පාකිස්ථාන-ඇෆ්ගන් දේශසීමා මුරපොළ බිඳ වැටුණු බව ඇෆ්ගන් රජය නිල වශයෙන් පිළිගෙන නැති නමුත්, කන්දහාර් -ස්පින් බෝල්ඩැක් දේශසීමාවේ සුදු කොඩියක් ලෙළදෙන ආකාරය වීඩියෝවල පැහැදිලිවම දිස් වේ.
මේ අතර, ඇෆ්ගන් මූලාශ්ර කිහිපයක් බීබීසී පුවත් සේවය වෙත පවසා තිබෙන්නේ තලෙයිබාන් සටන්කාමීන් විසින් විශාල බාධාවකින් තොරව දේශසීමාව අත්පත් කර ගත් බවයි.
ගතවූ සති කිහිපය තුළ ඇමරිකානු හමුදාවෙන් 90%කටත් වඩා ඇෆ්ගනිස්ථානයෙන් ඉවත් වීමෙන් පසුව තලෙයිබාන් සංවිධානය විශාල වශයෙන් ශක්තිමත් විය. ඇෆ්ගන් හමුදාව යටතේ පැවති මුරපොළ ගණනාවක් ඔවුන්ගේ ග්රහණයට නතු කර ගැනිණි. ඉරානය, ටජිකිස්ථානය සහ තුර්කිමෙනිස්ථානය අතර දේශසීමාවන් ඒ අතර වේ.
දැඩි මතධාරී සහ මූලධර්මවාදී ඉස්ලාම් මිලීෂියා කණ්ඩායමක් වන තලෙයිබාන් සටන්කාමීන්, ඇමරිකානු ආක්රමණයෙන් පසු වසර 20 ක පමණ කාලයක් විශාල පසුබෑමකට ලක් ව තිබිණි. නමුත් ගතවූ දින කිහිපය තුළ ඔවුන් ප්රධාන නගරවලට සම්බන්ධිත සැපයුම් මාර්ග ද කපා දැමීමට සමත් වී තිබෙන්නේ රටම අඩපණ කරමිනි.
අලුත අල්ලාගත් බව කියන කන්දහාර් පළාතේ ස්පින් බොල්ඩැක් නගරය, එක් පසෙකින් පාකිස්ථානයේ චාමන් නගරය සමගත්, අනෙක් පසින් ඇෆ්ගනිස්ථානයේ විවිධ නගර වෙත දිවෙන මාර්ගවලිනුත් සමන්විත වේ. කන්දහාර් නගරය පාකිස්ථානයේ සැපයුම් මර්මස්ථාන සමග සම්බන්ධ වන්නේ ද මෙම නගරයෙනි. දිනපතා ට්රක් රථ 900 ක් පමණ මෙහි මහාමාර්ග දිගේ ධාවනය වනු දැකගත හැකිය.
තලෙයිබාන් සංවිධානය නිවේදනයක් නිකුත්කරමින් කියා තිබෙන්නේ මෙම පළාතේ ‘ආරක්ෂාව සහතික කර ඇති බව‘ යි.
මෙසේ ප්රහාර දිගින් දිගටම සිදු කරන අතරවාරයේ තලෙයිබාන් සංවිධානය ඇෆ්ගන් ආණ්ඩුව සමග සාකච්ඡා ද සිදුකරයි. මීට පෙර තලෙයිබාන්වරුන් ඇෆ්ගන් ආණ්ඩුව සමග සෘජු සාකච්ඡා පැවැත්වූයේ නැත. මෙසේ සාකච්ඡා පවත්වන අතරවාරයේදීත් ඔවුන් දිගින් දිගටම සිය ප්රහාර එල්ල කරන අන්දම ද දැකත හැකිය.
2020 වසරේ පටන් ඇෆ්ගනිස්ථානයෙන් නේටෝ සහ ඇමරිකානු හමුදාව ඉවත් කිරීමේ සම්මුතියක් ගැන සාකච්ඡා කෙරිණි. ඒ අනුව මෙය ඇමරිකානු ජනපති ඩොනල්ඩ් ට්රම්ප්ගේ සමයේදී කළ මුල පිරීමකි. එම ගිවිසුමේ පොරොන්දුව වූයේ, තලෙයිබාන් මිලීෂියාව තමන්ගේ පාලනය යටතේ පවතින පෙදෙස්වල කිසිදු ආකාරයක සන්නද්ධමය මැදිහත්වීමක් සිදුනොකළ යුතු බවයි. නමුත් ඇෆ්ගන් හමුදාව සමග සටන් නොකරන බවක් එම සම්මුතියේදී ඔවුන් එකඟ වූයේ නැත.
2001 වසරේදී ඇමරිකානු හමුදාව ඇෆ්ගනිස්ථානයට යැවීමේ තීරණය ගනු ලැබුවේ ජෝර්ජ් බුෂ්ගේ පාලන සමයේදී ය. ඇමරිකානු හමුදාව ඉවත් වීම සම්බන්ධයෙන් ජෝර්ජ් ඩබ්. බුෂ් දැඩි අනතුරු ඇඟවීමක් සිදුකර තිබේ. ඔහු කියා තිබෙන්නේ එය ‘‘සිතාගත නොහැකි තරම් නරක ප්රතිඵල‘‘ ඇති කරනු ඇති බවයි. මේ සතියේ ජර්මානු රේඩියෝ සේවාවක් සමග සාකච්ඡා කරමින් ඔහු මෙසේ කීය.
‘‘තලෙයිබානයට ඇෆ්ගනිස්ථාන ජනතාව මරාදමන්නට ඉඩ දී ඇමරිකානු හමුදාව සිය රට බලා කැඳවා තිබෙනවා‘‘
– ජෝර්ජ්. ඩබ්. බුෂ්
පවතින තත්වය තුළ ඇෆග්නිස්තානයේ හමීඩ් කර්සායි පාලනය සම්පූර්ණයෙන්ම බිඳ වැටීමේ අවදානම අධික ය. ඇෆ්ගන් හමුදා දරුණු පරාජයක් ලබමින් සිටින බව විදෙස් වාර්තා සඳහන් කරයි.
90 දශකයේ මැද භාගයේ සිට 2001 ඇමරිකානු ආක්රමණය දක්වා ඇෆ්ගනිස්ථානය පාලනය කළේ තලෙයිබාන් සංවිධානය විසිනි. විවිධ මානව හිමිකම් කඩවීම් සහ සංස්කෘතික ඝාතන රැසක් ඒ කාලයේ වාර්තා විය. ප්රසිද්ධියේ මරා දැමීම් මෙන්ම ටෙලිවිෂන්, සංගීතය සහ සිනමාව තහනම් කිරීම සහ අවුරුදු 10 ට වැඩි ගැහැණු ළමුන්ට පාසල් යාම තහනම් කිරීම තලෙයිබාන් පාලනය යටතේ සිදුවිය.
එමෙන්ම ඊශ්රායල හමුදාව රෆා ප්රදේශයට ඇතුලුවන එක් කොටසක බලය අත්පත් කරගෙන ඇති බව ද සඳහන්…
දැනට සිටින මහ ඇමැතිවරයකුට එල්ල වී ඇති ඉතා බරපතළ චෝදනා බැවින් අපට එම චෝදනා සනාථ…
කොන්සර්වේටිව් ආණ්ඩුවේ හිටපු අමාත්යවරයෙකු වන ටෝබියාස් එල්වුඩ් පැවසුවේ මෙම සිද්ධිය චීන සයිබර් ප්රහාරයක ලක්ෂණ ඇති…
ඇය මවක් වන විට ඇයට වයස අවුරුදු 16 පමණ වූ බවයි මූලාශ්ර වාර්තා කරන්නේ.
ගලවා ගැනීමේ මෙහෙයුම් අඛණ්ඩව ක්රියාත්මක වේ..
ඒ සදහා වූ උත්සවය මොස්කව් නුවරදී පැවැත්වී ඇත. ඔහුගේ ධුරකාලය වසර 6කි.2000 වසරේදී ඔහු පළමුවරට…
ඉන්දීය මාධ්ය වාර්තා කළේ, පසුගිය මාස 6ක කාලය තුළ ඇය වරින් වර ඩුබායි නුවර සංචාරය…
සටහන - නිපුනි ලියනගේ මැයි 06 , ලෝකය (අවුට්බවුන්ඩ් ටුඩේ): ටයිටැනික් සහ ලෝඩ් ඔෆ් ද…
ඊශ්රායලය අපකීර්තියට පත් වන ආකාරයෙන් මෙහෙයුම් සිදු කරන අල් ජසීරා නාළිකාව වසා දැමීමට කැබිනට් මණ්ඩලය…
සටහන - නිපුනි ලියනගේ මැයි 06 , ලෝකය (අවුට්බවුන්ඩ් ටුඩේ): මැඩෝනා ඉකුත් සති අන්තයේ සෙනසුරාදා…
මෙම ප්රහාරයෙන් තවත් කිහිප දෙනෙකුට තුවාල සිදු වූ බව ඊශ්රායලය පවසයි.
රුසියාව යුක්රේන ජනපති අත්යවශ්ය අපරාධකරුවන්ගේ ලැයිස්තුවට ඇතුළත් කර, ඔහුට එරෙහිව නඩුවක් ද ගොනු කර ඇති…
සහන කණ්ඩායම් සදහන් කරන්නේ,පුද්ගලයින් 67 දෙනෙකු අතුරුදන් බවයි.
කම්කරු පක්ෂයේ ජය තහවුරු කළ ප්රබල අවස්ථාවක්
ඊශ්රායල් ප්රහාර වලින් පලා ගිය මිලියන 1.4කට වැඩි පලස්තීන ජාතිකයන් පිරිසක් රෆාහි ආහාර, ජලය, ඖෂධ…