක් අනාවරණය නොවුණ බවයි.

බයිඩන්ගේ ප්‍රකාශය සම්බන්ධයෙන් ප්‍රංශ ජනාධිපති එම්මානුවෙල් මැක්‍රොන්ගෙන් විමසූ විට හු ප්‍රකාශ කර තිබුණේ තමා දේශපාලන ප්‍රබන්ධවලට නොපැමිණෙන බවත් මෙවැනි කාරණා සම්බන්ධයෙන් අදහස් දැක්වීමේදී අපි විචක්ෂණශීලීව කතා කළ යුතු බවත්ය. බයිඩන්ගේ අනතුරු ඇඟවීම සම්බන්ධයෙන් යුරෝපීය කොමිසමේ සභාපති Ursula von der Leyen පවසා තිබුණේ රුසියානු ජනාධිපති පුටින්ගේ තර්ජන ඉතා බැරෑරුම් ලෙස සලක බව පමණි.

පසුගියදා යුරෝපීය රටවල් 44 ක නායකයන් යුක්රේන යුද්ධය සම්බන්ධයෙන් සාකච්ඡා කළ අතර මෙහිදී යුරෝපීය කවුන්සිලයේ සභාපති චාල්ස් මයිකල් පැවසුවේ රුසියාව හෙළා දැකීමේදී අපගේ දැඩි ස්ථාවරය වෙ අතර යුක්රේනයට සහය දැක්වීමට සියලු දෙනා සූදානම් බවයි. ජාත්‍යන්තර සාමය සඳහා වන Carnegie Endowment හි න්‍යෂ්ටික ප්‍රතිපත්ති වැඩසටහනේ සම අධ්‍යක්ෂක ජේම්ස් ඇක්ටන් මේ සම්බන්ධයෙන් ට්විට්හි ලියා තිබුණේ බයිඩන්ගේ ගේ ප්‍රකාශය ඔහුගේ කටින් පිට වූවා පමණක් නොවන බවත්, සැබෑ න්‍යෂ්ටික අර්බුදයකදී මිලියන සිය ගණනකගේ ආරක්ෂාව සඳහා ඔහු වගකිව යුතු බවයි.

මේ සම්බන්ධයෙන් යුක්රේන ජනාධිපති ව්ලොදිමීර් සෙලෙන්ස්කී මාධ්‍ය වෙත වාර්තා කර තිබුණේ රුසියාව විසින් අත්පත් කර ගත් යුක්රේන භූමිය දිගින් දිගටම රුසියාවට අහිමි වීමත් සමඟ ජනාධිපති පුටින් න්‍යෂ්ටික අවි හෝ සමහරවිට කුඩා, උපක්‍රමශීලී අවි එම ප්‍රදේශ ආරක්ෂා කිරීම සඳහා භාවිතා කළ හැකි බවයි. ඔවුන් ඒ පිළිබඳ මේ වන විට සාකච්ජා කරන බවද යුක්රේන ජනාධිපතිවරයා මෙහිදී පවසා ඇත.

සශිකලා මධුෂාණී_