ජැක් මා, ඇමරිකානු ඩොලර් බිලියන 50 ක් වටියි. ඔහු සිටියේ චීනයේ ධනවත්ම මිනිසා වීමේ කිරුළ අද්දර ය. ඔහු කඩවසම් අයෙකු නොවේ. නමුත් ජැන්ඩියට අඳින්නට ප්රිය කළ ඔහු, චීනයෙන් බටහිරට ගිය ‘ටෙක් ටයිටන්‘ ය. ඒ ඔහුගේ එක් විරුදාවලියකි.
2020 නොවැම්බරයේදී තවත් අතිශය සාර්ථක වූ තාක්ෂණික-වාණිජ සන්ධ්යාවකින් පසු ඔහු අතුරුදන් වීම ලෝකයේ ශීර්ෂපාඨ මැව්වේය.
ජැක් මා අලිබබා සමාගම පටන්ගත්තේ සිය තට්ටු නිවාසයේ සිටියදී ය. කුඩා ඔන්ලයින් කඩයක් ලෙස ය. නමුත් අද වන විට ඔන්ලයින් ෂොපින් සහ කෘත්රිම බුද්ධිය ඇතුළු ඔහුගේ සේවාවන් ලබාගන්නා ලොව පුරා ජනගහනය මිලියන 800 කි.
මේ කුඩා සිරුරැති ජේත්තුකාරයා චීනය එළිපිට විවේචනය කළේය. ඩොනල්ඩ් ට්රම්ප්ව ද කලක් ඇසුරු කළේය. ඇමරිකාවේ මිතුරෙකු බවට පත් විය. ඒ සියල්ලම අතරේ සිය සමාගමේ සේවකයන්ට යහමින් සලකන්නට ද අමතක නොකළේය. දහස් ගණන් වූ සිය සේවකයන් වෙනුවෙන් ඔහු පැය ගණන් දිගු සාද නොමිලේ පැවැත්වීය. ඔවුන් වෙනුවෙන් ගීත ද ගායනා කළේය. ඔහුගේ අලුත්ම ව්යාපාරික නවාතැන වූ ඇන්ට් ගෘෘප්හි ඉලක්කය බවට පත් වී තිබුණේ චීනයේ ඩිජිටල් වෙළඳපොළයි.
සම්ප්රදායික බැංකු පද්ධතිය සොළවා දමන්නට තරම් තාක්ෂණික විභවයක් ඔහුගේ අලුත්ම ව්යාපාරය සතු විය. 2020 ඔක්තෝබර් 24 වැනිදා ෂැංහයිහිදී Ant Group සූදානම් ව සිටියේ කොටස් වෙළඳපොළ තුළ ලෝකයේ ලොකුම මහජන කොටස් නිකුතුව සිදුකරන්නට ය. මේ උත්සවය වෙනුවෙන් ජැක් මා, චීනයේ මූල්ය පද්ධතිය විවේචනය කරමින් කතාවක් ද පැවැත්වීය.
ඔහු අතුරුදන් වූයේ ඉන් පසුව ය. එක්කෝ ඔහුව නිවාස අඩස්සියේ තබා ඇති බවට, නැත්නම් අත්අඩංගුවට ගෙන ඇති බවට ද කතා පැතිරිණි.
BBC Radio 4 සඳහා The Real Internet Giants වැඩසටහනේ ගවේෂණාත්මක මාධ්යකරණයේ යෙදෙන කැත්රින් පාර්සන්ස් පවසන පරිදි, ජැක් මාගේ කතාව චීනයේ බැංකු පද්ධති ප්රධානීන් තරහ ගස්වා ඇති අතර, ඉක්මනින්ම එය ජනපති ෂී ජින් පින්ගේ අවධානයට ද යොමු කර ඇත. ඉක්මනින්ම ජැක් මා සහ ඇන්ට් ගෘෘප් හි ප්රධානීන් ව චීන බලධාරීන් විසින් රැස්වීමකට කැඳවන අතර, කොටස් නිකුතුව අත්හිටුවේ.
ජැක් මා, පෙනෙන්නට නැති වන්නේ සත්ය වශයෙන්ම මේ රැස්වීමෙන් පසුව ය.
චීන ආණ්ඩුව මේ වන විට ජැක් මා ගේ ආලිබබා සමාගමට එරෙහිව ‘තනි ආධිපත්යය පිටුදැකීමේ ප්රතිපත්තිය‘ (anti-monopoly investigation) යටතේ විමර්ශනයක් අරඹා තිබේ.
පසුගිය සතියේ අසන්නට ලැබුණේ චීනය සමාගම් 12කට දඩ ගසා ඇති බව ය. ඒ අතර Tencent සහ Baidu සමාගම් ද වේ. ඒවා පෙර කී අන්දමින් වෙළඳපොළ තුළ තනි ඒකාධිකාරයක් ඇති කර ගැනීමට උත්සාහ කරන බවට ෂී ජින් පින්ගේ නිලධාරීන් චෝදනා නගා තිබිණි.
තාක්ෂණික බලය නමැති අසරුවාට දැන්මම රේන්ස පටිය දැමිය යුතු බව ෂී ජින් පින් කල්පනා කරනවා විය හැකිය.
ඔස්ට්රේලියාවේ ක්රමෝපායික ප්රතිපත්ති ආයතනයේ පර්යේෂිකා සමන්තා හොෆ්මන් මෙසේ කියයි.
‘‘චීන කොමියුනිස්ට් පක්ෂයේ කමිටුව සමාගම් මෙල්ල කරන්න පසුබට වන්නේ නැහැ. පක්ෂයට තමයි පරම බලය තිබෙන්නේ. සමාගම්වලට නෙවෙයි. ආලිබබා වැනි අන්තර්ජාතික සමාගමකට වුණත් ඒ බව සිහිපත් කර දෙන්නට ඔවුන් උත්සුක වෙනවා..!‘‘
ඔව්, ජැක් මා චීනයට ලොකු නැත.
ජැක් මා ට ද චීනය ලොකු නැත.
නමුත් ජැක් මා ට ජැක් මාගේ ජීවිතය ලොකු ය.
අවසානයේ දිගු නිවාඩුවක් ගන්නට ඔහු තීරණය කළා විය හැකිය. ජනවාරි 20 වැනිදා කෙටි වීඩියෝවකින් පුණ්ය කටයුත්තකට සහභාගි වීම, ඉන්පසු ගොල්ෆ් සෙල්ලම් කිරීම වැනි ඉතා සීමිත අවස්ථා ගණනකදී හැර දැන් ජැක් මා පෙනෙන්නට නැත.
මින් ඉදිරියට ජැක් මා බොහෝ සෙයින් කට පරිස්සම් කර ගනු ඇත. මොන දේ කරන්නටත් මා ජීවත් වී සිටිය යුතු යැයි ජැක් මා අවසානයේ කල්පනා කරනවා විය යුතුය!
කම්කරු පක්ෂයේ ජය තහවුරු කළ ප්රබල අවස්ථාවක්
ඊශ්රායල් ප්රහාර වලින් පලා ගිය මිලියන 1.4කට වැඩි පලස්තීන ජාතිකයන් පිරිසක් රෆාහි ආහාර, ජලය, ඖෂධ…
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්රදේශයෙන් ඉවත් කර ඇති අතර…
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…
මෙම අද්විතීය මිනිසා වයස අවුරුදු 86 දී ෆ්රෑන්ක්ලින් හි නැෂ්විල් උප නගරයේදී මිය ගිය බව…
පුද්ගලයන් 21 දෙනෙකු අතුරුදන්ව ඇති බවත්, රියෝ ග්රෑන්ඩ් දෝ සුල් ප්රාන්තයේ ඇති වූ ජල ගැලීම්…