ඒ අනුව මෙම තීන්දුව යුරෝපා සංගමයේ සාමාජිකත්වය දරන රටවල් 27 ට ම වලංගු වේ.
බල්ගේරියාවේ සමරිසි විවාහය නීත්‍යානුකූල වශයෙන් පිළිනොගෙන තිබීම සහ එරට සමරිසි යුවළකට දාව ඉපදුනු දියණියකට උප්පැන්න සහතිකය නිකුත් කිරීමට බල්ගේරියානු බලධාරීන් ප්‍රතික්ෂේප කිරීම මත මෙම කතිකාවත යුරෝපා සංගමය තුළ ඇවිලෙන්නට විය.
ඒ අනුව යුරෝපා අධිකරණය විසින් නිකුත් කළ තීන්දුවෙන් දැක්වෙන්නේ යුරෝපා සංගමයට අයත් එක් රාජ්‍යයක් සමරිසි දෙමාපිය-දරු සබඳතාවය පිළිගන්නේ නම් සියළු සාමාජික රාජ්‍යයන් එසේ පිළිගැනීමට කටයුතු කළ යුතු බවයි.
මෙම අධිකරණ තීන්දුවට පාදක වූ බල්ගේරියාවේ සිදුවීමේදී එම බිළින්දිය ගේ එක් මවක් ඉපිද තිබෙන්නේ බල්ගේරියාවේ ය. අනෙක් මව බ්‍රිතාන්‍ය දේශසීමාවට අයත් ජිබ්‍රෝල්ටාවේ ය.
මෙම බිළින්දිය ඉපිද තිබෙන්නේ ස්පාඤ්ඤයේ වන අතර, ස්පාඤ්ඤය යනු සමරිසි විවාහය නීත්‍යානුකූල කළ යුරෝපා රාජ්‍යයක් බැවින් මෙම කාන්තාවන් දෙදෙනා ගේ නම් අලුතින් උපත ලද බිළින්දිය ගේ මව්වරුන් ලෙස උප්පැන්න සහතිකයේ සඳහන් කිරීමට ස්පාඤ්ඤ බලධාරීන් කටයුතු කර තිබේ.
කෙසේවෙතත්, ස්පාඤ්ඤ නීතියට අනුව මෙම බිළින්දියට පුරවැසිභාවය ලබා දීමට නොහැකි බව ස්පාඤ්ඤ බලධාරීන් ප්‍රකාශ කර තිබේ. මීට හේතුව වන්නේ ඇගේ මව්වරුන් දෙදෙනාම ස්පාඤ්ඤයේ ඉපිද නොතිබීමයි.
තත්ත්වය තවත් ව්‍යාකූල කරමින් මෙම බිළින්දියට බ්‍රිතාන්‍ය පුරවැසිභාවය ලබා දීම ද ප්‍රතික්ෂේප වී තිබේ. ඊට හේතුව නම්, 1981 බ්‍රිතාන්‍ය ජාතිකත්වය පිළිබඳ පනත ට අනුව, ජිබ්‍රෝල්ටාර් හි උපත ලද දෙමාපියකු සහිත දරුවකුට බ්‍රිතාන්‍ය පුරවැසිභාවය ලබා දිය නොහැකි වීමයි.
එවන් වාතාවරණයක් තුළ සමරිසි විවාහය පිළිනොගැනෙන බල්ගේරියාව විසින් ද ඇගේ පුරවැසිභාවය ප්‍රතික්ෂේප කිරීම නිසා අදාළ බිළින්දියට නීත්‍යානුකූල පිළිගැනීම කිසිදු රාජ්‍යයකින් ලබා නොදෙන තත්ත්වයක් උද්ගත වෙමින් තිබිණි.
එනම්, ඇගේ එක් මවක් උපත ලද බල්ගේරියාව, අනෙක් මව උපත ලද බ්‍රිතාන්‍ය නීතියට යටත් ජිබ්‍රෝල්ටාව සහ ඈ උපත ලද ස්පාඤ්ඤය යන රාජ්‍යයන් තුනම ඇගේ පුරවැසිභාවය ප්‍රතික්ෂේප කරන පසුබිමක් නිර්මාණය වෙමින් තිබිණ. ස්පාඤ්ඤය ඇගේ උප්පැන්න සහිතකය නිකුත් කිරීමට එකඟ වූව ද පුරවැසිභාවය ප්‍රතික්ෂේප කිරීම නිසා අධ්‍යාපනය, සෞඛ්‍යය හා සමාජ ආරක්ෂාව වැනි අයිතීන් රැසක් අනාගතයේ මෙම බිළින්දියට අහිමි වීමේ අවදානම නිර්මාණය වෙමින් තිබිණ.
ඒ අනුව, යුරෝපා අධිකරණ තීන්දුවේදී යුරෝපා සංගමයේ සාමාජිකත්වය දරන කිසිදු රටක දරුවකුගේ හෝ දෙමාපියකුගේ නිදහස සඳහා ඇති අයිතිය අහිමි නොවිය යුතු බවට ප්‍රකාශ වී ඇති අතර, මෙම බිලින්දියට සියළු අයිතිවාසිකම් ලැබිය යුතු බවට නිගමනය වී ඇත.
එමෙන්ම, සමරිසි දෙමාපියන් සිටින පවුල් ඒකකයක් සඳහා නීතිමය රැකවරණය ලබා දීම, යුරෝපා සංගමයට අයත් සමරිසි විවාහය නීත්‍යානුකූල නොවන රාජ්‍යයක ජාතික අනන්‍යතාවය අවතක්සේරු නොකරන හා මහජන ප්‍රතිපත්තියට තර්ජනයක් ඇතිනොකරන බව ද එම අධිකරණය විසින් නිගමනය කර තිබේ.
මේ සම්බන්ධයෙන් යුරෝපා අධිකරණය විසින් නිකුත් කළ මාධ්‍ය නිවේදනය පහතින්:
https://curia.europa.eu/jcms/upload/docs/application/pdf/2021-12/cp210221en.pdf
ප්‍රමෝද් චින්තක පීරිස්
රුසියාව යුක්‍රේන ජනපති අත්‍යවශ්‍ය අපරාධකරුවන්ගේ ලැයිස්තුවට ඇතුළත් කර, ඔහුට එරෙහිව නඩුවක් ද ගොනු කර ඇති…
සහන කණ්ඩායම් සදහන් කරන්නේ,පුද්ගලයින් 67 දෙනෙකු අතුරුදන් බවයි.
කම්කරු පක්ෂයේ ජය තහවුරු කළ ප්‍රබල අවස්ථාවක්
ඊශ්‍රායල් ප්‍රහාර වලින් පලා ගිය මිලියන 1.4කට වැඩි පලස්තීන ජාතිකයන් පිරිසක් රෆාහි ආහාර, ජලය, ඖෂධ…
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්‍රදේශයෙන් ඉවත් කර ඇති අතර…
එක්සත් ජනපදය ප්‍රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්‍රහාර එල්ල…
විරෝධතාකරුවන් පාගමන් හා වෙනත් ක්‍රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්‍යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්‍රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්‍ය වලින් නැවත නැවතත් ඉල්ලා තිබුණේ, ප්‍රචණ්ඩත්වයෙන් සහ…
විශේෂත්වය වන්නේ ඡන්දය ප්‍රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්‍ර කඳවුරු පිහිටුවීම චීනයේ…
ඊශ්‍රායල අගමැති බෙන්ජමින් නෙතන්යාහු ප්‍රතිචාර වශයෙන් දියත් කළ මිලිටරි ප්‍රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්‍යයින් ලක්ෂ ගණනක් මිය…